როსტოვში მელაძის, ანი ლორაკისა და ალექსანდრე რევას კონცერტები გააუქმეს

ქალაქის ადმინისტრაციის ხელმძღვანელმა, ალექსეი ლოგვინენკომ თქვა, რომ როსტოველები არ იღებენ იმ მომღერლების კონცერტებს, რომლებიც ეწინააღმდეგებიან „სპეციალური ოპერაციის“ ჩატარებას. - წერს TASS. ვალერი მელაძის, ალექსანდრ რევას, ანი ლორაკის და კიდევ სამი ჯგუფის კონცერტები, რომლებიც ზაფხულში დონის როსტოვში უნდა გამართულიყო, გაუქმდა.

„ქალაქის ადმინისტრაციამ თავისი მკაცრი პოზიცია და მოსაზრება კონცერტების ორგანიზატორებს გასულ ზაფხულს გადასცა“, - განაცხადა ლოგვინენკომ.

მანამდე გავრცელდა ინფორმაცია, რომ კონცერტები რუსეთის ზოგიერთ ქალაქშიც გაუქმდა. კერძოდ, გაუქმდა მელაძის კონცერტები ნოვოსიბირსკში, კრასნოიარსკსა და ირკუტსკში. ასევე გადაიდო როკ-ჯგუფ DDT-ის კონცერტები პეტერბურგში. 2022 წლის გაზაფხულზე უფაში DDT კონცერტის შემდეგ, პოლიციამ შეადგინა ოქმი ჯარის დისკრედიტაციის მიზნით ჯგუფის ლიდერის, იური შევჩუკის წინააღმდეგ, სცენიდან მისი პროვოკაციული განცხადებების გამო, უკრაინაში სპეცოპერაციის შესახებ. ასევე გაუქმებულია როკ ჯგუფის Mumiy Troll-ის კონცერტები, რომლებიც 10-დან 18 მარტამდე უნდა გამართულიყო რიაზანში, პენზაში, ვორონეჟში, კურსკში, ორელსა და იაროსლავლში.