ტექნიკური ხარვეზი ტრამპის ინაუგურაციაზე - ქერი ანდერვუდს სიმღერის შესრულება აკაპელით მოუხდა

ვაშინგტონში, ამერიკის 47-ე პრეზიდენტის – დონალდ ტრამპის ინაუგურაცია გაიმართა, რომელზეც უხერხული მომენტი შეიქმნა.

მას შემდეგ, რაც ტრამპმა კაპიტოლიუმში საპრეზიდენტო ფიცი დადო, ტრიბუნასთან პატრიოტული ამერიკული სიმღერის – America the Beautiful შესასრულებლად ქერი ანდერვუდს უხმეს. მაშინ, როცა მუსიკა უნდა ჩართულიყო და არტისტს სიმღერა დაეწყო აღმოჩნდა, რომ ტექნიკური პრობლემა შეიქმნა, რისი გამოსწორებაც მუსიკოსმა საკუთარ თავზე აიღო.

რამდენიმე წამიანი სიჩუმის შემდეგ, ანდერვუდმა სიმღერა ცოცხლად, ცერემონიაზე დამსწრე საზოგადოების თანხლებით შეასრულა.