სასწაული

„ბავშვს არ ატანდნენ, ჩვენ დავასაფლავებთო...“ - „კაბუს“ ყოფილი მეუღლე ეჭვობს, რომ მათი შვილი, რომელიც სამშობიაროში გარდაცვლილად გამოაცხადეს, ცოცხალია

ჰიპ-ჰოპ არტისტისა და მსახიობის, კახა აბუაშვილის, იგივე კაბუს ყოფილი მეუღლე ანუკა გიორგელაშვილი პოდკასტში „ვეძებ“ საუბრობს წლების წინ მომხდარ ინციდენტზე და გამოთქვამს ეჭვს, რომ შესაძლოა, მათი შვილი სამშობიაროდან გააშვილეს, მათ კი უთხრეს, რომ ჩვილი გარდაიცვალა.„ვიმშობიარე 1998 წელს 16 დეკემბერს, გაჩნდა მარიამი - გოგო. ორსულობაც იყო ჩვეულებრივად, ნორმალურად მიმდინარეობდა ყველაფერი. მშობიარობაც ნორმალურად. გაჩნდა, მომილოცეს, რომ გამიჩნდა უჯანმრთელესი შვილი. გადამიყვანეს პალატაში, ვაჭამე. ექვსი საათი მე მყავდა ბავშვი და პერიოდულად შემოდიოდა ექთანი. „გავიყვანთ, უნდა დაისვენო“. 17 წლის ვიყავი. გაიყვანეს ბავშვი, შენ დაისვენეო.წინათგრძნობა მქონდა სასწაული, ბოლო პერიოდი მქონდა საოცარი შიში, ოღონდ რის მეშინოდა, მე თვითონ არ ვიცოდი და რაღაცნაირად მინდოდა, რომ ბავშვი ჩემთან ყოფილიყო. გავედი, რომ შევხედე ოთახში, ბლოკში, სადაც ბავშვები იყვნენ, ვხედავ, რომ ჩემი შვილი აღარ არის იქ, სადაც აწერია გვარი, იქ აღარ წევს. დავიწყე კითხვა, რომ ბავშვი სად არის მეთქი. არავინ იყო. გამოვიდა პედიატრი და მეუბნება ტექსტს, რომ შენს შვილს გაუჭირდა მუცლიდან გამოსვლა და გადავიყვანეთ ბაროკამერაში, სადაც დედის ჟანგბადს ისუნთქებს რაღაც პერიოდი. იქ არ შემიშვეს.გამოვიდა პედიატრი, დამამშვიდა, არაფერიო სერიოზული პრობლემა არ არის, ნუ გეშინიაო და დამიწყო გამოკითხვა. მთელი გენეტიკა გამოიკითხა, ვის რა პრობლემა ჰქონდა. და არავის არაფერი პრობლემა არ გვქონია, ვიყავით ჯანმრთელები. ანუ გაიგეს ეს ყველაფერი და დააზუსტეს. კარგიო, არ ინერვიულო, ყველაფერი კარგად იქნებაო და დამიდეს რაღაც ფურცლები, რაც დღემდე არ მასვენებს.რაღაცებზე მაქვს ხელი მოწერილი ისე, რომ არც წამიკითხავს, იმიტომ, რომ ვიჯექი ვტიროდი, რაღაც ბავშვურად ეს ჩემი ემოციები იყო და მომაწერინეს რაღაცაზე ხელი. ვერ ვისვენებდი, გამოვდიოდი, მივდიოდი, გამოვდიოდი, მივდიოდი და ამ ნერვიულობის ფონზე და რომ დაინახეს, რომ ძალიან ემოციებში ვიყავი, ერთ-ერთი ექიმი მოდის და მეუბნება ტექსტს, რომელიც ცხოვრებაში არ დამავიწყდება: „კაი, რა გატირებს, პატარა ხარ, კიდე მილიონ ბავშვს გააჩენო. ნუ, ეს ჩვეულებრივი ტექსტი, მათი სტანდარტული, დამამშვიდებელი. აი მანდ ჩავიკეცე, იმიტომ, რომ მივხვდი, რაღაც ხდებოდა. შემოდის ექთანი, მიკეთებს ნემსს, დამამშვიდებელს გაგიკეთებო, გავითიშე, მთელი ღამე მეძინა. დილით რომ გავიღვიძე, უკვე ამბები დამხვდა, მაგრამ მე მაინც არ ვიცოდი, რომ გარდაცვლილი იყო, ვითომ გარდაცვლილი.