კანადაში, ერთ-ერთ სახლთან მეტეორიტი ჩამოვარდა

სათვალთვალო კამერამ, რომელიც კანადის ერთ-ერთი სახლის ზღურბლზე იყო დამონტაჟებული, მეტეორიტის ჩამოვარდნის მომენტი დააფიქსირა. ინფორმაციას The Guardian-ი ავრცელებს.

შინ დაბრუნებულმა სახლის მფლობელებმა ეზოში უცნაური მტვერი და ნაგავი აღმოაჩინეს. მათ შეამოწმეს ვიდეოჩანაწერები და დაინახეს, როგორ ჩამოვარდა რაღაც ციდან და დაეცა მათი სახლის წინ. ისინი სპეციალისტებს დაუკავშირდნენ და მათ ციური ნამსხვრევების ნიმუშები გადასცეს.

სპეციალისტებმა დაადგინეს, რომ ეს მეტეორიტი იყო. NASA-ს ინფორმაციით დღეში დედამიწაზე 43 ტონა (43,500 კგ.) მეტეორიტი ვარდება. თუმცა, ხშირად ისინი არა მიწაზე, არამედ ოკეანეში ვარდებიან.

მეტეორიტს შარლოტთაუნი დაარქვეს, აღმოსავლეთ კანადაში განთავსებული იმ ქალაქის პატივსაცემად, სადაც ის ჩამოვარდა.