ნონა ქურდოვანიძე: წარმოვადგინეთ ჩვენი სადამკვირვებლო მისიის მიერ მოგროვებული მტკიცებულებები - იმედი გვაქვს გამოძიება ობიექტურად ჩატარდება

წარმოვადგინეთ ჩვენი სადამკვირვებლო მისიის მიერ მოგროვებული მტკიცებულებები და საჩივრები, რომლებიც დაიწერა როგორც არჩევნების დღეს, ასევე წინასაარჩევნო პერიოდში და არჩევნების შემდგომ, - განაცხადა ჟურნალისტებთან „ახალგაზრდა იურისტთა ასოციაციის“ თავმჯდომარემ ნონა ქურდოვანიძემ.

„ჩვენ თვითონ მივმართეთ პროკურატურას გამოძიება დაეწყო ხმის ფარულობის დარღვევის საკითხზე და ამ საკითხთან დაკავშირებით მივაწოდეთ ყველა ინფორმაცია, რომელიც ჩვენ გვაქვს და იმედი გვაქვს, ეს გამოძიება ობიექტურად ჩატარდება და მართლა გამოიძიებენ, რატომ დაირღვა ხმის ფარულობა“, - აღნიშნა ნონა ქურდოვანიძემ.

არჩევნების შესაძლო გაყალბების საქმეზე პროკურატურაში მიმდინარე გამოძიება გრძელდება. განახლდა გამოკითხვის პროცესი. მოსამართლის თანდასწრებით კითხვებს პასუხობდა საიას ხელმძღვანელი ნონა ქურდოვანიძე