ხაზარაძეს არ ახსოვს თავის მევახშეობის ამბავი, არც ბინების თუ ბიზნესების ღამეული გადაფორმებები ემახსოვრება, ამ „მოქალაქეობრივი“ და „მაღალ ზნეობრივი“ ქმედებების გამო სააკაშვილის ჯილდო ხომ საერთოდ დავიწყებული ექნება - ლევან ნიკოლეიშვილი

ამბობენ, ასაკთან ერთად ადამიანებს მეხსიერების დაკარგვა თუ დაქვეითება ახასიათებთო, თუმცა ჩვენთან უფრო ამნეზიაა გავრცელებული, განსაკუთრებით პოლიტიკური ამნეზია, როგორც ჩანს აქ ამ შემთხვევასთან გვაქვს საქმე, - ასე ეხმიანება ექსპერტი ლევან ნიკოლეიშვილი, "ლელოს" ლიდერის, მამუკა ხაზარაძის განცხადებას იმის შესახებ, რომ "ქართული ოცნება" გადასახადებს სხვადასხვა მეთოდით იპარავს.

ექსპერტის თქმით, ხაზარაძეს თავისი წარსული პოლიტიკური ამნეზიის გამო არ ახსოვს, თუმცა, ხალხი ყველაფერს იმახსოვრებს და სწორედ ის ასოცირდება ფულთან და გადასახადებთან დაკავშირებულ მაქინაციებთან.

"ამბობენ, ასაკთან ერთად ადამიანებს მეხსიერების დაკარგვა თუ დაქვეითება ახასიათებთო, თუმცა ჩვენთან უფრო ამნეზიაა გავრცელებული, განსაკუთრებით პოლიტიკური ამნეზია, როგორც ჩანს აქ ამ შემთხვევასთან გვაქვს საქმე.   მაგალითად, ხანდაზმულ  ხაზარაძეს არ ახსოვს თავის მევახშეობის ამბავი, ფაქტობრივად როგორი პირობებით ძარცვავდა ხალხს, არც ბინების თუ ბიზნესების ღამეული გადაფორმებები ემახსოვრება, ამ „მოქალაქეობრივ“ და „მაღალ ზნეობრივი“ ქმედებების გამო სააკაშვილის ჯილდო ხომ საერთოდ დავიწყებული ექნება! 

სამაგიეროდ,  ხალხს ახსოვს ეს ყველაფერი, განსაკუთრებით თუ საქმე ისეთ თაღლითობას  თუ ეხება, როგორიც გადასახადებთან თუ ფულთან დაკავშირებულ მაქინაციებია, რატომღაც მაშინვე ეს „მომავლის სპეტაკი პოლიტიკოსი“ ახსენდებათ!" - წერს ლევან ნიკოლეიშვილი Facebook-ზე.