დონალდ ტუსკი თხილამურებით სრიალის დროს დაშავდა - „შეამოწმეთ თხილამურები, ეს ჩემი უყურადღებობის შედეგია“

პოლონეთის პრემიერ-მინისტრი დონალდ ტუსკი თხილამურებით სრიალის დროს დაშავდა.

ამის შესახებ დონალდ ტუსკი სოციალურ ქსელში წერს და ვიდეოს აქვეყნებს, სადაც ყავარჯნებითაა.

როგორც პოლონეთის პრემიერ-მინისტრი ამბობს, სამთო კურორტზე შვილიშვილებთან ერთად იყო და აპირებდა, მათთვის სრიალი ესწავლებინა.

„ორი დღე შვილიშვილებთან ერთად, ვაპირებდი, მათთვის თხილამურებით სრიალი მესწავლებინა“,-განაცხადა ტუსკმა.

პოლონეთის პრემიერ-მინისტრმა განმარტა, რომ დისკომფორტის მიუხედავად შვებულებაში გასვლას არ აპირებს და მუშაობას ჩვეულ რეჟიმში აგრძელებს.

A miało być tak pięknie... pic.twitter.com/tS6Wyclmx4

— Donald Tusk (@donaldtusk) February 25, 2025

„მაგრამ მაქვს ერთი რჩევა: ფრთხილად იყავით ფერდობებზე, ვიცი, სეზონი ჯერ კიდევ გრძელდება. შეამოწმეთ თქვენი თხილამურები, ეს ჩემი უყურადღებობის შედეგია. არ არის აუცილებელი პრემიერ- მინისტრის ყველა რჩევას მოუსმინოთ, მაგრამ ეს გულთან ახლოს მიიტანეთ“, – წერს დონალდ ტუსკი.