7-თვიანი პოსტკოვიდური ბრძოლის შემდეგ მსახიობი ზურა ლომიძე გარდაიცვალა

მსახიობი და ტელეწამყვანი პაატა გულიაშვილი სამწუხარო ინფორმაციას ავრცელებს.  7-თვიანი პოსტკოვიდური ბრძოლის შემდეგ მსახიობი ზურა ლომიძე გარდაიცვალა.

„ზურიკო... ვუსამძიმრებ თელავის თეატრს ... ახლობელ ადამიანებს..... ძალიან ცუდი ამბავი, კიდევ ერთი მეგობარი ზურა ლომიძე....“, - წერს გულიაშვილი.

ცნობისთვის, ზურა ლომიძესა და მის მეუღლეს კორონავირუსი რამდენიმე თვის წინ დაუდასტურდათ. მეუღლე ვირუსს ემსხვერპლა, ხოლო მსახიობი კომიდან 4 თვის შემდეგ გამოვიდა. თუმცა, მდგომარეობის სირთულიდან გამომდინარე, საწოლს მიეჯაჭვა.

მკურნალობა დიდ თანხებთან იყო დაკავშირებული, რის გამოც საზოგადოება და მსახიობის კოლეგები გაერთიანდნენ, თუმცა, მისი გადარჩენა ვერ მოხერხდა.