„აღარ მინდა მსახიობობა, სამწუხაროა, რომ ბევრი წელი დამეკარგა ამაში“ - ანი ბებია

ანი ბებია, რომელიც ამჟამად ორ შვილს ზრდის, ამბობს, რომ მსახიობობა მას აღარ სურს. ამის შესახებ ანიმ გამომწერებთან კითხვებზე პასუხისას ისაუბრა.

– რატომ აღარ ხარ ისეთი აქტიური, როგორც ადრე?

– მთლიანად ბავშვებში ვარ, როცა დამხმარე არ გყავს, რთულია. ორი ბავშვი, პლუს სახლის საქმეები, ქვეყანაში არსებული მდგომარეობა, ფიქრი წარსულზე, ბავშვობაზე, აწმყოზე, მომავალზე, დამთრგუნველია. თუმცა კიდევ განვმეორდები და ვიტყვი, რომ თერაპია მეხმარება და შფოთს ვაგდებ.

მე აღარ მინდა მსახიობობა. და ნამდვილ ანის არც არასდროს ნდომებია. მხოლოდ რაღაცის დამტკიცება და მიღება იყო ეს სურვილი. სამწუხაროა, რომ ბევრი წელი დამეკარგა ამაში. ნამდვილ ანის რა უნდა, ჯერ არ ვიცი.