დილით დაურეკეს დედაჩემს და კახას. უკვე ემზადებოდნენ ისინიც ჩამოსასვლელად, პამპერსები, რაღაცები უნდა ჩამოეტანათ და ეუბნება ექიმი, რომ ბავშვი დამძიმდა, სასწრაფოდ ჩამოდითო. ოღონდ, რომ ჩავიდნენ, ათი წუთიც არ უნდოდა ჩემი სახლიდან ჩაჩავამდე ჩასვლას, ეუბნებიან, რომ დაგირეკეთ, უკვე ბავშვი გარდაცვლილი იყო და ვერ გითხარითო.სახელიც დავარქვი, მერე საბუთებში აღმოჩნდა რომ შეუცვალეს სახელი1, ჩემმა მეუღლემ გაიგიჟა თავი და გამოატანეს. მაგრამ როგორც ჩანს სხვა ბავშვი იყო. იმიტომ რომ ჩემი შვილი იყო შავგვრემანი და გარდაცვლილი ბავშვი იყო თეთრი და ქერა. ოღონდ ეს გაიგეთ მერე.დაახლოებით ორი წლის წინ დავიწყე ნათესავებთან მოკითხვა ვინ ნახა ბავშვი მეთქი, ზუსტად ვიცოდი რომ ის ბავშვი არ არის ჩემი შვილი. პირველი დღიდან ვიცოდი, მერე გვეძახდნენ, რომ თქვენ ანუ ილუზიებში ხართო ორივე.ოთხი წელი არ იძებნებოდა დაბადების მოწმობა, შემდეგ გამოჩნდა ოღონდ მე დავარქვი მარიამი, იქ არის გატარებული ელენეთი. ჩაჩავაშიც ელენეთი არის გატარებული. თვითონ იყო შოკში ეს ბიჭი, ვაიმე ცოცხალიაო, იმიტომ რომ გარდაცვალება არ არისო და უცბად მიყურებს და არააო, ასე აწერია რომ მოკვდაო, კუთხეში ხელით მიჯღაბნილი მოკვდა.ჩაჩავაში ჯერ მითხრეს, რომ ყველანაირი საბუთი დამწვარიაო და მერე აღმოჩნდა რომ არ იყო დამწვარი. იქ წერია, რომ ფილტვი არ გაეხსნა და ტვინში გაჟონვა იყო გარდაცვალების მიზეზი. ფილტვი არ გაიხსნა ექვსი საათის მერე?!ბოლო წლები უკვე დავხურე ეგ თემა, იმიტომ რომ მე თვითონ ძალიან ცუდად ვიყავი რაღაც პერიოდი და ვცდილობ, რომ აღარ ვილაპარაკო მაგ თემაზე. მოლოდინი გვაქვს, გვაქვს და იმედი არის მაინც ცოტა მაგრამ რა ვიცი. ყველაზე მეტად მაგის მეშინია, რომ იმ ჩემმა შვილმა სადღაც რომ გაიგოს, აყვანილია, იქ ჩემი ხელმოწერა არის, შეიძლება რომ მე გავაშვილო? შეიძლება არ დაიწყოს ძებნა ,ყველაზე მეტად რისიც მეშინია“, - ამბობს ანუკა გიორგელაშვილი.ნახეთ სრული გადაცემა ↓

პოლიტიკა • 1782406200

