მეპატრონემ ტელეფონში ვიდეო თვალის აპლიკაციით ნახა, როგორ ძარცვავდა 42 წლის ქართველი მის სახლს

გუშინ, დილით ბენევენტოს შტატის პოლიციამ კარაბინერების დახმარებით 40 წლის ქართველი დანაშაულის ადგილზე დააკავა. პოლიციისთვის ის უკვე უკვე ცნობილია, როგორც  ქურდობისა და საჯარო მოხელესათვის წინააღმდეგობის გაწევისთვის ნასამართლევი.

ოფიცრები საქმეში ჩაერთნენ სახლის მესაკუთრის მიერ 911-ზე განხორციელებული ზარის შემდეგ, რომელმაც ვიდეოთვალის საშუალებით შეამჩნია უცნობი მამაკაცი, რომელიც სახლის შიგნით ტრიალებდა.

შემთხვევის ადგილზე პოლიციის თანამშრომლებმა ბინიდან გამოსული ქართველის დაკავება სცადეს. მან გაქცევა სცადა და პოლიციელებს წინააღმდეგობა გაუწია, თუმცა სხვა პერსონალის დროული ჩარევის წყალობით,  შეძლეს მისი შეჩერება ხანმოკლე დევნის შემდეგ.

შემდგომი პირადი ჩხრეკისას აღმოაჩინეს ქურდობისთვის გამოსადეგი სხვადასხვა გასაღებები და ასევე ქურდობის შედეგად მიღებული შემოსავალი, რომელიც შედგებოდა ნაღდი ფულისა და სხვადასხვა ძვირფასეულობისგან. 

ამრიგად, შეგროვებული მტკიცებულებებისა და ფორმალობების დასრულებიდან გამომდინარე, ქართველი ქურდობისა და თანამდებობის პირისთვის წინააღმდეგობის გაწევისთვის დააკავეს და ადგილობრივ ციხეში გადაიყვანეს, სასამართლო სხდომის მოლოდინში. - წერს უცხოური მედია.