კრემლში უარყოფენ ინფორმაციას, რომ პუტინი 9 მაისს უკრაინას ომს ოფიციალურად გამოუცხადებს

რუსეთის პრეზიდენტის ოფიციალურმა წარმომადგენელმა, დმიტრი პესკოვმა უარყო მედიაში გავრცელებული ინფორმაცია, რომ რუსეთის პრეზიდენტი, ვლადიმირ პუტინი 9 მაისს უკრაინას ომს ოფიციალურად გამოუცხადებს. ინფორმაციას CNN-ი ავრცელებს.

პესკოვმა ასევე უარყო გავრცელებული ინფორმაცია იმის შესახებ, რომ პუტინმა შესაძლოა გამარჯვების დღე გამოიყენოს ქვეყანაში მობილიზაციის გამოსაცხადებლად.

შეგახსენებთ, რომ 3 მაისს, CNN-მა დასავლელ მაღალჩისონებზე დაყრდნობით ინფორმაცია გაავრცელა, რომ რუსეთის პრეზიდენტმა 9 მაისს შესაძლოა უკრაინას ომი ოფიციალურად გამოუცხადოს.