თურქეთში წუხელ მომხდარი მიწისძვრების გამო მოსახლეობამ ახალი წელი ქუჩაში აღნიშნა

T4 Haber: თურქეთის მცხოვრებლებმა ახალი წელი მიწისძვრის გამო ქუჩაში აღნიშნეს
თურქეთის პროვინცია ჰაკარის მოსახლეობას წუხელ მომხდარი მიწისძვრის გამო ახალი წლის აღნიშვნა ქუჩაში და მანქანებში მოუწიათ. ამის შესახებ ადგილობრივი საინფორმაციო პორტალი T4 Haber იტყობინება.

მიწისქვეშა ბიძგების შემდეგ ნანგრევების ქვეშ დამარხვის შიშმა ბევრმა ადამიანმა სახლი დატოვა და ღამე სიცივეში გაატარა. ზოგმა კარავი გაშალა, ზოგს კი ცეცხლის დანთება და ახალი წლის აღნიშვნა ღია ცის ქვეშ მოუწია.საბედნიეროდ, მიწისძვრის შემდეგ სერიოზული ზიანი არ დაფიქსირებულა. ბზარები 28 სახლს აღმოაჩნდა და ახლა მიმდინარეობს გამოძიება ბიძგების საფრთხის გამო.