24 დეკემბერს, ქუთაისში, მთავარი ნაძვის ხე საზეიმოდ აინთება

24 დეკემბერს, ქუთაისში, საქართველოს პრემიერ-მინისტრის ინიციატივით დაგეგმილი საახალწლო ღონისძიებების ფარგლებში, საზეიმოდ აინთება ქალაქის მთავარი ნაძვის ხე. საახალწლო პროგრამა 15:00 საათზე დაიწყება. ცენტრალურ მოედანზე გაიმართება საშობაო ბაზრობა: ადგილობრივი ნაწარმის, ხელნაკეთი ნივთების გამოფენა-გაყიდვა, შეძლებთ დააგემოვნოთ გლინტვეინი, დარიჩინის ორცხობილა, ცხელი შოკოლადი;

აქვე იქნება საბავშვო სივრცე: პატარებს შეასწავლიან საახალწლო სათამაშოების დამზადებას, გაართობენ ზღაპრის გმირები, თოვლის ბაბუა კი საჩუქრებს დაურიგებს. მოეწყობა ზღაპრის გმირების საზეიმო მსვლელობა.

16:00 საათზე ადგილობრივი შემსრულებლების საბავშვო კონცერტი დაიწყება ;

18:30 საათზე ნიკო ქაჯაიას კონცერტზე გეპატიჟებით.

20:00 საათზე საზეიმოდ აინთება ქუთაისის მთავარი ნაძვის ხე.

24 დეკემბრის საახალწლო ღონისძიებები დასრულდება ჯგუფი “New One”-ის კონცერტით და ფოიერვერკით.