1779997674
ირანმა ქალაქ ბუშერის მახლობლად ამერიკული დრონი ჩამოაგდო. ინფორმაციას საინფორმაციო სააგენტო Tasnim-ი სამხედრო წყაროზე დაყრდნობით ავრცელებს.
როგორც საერთაშორისო მედია წერს, მანამდე საინფორმაციო სააგენტო „ფარსმა“ გაავრცელა ინფორმაცია, რომლის თანახმადაც, თეირანმა რაკეტები ქვეყნის სამხრეთიდან გაუშვა. სააგენტოს ცნობით, რაკეტები „კონკრეტული სამიზნეებისკენ“ იქნა მიმართული.
ამასთან, საინფორმაციო სააგენტო „ტასნიმი“ ადასტურებს, რომ ირანის სამხრეთით, „ზღვის მხრიდან აფეთქების ხმები ისმოდა“.
ცნობისთვის, ცეცხლის შეწყვეტის შეთანხმების მიუხედავად, ირანსა და აშშ-ის შორის მორიგი საჰაერო იერიში გასულ ღამეს მოხდა.