ირაკლი კობახიძე: საქართველო ამაყობს 20 ათასზე მეტი წარმატებული ქართველი მეზღვაურით, მათი წლიური წვლილი ეკონომიკის გაძლიერებაში მილიარდ ლარამდეა, ჩვენი ვალია, შევქმნათ ყველა საჭირო პირობა, რათა ეს რიცხვები კიდევ უფრო გაიზარდოს

საქართველოს აქვს მკაფიო და ამბიციური მიზანი, გახდეს ძლიერი საზღვაო სახელმწიფო, სადაც თანამედროვე ინფრასტრუქტურა, კონკურენტუნარიანი პორტები და მაღალკვალიფიციური ადამიანები ერთ მთლიან, გამართულ სისტემას ქმნიან, - ამის შესახებ საქართველოს პრემიერ-მინისტრმა ირაკლი კობახიძემ მეზღვაურის დღისადმი მიძღვნილ ღონისძიებაზე სიტყვით გამოსვლისას განაცხადა.მთავრობის მეთაურმა მეზღვაურებს პროფესიული დღე მიულოცა.„გილოცავთ პროფესიულ დღეს. მეზღვაურის საერთაშორისო დღე ბევრად მეტია, ვიდრე პროფესიული დღესასწაული. ეს არის საუკეთესო შესაძლებლობა, მადლობა გადავუხადოთ ქართველ მეზღვაურებს გაწეული შრომისთვის, შევაჯამოთ არსებული მიღწევები და ერთობლივად დავსახოთ სამომავლო გეგმები. საქართველოს აქვს მკაფიო და ამბიციური მიზანი - გახდეს ძლიერი საზღვაო სახელმწიფო, სადაც თანამედროვე ინფრასტრუქტურა, კონკურენტუნარიანი პორტები და მაღალკვალიფიციური ადამიანები ერთ მთლიან, გამართულ სისტემას ქმნიან.ამ მიზნის მიღწევაში საკვანძო როლი ეკისრება განათლებას. სწორედ ამიტომ, გასული წლების განმავლობაში საზღვაო განათლების გაძლიერებასა და მოდერნიზაციას 30 მილიონ ლარზე მეტი მოხმარდა. სასწავლო გარემოს თანამედროვე სტანდარტებით განახლება არის პირდაპირი ინვესტიცია ჩვენს ახალგაზრდებში - იმ თაობაში, რომელმაც საქართველოს საზღვაო მომავალი უნდა შექმნას და ჩვენი ქვეყანა საერთაშორისო ფლოტში კიდევ უფრო ღირსეულად წარმოაჩინოს“, - განაცხადა პრემიერ-მინისტრმა.მისივე თქმით, დღეს საქართველო ამაყობს 20 ათასზე მეტი წარმატებული ქართველი მეზღვაურით.„მათი წლიური წვლილი ეკონომიკის გაძლიერებაში, ყველაზე მოკრძალებული შეფასებითაც კი, მილიარდ ლარამდეა. ჩვენი ვალია, შევქმნათ ყველა საჭირო პირობა, რათა ეს რიცხვები კიდევ უფრო გაიზარდოს, კიდევ უფრო მეტ წინსვლას მივაღწიოთ და საქართველომ მსოფლიო საზღვაო რუკაზე ადგილი უფრო მყარად დაიმკვიდროს.გულითადად გილოცავთ მეზღვაურის საერთაშორისო დღეს. თითოეულ თქვენგანს დიდ მადლობას გიხდით ქართული სახელმწიფოს განვითარებაში შეტანილი უმნიშვნელოვანესი წვლილისთვის. წარმატებებს და მშვიდობიან ნაოსნობას გისურვებთ“, - აღნიშნა ირაკლი კობახიძემ.

