ბათუმის ერთ-ერთი საცხოვრებელი კორპუსი მაცხოვრებლებმა დატოვეს - რა გახდა ევაკუაციის მიზეზი

ბათუმში, ჯავახიშვილის 47 ნომერში, 5-სართულიანი კორპუსის 2 სადარბაზო მაცხოვრებლებმა დატოვეს - მიზეზი ერთ-ერთ მზიდ სვეტზე ბზარის გაჩენა გახდა.

მერიის შესაბამისმა სამსახურებმა მოქალაქეებს საცხოვრებლის დატოვების შესახებ გუშინ, გვიან ღამით შეატყობინეს.

მუნიციპალური სერვისების სამსახურის ინფორმაციით, შენობაზე უკვე დანიშნულია ექსპერტიზა.

დასკვნის შემდეგ გახდება ცნობილი, არის თუ არა კორპუსი უსაფრთხო და რა სამუშაოების ჩატარებაა საჭირო.