კიევის სავაჭრო ცენტრში ხანძარია

კიევში სოლომიანის რაიონში, სავაჭრო ცენტრ „კოსმოპოლიტში ხანძარი გაჩნდა. როგორც უკრაინული მედია, კიევის მერზე, ვიტალი კლიჩკოზე დაყრდნობით წერს, სავაჭრო ცენტრიდან ხალხის ევაკუაცია მიმდინარეობს.

არსებული ინფორმაციით, გამოყვანილია 200-მდე ადამიანი.

„დედაქალაქის სოლომიანის რაიონში, სავაჭრო ცენტრ „კოსმოპოლიტიდან“, სადაც ხანძარი გაჩნდა, ხალხის ევაკუაცია მიმდინარეობს“  -  წერს კლიჩკო. 

ადგილზე მობილიზებულია 13 სახანძრო-სამაშველო ტექნიკა და 50-ზე მეტი მაშველი. დაშავებულების შესახებ ინფორმაცია არ გავრცელებულა.