1000-ზე მეტი სექსუალური ძალადობა და 21 მკვლელობა - სიკვდილმისჯილი სერიული მკვლელის დაუჯერებელი ისტორიები

ამერიკელმა სერიულმა მკვლელმა, კარლ პანზრამმა სიცოცხლის ბოლომდე აღიარა, რომ ჩაიდინა 21 მკვლელობა, 1000-ზე მეტი სექსუალური ძალადობა და ათასობით ძარცვა. თუმცა ამბობდა: „ამ ყველაფრის გამო სულაც არ ვწუხვარ“.

მას გისოსებს მიღმა ყოფნაც კი არ უშლიდა ხელს ტერორის გაღვივებაში თანაპატიმრებზე. როდესაც ის ციხეში გაგზავნეს ჩამოხრჩობის წინ, მან დაარწმუნა მცველი, რომ მოკლავდა პირველ კაცს, ვინც მას შეაწუხებდა - და ასეც მოიქცა.

კრიმინოლოგები ხშირად აკავშირებენ ერთმანეთთან კარლ პანზრამის სადისტურ ქცევას მის პრობლემურ აღზრდასთან, რომელიც სავსე იყო მუდმივი უგულებელყოფითა და სასტიკი ძალადობით.

ბავშვობა და ადრეული წლები

როდესაც პანზრამი ჯერ კიდევ პატარა ბიჭი იყო, მამამ ოჯახი მიატოვა. 12 წლის ასაკში პანზრამმა ჩაიდინა თავისი პირველი ქურდობა, როდესაც მან მოიპარა ნამცხვარი, ვაშლი და რევოლვერი ახლომდებარე სახლიდან.

მისი პირველი ქურდობის შესახებ სკოლაშიც გაიგეს, სადაც სკოლის თანამშრომლებმა სცემეს, გააუპატიურეს და აწამეს. სკოლიდან მოზარდობისას გაათავისუფლეს. ცოტა ხნის შემდეგ ის სახლიდანაც გაიქცა.

ამის შემდეგ ის ზოგჯერ მატარებლის ვაგონებში ათევდა ღამეს. ის მატარებელშიც ჯგუფურად რამდენჯერმე გააუპატიურეს. მოგვიანებით მან თქვა, რომ ამ ფაქტებმა ის გახადა „უფრო სევდიანი, ავადმყოფი, მაგრამ უფრო ბრძენი ბიჭი. ასევე ბიჭი, რომელიც მალე დაიწყებდა სხვების სასტიკად გაუპატიურებას“.

ამასობაში ის აგრძელებდა შენობების დაწვას და უდანაშაულო ადამიანების ძარცვას, რომლებსაც მოგზაურობისას შეხვდა. თანდათანობით იგი გახდა უფრო მოძალადე კრიმინალი, რადგან ის თავს დაესხა და გააუპატიურა ძარცვის ბევრი მსხვერპლი. იგი არაერთხელ დაიჭირეს და მიუსაჯეს სხვადასხვა დანაშაულისთვის - განსაკუთრებით ქურდობისთვის.

1915 წელს კარლ პანზრამს მიესაჯა შვიდი წელი ორეგონის შტატის სასჯელაღსრულების დაწესებულებაში.

ორეგონის შტატის სასჯელაღსრულების დაწესებულებაში ცხოვრება რთული იყო. მესაზღვრეებს მაშინვე არ მოეწონათ პანზრამი (ალბათ იმიტომ, რომ მან უარი თქვა ხელისუფლებასთან თანამშრომლობაზე) და მისი ცხოვრება ჯოჯოხეთად აქციეს.

ორეგონის შტატის სასჯელაღსრულების დაწესებულებაში პატიმრობის პირველი წლის განმავლობაში პანზრამი დაეხმარა ერთ-ერთ პატიმარს გაქცეულიყო დაწესებულებიდან.

პანზრამმა გადაწყვიტა, არც სასჯელაღსრულების დაწესებულებაში შემორჩენილიყო. 1917 წელს ის გაიქცა, მაგრამ დაიჭირეს და ციხეში დააბრუნეს. ამის შემდეგ ის კიდევ ერთხელ გაიქცა 1918 წელს. სწორედ მაშინ დაიწყო საზარელი მკვლელობები.

1920 წელს პანზრამმა მოიპარა საკმარისი თანხა იახტის შესაძენად. თავის ნავს აკისკა დაარქვა. იმავე წელს პანზრამმა ნიუ-იორკში ამერიკელი ჯარისკაცების იახტაზე მოტყუებით აყვანა დაიწყო, სადაც გააუპატიურა ისინი, მოკლა და მათი სხეულები ატლანტის ოკეანეში გადააგდო. მოგვიანებით მან განაცხადა, რომ ამ გზით 10 კაცი მოკლა.

აკისკა საბოლოოდ ჩაიძირა და პანზრამმა გადაწყვიტა აფრიკისკენ წასულიყო. ის გემზე ჩაჯდა და ანგოლაში ჩავიდა, სადაც მალე გააუპატიურა და მოკლა ახალგაზრდა ბიჭი.

რამდენიმე დღის შემდეგ მან მოკლა ექვსი ადგილობრივი მეგზური, რომლებიც აპირებდნენ ნიანგებზე ნადირობის ექსპედიციაში წასვლას. როგორც მან თქვა, ნიანგებმა მოგვიანებით მათი სხეული სიხარულით შეჭამეს. დაახლოებით ერთი წლის შემდეგ, კარლ პანზრამი დაღალა აფრიკაში ცხოვრებამ და გადაწყვიტა სხვაგან გადასვლა. მისი შემდეგი პორტი ლისაბონი უნდა ყოფილიყო. თუმცა, აღმოჩნდა, რომ პოლიცია მას პორტუგალიაში ეძებდა, რადგან იცოდა მისი მკვლელობების შესახებ აფრიკაში. ხაფანგში მყოფმა პანზრამმა გადაწყვიტა ისევ ამერიკაში დაბრუნება.

ამერიკაში დაბრუნებულმა პანზრამმა გააგრძელა მამაკაცებისა და ბიჭების გაუპატიურება და მკვლელობა.

1928 წელს ის კიდევ ერთხელ დააპატიმრეს ყაჩაღობისთვის. მას შემდეგ, რაც მან ორი ახალგაზრდა ბიჭის მკვლელობა აღიარა, კარლ პანზრამს 25 წლით თავისუფლების აღკვეთა მიესაჯა.

კარლ პანზრამს სძულდა ციხეები. მან გაქცევა სცადა, მაგრამ არ გამოუვიდა. მცველებმა პანზრამი დაიჭირეს და უგონოდ სცემეს. ერთი წლის შემდეგ მან სამრეცხაოს თანამშრომელი რკინის გისოსით სცემა და მოკლა. სწორედ ამ დანაშაულისთვის მიესაჯა სიკვდილით დასჯა.

სასიკვდილო განაჩენი კარლ პანზრამისთვის თითქმის ახდენილი ოცნება იყო. როგორც მან ერთხელ თქვა: ”მე მოუთმენლად ველოდები ჯდომას ელექტრო სკამზე. ისე ვიცეკვებ, როგორც ზოგიერთი ადამიანი აკეთებს ამას ქორწილის ღამეს.”

მამაკაცმა ციხეში მეგობარი გაიჩინა, რომელსაც შემდეგ ყველა თავისი მკვლელობის შესახებ მოუყვა და დაავალა, რომ ამის შესახებ დაეწერა.

1930 წლის 5 სექტემბერს მამაკაცი სიკვდილით დასაჯეს.