ჯანსაღია თუ არა ცხარე საკვები - მეცნიერები პასუხით გაოცდნენ
1720113472
ამბობენ, რომ ყველა ისტორიული გამარჯვების უკან ფეხბურთელებთან ერთად ყოველთვის მათი მწვრთნელი დგას. ასე იყო ამჯერადაც. საქართველოს ეროვნული ნაკრები ვილი სანიოლის ხელმძღვანელობით, ევროპის ჩემპიონატზე ღირსეულად წარდგა და მსოფლიოს კიდევ ერთხელ დაუმტკიცა, რომ ოთხ მილიონზე ნაკლები მოსახლეობის მქონე ქვეყანას სასწაულების მოხდენა შეუძლია...
ვილი დევიდ ფრედერიკ სანიოლი 18 მარტს სენტ-ეტიენში დაიბადა. ფეხბურთით ადრეულ ასაკშივე დაინტერესდა. ყოველთვის სჯეროდა, რომ წარმატება რისკისა და მარცხის გარეშე არასდროს მოვიდოდა.
ოცნების ასრულებისკენ სწრაფვაც პატარა ნაბიჯებით დაიწყო. პროფესიონალური საფეხბურთო კარიერა 1995 წელს საფრანგეთის ლიგა 1-ის კლუბში, მის მშობლიურ „სენტ-ეტიენში“ დაიწყო.მისი დებიუტი საფრანგეთის ეროვნულ ნაკრებში 2000 წელს შედგა. შემდეგ იყო ფრანგული კლუბი „მონაკო“. კარიერის უმეტესი წლები კი ვილი სანიოლმა „ბაიერნში“ გაატარა. მიუნხენის ბაიერნის შემადგენლობაში ყოფნის დროს მან უეფას ჩემპიონთა ლიგა და გერმანიის ჩემპიონის ტიტული ხუთჯერ მოიგო.
საფეხბურთო კარიერის დასრულების შემდეგ სანიოლმა სამწვრთნელო საქმიანობას მიჰყო ხელი.2013-2014 წლებში საფრანგეთის ახალგაზრდულ ნაკრებს წვრთნიდა. გარკვეული დროის მანძილზე საფრანგეთის კლუბ „ბორდოს“ ხელმძღვანელობდა. 2017 წლის ზაფხულში კი ბაიერნის საწვრთნელო შტაბს შეუერთდა და მთავარი მწვრთნელის მოვალეობის შემსრულებლად დაინიშნა. საქართველოს ნაკრებს სათავეში 2021 წლის თებერვალში ჩაუდგა.
ყველაზე რთული ვილი სანიოლისთვის 2014 წელი აღმოჩნდა. მაშინდელ „ბორდოს“ მწვრთნელს, რასიზმში დასდეს ბრალი. ამის მიზეზი სანიოლის განცხადება გახდა:
„სანამ მე „ბორდოს“ მწვრთნელი ვარ, ცოტა აფრიკელ ფეხბურთელს შევიძენთ. არ მინდა ორ წელიწადში ერთხელ დავკარგო ნახევარი გუნდი იმის გამო, რომ მათ მონაწილეობა უნდა მიიღონ აფრიკის თასის გათამაშებაში. აფრიკელი ფეხბურთელების ძირითადი უპირატესობებია: ისინი ითხოვენ ნაკლებ ხელფასს, მებრძოლი ხასიათი აქვთ, ფიზიკური ძალა გააჩნიათ. მაგრამ ფეხბურთში კიდევ უფრო მნიშვნელოვანია ტექნიკა, ჭკუა და დისციპლინა. აქ ყველაფერი ერთმანეთშია არის გადაჯაჭვული...“
მოგვიანებით ამ სიტყვებისთვის ვილი სანიოლს ბოდიშის მოხდა მოუწია.
„ვწუხვარ, თუ ჩემი სიტყვებით ვინმეს შეურაცხყოფა მივაყენე. ბოდიშს ვიხდი. მხოლოდ და მხოლოდ ფეხბურთზე ვლაპარაკობდი. ჩემი სიტყვები ინტელექტის შესახებ, რა თქმა უნდა, ტაქტიკურ განსწავლულობას შეეხებოდა. არავითარ შემთხვევაში არ ვაპირებდი ლაპარაკს ადამიანების გონებრივ შესაძლებლობებზე“.
რაც შეეხება პირად ცხოვრებას, ვილი სანიოლს მეუღლე - შარლოტ გვენდოლინ-სანიოლი და ოთხი შვილი ჰყავს..
ფეხბურთელებით ძალიან ვამაყობ. ახლა გზის დასასრულისკენ მივედით, მაგრამ იმედი მაქვს, მომდევნო გზა უფრო კარგი იქნება, - ამბობს სანიოლი და ჩვენს ქვეყანას ეროვნულ ნაკრებთან ერთად მომავალში ბევრ გამარჯვებას ჰპირდება.