სპორტი • 1782247590

მაგიური ცაციას „ტანგო“ გრძელდება... - ფეხბურთის ყველაზე სრულყოფილი გენიოსი 39 წლის გახდა

„მესისთვის ერთი კაცის მოტყუება ისევე იოლია, როგორც მზესუმზირის კნატუნი. იგი გაცილებით უკეთ გრძნობს თავს, როცა რამდენიმე მეტოქე ეხვევა, თავისუფლად შეუძლია 4-5 მოწინააღმდეგისგან თავის დაღწევა და კარის დალაშქვრა“ - („პალიტრაL“-ის ბიოგრაფიული წიგნი „მესი“)კაცი, რომელმაც ფეხბურთი ხელოვნებად აქცია, დღეს 39 წლის გახდა. ამ ასაკში არგენტინელი ვარსკვლავი კვლავ ამტკიცებს, რომ ფეხბურთის ყველაზე სრულყოფილი სასწაულია... ხოლო ბებიის მიერ ერთხელ გაკეთებული არჩევანი, ყველაზე მნიშვნელოვანი გადაწყვეტილება მსოფლიო ფეხბურთისთვის. როდესაც შეუძლებელი ხდება შესაძლებელილიონელ მესის საფეხბურთო კარიერის დაწყება მის ბებიას უკავშირდება. როგორც მის ბიოგრაფიულ წიგნშია აღწერილი, სწორედ ბებიის დამსახურებით აღმოჩნდა პატარა ლეო პირველად ოფიციალურ მატჩში.ერთ-ერთ დღეს ბებიამ ფეხბურთის საყურებლად წაიყვანა. მატჩის დაწყება ჭიანურდებოდა, რადგან ერთ-ერთ ფეხბურთელს დააგვიანდა. სწორედ მაშინ უთქვამს პატარა მესის, რომ თავად სურდა თამაში.ბებიამ მწვრთნელს მიმართა და ბიჭისთვის შანსი ითხოვა. ასე გავიდა 6 წლის ლიონელ მესი პირველად ოფიციალურ მატჩში. დებიუტი კი წარმატებული აღმოჩნდა – მომავალმა მსოფლიო ვარსკვლავმა პირველივე შეხვედრაში გოლი გაიტანა. სწორედ ამ დღიდან დაიწყო ისტორია, რომელმაც ფეხბურთის სამყარო შეცვალა. მაგიური ცაციას უკანასკნელი ტანგო მუნდიალზე...როცა ეგონათ, რომ ყველაფერი უკვე მოიგო, როცა ამბობდნენ, რომ ასაკმა თავისი ქნა, როცა ფიქრობდნენ, რომ ეს იყო უკანასკნელი ტანგო - მესი ისევ დაფრინავს.39 წლის ასაკში ის ისე თამაშობს, როგორც 27 წლის ასაკში. ის ბურთის ფლობის გენიოსია, რომელმაც ფეხბურთისგან სიამოვნება მიიღო და გვასიამოვნა ჩვენ. თანამედროვე ფეხბურთის ეპოქაში არცერთ ფეხბურთელს არ მოუხდენია მოედანი ისე, როგორც ეს მესიმ შეძლო. თითქოს ეს ჩემპიონატი მისი ყოველდღიური რუტინაა, სადაც შეუძლია, უბრალოდ გაერთოს... უხმოდ, ურეაქციოდ, მოკლე გარბენით, თითქოს არც ცდილობს ზედმეტად „შეიწუხოს თავი“... მაგრამ მისი ერთი ნაბიჯი უკვე პანიკაა მეტოქისთვის. მისი ერთი ფინთი უკვე ფსიქოლოგიური ომია მოწინააღმდეგისთვის... და ეს ხდება მისთვის სრულიად ბუნებრივად...