დაათვალიერეთ დედამიწისა და მთვარის ფოტოები, რომლებიც სამხრეთკორეულმა ზონდმა გადაიღო

სამხრეთ კორეის პირველმა მთვარის ზონდმა დედამიწისა და მისი თანამგზავრის შავ-თეთრი ფოტოები გადაიღო. ამის შესახებ CNN-ი იტყობინება.

ტელეარხის ცნობით, ზონდი „დანური“ მთვარის ორბიტაზე დეკემბერში გავიდა და თანამგზავრის ზედაპირიდან 100 კილომეტრის სიმაღლეზე დაფრინავს. მისი მისია კიდევ 11 თვის განმავლობაში გაგრძელდება. მის მიერ შეგროვილი მონაცემები მეცნიერებს მთვარის შესწავლაში დაეხმარება, მათ შორის მისია „არტემისს“, რომლის მიზანიც 2024 წელს მთვარეზე ადამიანების გაგზავნაა.