„ჯანმრთელობის სერიოზული პრობლემები აქვს“ - კობა ნაყოფია მიხეილ სააკაშვილზე

მიხეილ სააკაშვილი რუსთავის ციხეში დღის მეორე ნახევარში, მისმა თანაგუნდელმა კობა ნაყოფიამ მოინახულა.

მან შეფასება გააკეთა ყოფილი პრეზიდენტის ჯანმრთელობის მდგომარეობასთან დაკავშირებით და ისაუბრა იმ თემებზე, რაც მიხეილ სააკაშვილთან შეხვედრაზე განიხილა.

„ჯანმრთელობის სერიოზული პრობლემები აქვს და ეს არათუ საყურადღებოა, არამედ დღემდე პასუხი არ გვაქვს ექიმის მასთან ვიზიტის თაობაზე. თუ არ იქნებიან დაშვებული ექიმები მასთან, ის პრაქტიკულად იძულებული გახდება, რომ ისევ მიმართოს პროტესტის უკიდურეს ფორმას და დაიწყოს შიმშილობა," - განაცხადა კობა ნაყოფიამ.