დანიის უარი, ტრამპის განზრახვას ვერ ცვლის - ამერიკის 47-ე პრეზიდენტის თქმით, გრენლანდია გლობალური უსაფრთხოებისთვის და შტატების თავდაცვისუნარიანობის გაძლიერებისთვის სჭირდება

დანიის უარი მსოფლიოს ყველაზე დიდი კუნძულის ამერიკისთვის გადაცემაზე, შეერთებული შტატების 47-ე პრეზიდენტისთვის დაბრკოლებას არ წარმოადგენს. დონალდ ტრამპს გრენლანდია გლობალური უსაფრთხოებისთვის და შტატების თავდაცვისუნარიანობის გაძლიერებისთვის სჭირდება.

ის, რაზეც დონალდ ტრამპი ვაშინგტონიდან საუბრობს, ჯეი დი ვენსმა გრენლანდიაში გააჟღერა. გრენლანდია არქტიკაში მდებარეობს, სადაც ბოლო რამდენიმე წლის განმავლობაში რუსული ფლოტი და ჩინური ინვესტიციები ძლიერდება. სწორედ ამ მიზეზით, შეერთებული შტატების ვიცე-პრეზიდენტი დანიას აკრიტიკებს და ამბობს, რომ არ შეიძლება ჩინეთ-რუსეთის გავლენა უყურადღებოდ დარჩეს.

არქტიკის უსაფრთხოება რომ უფრო მაღალ პრიორიტეტად უნდა იქცეს, ამბობს დანიის პრემიერ-მინისტრიც, თუმცა მეტე ფრედრიქსონი ჯეი დი ვენსის კრიტიკულ განცხადებას არ ეთანხმება და აცხადებს, რომ ვიცე-პრეზიდენტის სიტყვები ამერიკა-დანიის ურთიერთობებს სამართლიანად არ ასახავს.