Bloomberg: ევროკავშირის დიპლომატებმა ვლადიმერ პუტინისა და სერგეი ლავროვისთვის სანქციების დაწესების გეგმა დაამტკიცეს

უკრაინაში შეჭრის გამო, ევროკავშირის დიპლომატებმა რუსეთის პრეზიდენტის, ვლადიმერ პუტინისთვის და საგარეო საქმეთა მინისტრის სერგეი ლავროვისთვის სანქციების დაწესების გეგმა დაამტკიცეს. ამის შესახებ Bloomberg-ი ანონიმურ წყაროზე დაყრდნობით წერს.

აქტივების გაყინვა დაემატება სანქციების უფრო ფართო პაკეტს, რომელიც ევროკავშირმა უკვე დაამტკიცა.

როგორც წყარო ამბობს, პუტინს და ლავროვს მოგზაურობა არ შეეზღუდება, რამდენადაც ევროკავშირი დიპლომატიური გზების ამუშავებას ცდილობს.