შვედეთში საპარლამენტო არჩევნები მიმდინარეობს

შვედეთში საპარლამენტო არჩევნები იმართება, რომელმაც შესაძლოა მთავრობაში პირველად მოიყვანოს ულტრამემარჯვენე პარტია ან ქვეყანა იმ ლიბერალიზმს დაუბრუნოს, რომლითაც ის ხანგრძლივი დროის განმავლობაში იყო ცნობილი, - წერს Reuters-ი.

გამოცემის ინფორმაციით, დღეს შვედეთის მოქალაქეები საარჩევნო უბნებზე ეროვნული პარლამენტის 349 დეპუტატისა და ადგილობრივი ხელისუფლების ორგანოების ასარჩევად მიდიან. საარჩევნო უბნები ადგილობრივი დროით 08:00 საათზე გაიხსნა, ეგზიტპოლის შედეგები კი უბნების დახურვისთანავე გამოქვეყნდება.

ბოლო ოთხი წლის განმავლობაში ქვეყანას მართავს მემარჯვენე უმცირესობის მთავრობა, რომელიც „თიდოს კოალიციის“ პარტიებმა ჩამოაყალიბეს - მემარჯვენე-პოპულისტური პარტია „შვედი დემოკრატების“ მხარდაჭერით. ეს უკანასკნელნი მინისტრთა პორტფელებს არ ფლობენ, თუმცა პარლამენტში სამთავრობო წინადადებებს მხარს უჭერენ.

მოქმედი პრემიერ-მინისტრი ულფ კრისტერსონი წარმოადგენს პარტია „ზომიერებს“ რომელსაც მთავრობაში მინისტრთა უმრავლესობა ჰყავს, მაშინ როცა ლიბერალებს - 11, ქრისტიან-დემოკრატებს 6 მინისტრი ჰყავთ.

ბოლო გამოკითხვებმა აჩვენა, რომ ოპოზიციური პარტიების ბლოკი მმართველი კოალიციის ბლოკს მცირედი უპირატესობით უსწრებს.