თითქოს ფეხბურთი მესისთვის შექმნა ღმერთმა და მესი შექმნა ფეხბურთისთვის... ფეხბურთის უკანასკნელი გენიოსი- მესიმ კლოზეს გადაასწრო და 18 გოლით ტურნირის ისტორიაში ბომბარდირი გახდა;- მესიმ მსოფლიო პირველობაზე ზედიზედ მეექვსე მატჩში გაიტანა - ესეც რეკორდია;- მესი მიმდინარე მუნდიალზე 5 გოლით საუკეთესო მეგოლეა;- მესიმ ზედიზედ მესამე მუნდიალზე ვერ გაიტანა თერთმეტმეტრიანი, რაც ანტირეკორდია;- მესიმ კარიერაში 916 გოლი გაიტანა - რონალდოს ანგარიშზე 973 გოლია;- მესიმ ეროვნულ გუნდში 122 გოლი გაიტანა - რონალდოს რეკორდამდე 21 გოლი აშორებს; რას წერენ მესის მორიგი წარმოუდგენელი პერფორმანსის შესახებ უცხოურ მედიაში:Clarin: „ლიონელ მესის ახალი სიმფონია ორკესტრთან ერთად, რომელიც მას უნაკლოდ ეხმარება. მესი სულ უფრო და უფრო ლეგენდა ხდება. წარმოუდგენელია! კიდევ ერთი თავი ისტორიის წიგნებში მესისთვის, რომელიც 39 წლის ასაკში ბავშვივით თამაშობს და დარბის".La Nacion: „მსოფლიოს მეფე! მეფეს ვერავინ შეაჩერებს. არგენტინელი კაპიტანი ყველა რეკორდს ამყარებს. მისი საბრძოლო სული ურღვევია, მის ტალანტს ვადა არ აქვს, სწორედ ამიტომ, მესი ყოველთვის პოულობს არგუმენტებს“.The Times: „ლიონელ მესი რეკორდების წიგნებს ხევს“.The Guardian: „შეუჩერებელი მესი მსოფლიოს ჩემპიონატზე გოლების რეკორდს ამყარებს. ეს ლიონელ მესის უნდა გაეკეთებინა, ეს ამ დღეს უნდა მომხდარიყო და შესაძლოა, ეს დალასშიც კი უნდა მომხდარიყო. პირველი ოქროს ბუცი [მუნდიალზე] ცუდი საჩუქარი არ იქნებოდა ხატისთვის, რომელიც ოთხშაბათს 39 წლის ხდება".L’Equipe: „ისტორიულმა მესიმ არგენტინის პლეი ოფში გასვლა უზრუნველყო. არგენტინის კაპიტანმა მსოფლიოს ჩემპიონატზე გოლების რეკორდის საკითხი უმოკლეს დროში გადაწყვიტა".Le Figaro: „მესი საზღვრებს სცდება. რამდენად შორს წავა? ალჟირის წინააღმდეგ ბრწყინვალე ჰეთ თრიკის შემდეგ, ლიონელ მესიმ ავსტრიის წინააღმდეგ დუბლით ფეხბურთში თავისი ლეგენდარული სტატუსი კიდევ უფრო განამტკიცა“.Gazzetta dello Sport: „მესი არ ჩერდება: ის 18 გოლს იტანს და კლოზეს უსწრებს. მესი ამ მყარი, კომპაქტური, თუმცა არა განსაკუთრებით სანახაობრივი არგენტინის უდავო ვარსკვლავია. ავსტრიელებიც კი მიდიან მასთან ჩასახუტებლად“.La Repubblica: „წარმოუდგენელი, შეუჩერებელი მესი. ის კიდევ ერთხელ წერს ისტორიას“.Marca: „ისევ ის არის. ისევ 10 ნომერი. ისევ ლიონელ მესი. ის, რასაც ეს ბიჭი აღწევს, გასაოცარია".შეგახსენებთ, რომ არგენტინის ნაკრებმა ალჟირი 3:0, ავსტრია კი 2:0 დაამარცხა - ყველა გოლი მესის აქტივშია. ჯგუფური ეტაპის ბოლო ტურში "ალბისელესტე" იორდანიას შეხვდება და 1/16-ფინალისთვის მშვიდად მომზადება შეუძლია.პ.ს უკვე ზეპირად ვიცით ფრაზა: „ტანგოში შეცდომები არ არსებობს... ამიტომაა ტანგო გენიალური. თუ შეცდომას დაუშვებ, ვითომაც არაფერი, ასე იყო საჭირო...“ და ჩვენ გუშინ, ტანგოს პირველ აკორდებს ვუყურეთ - ააცილა პენალტი და გააგრძელა თამაში - იცოდა, რომ კიდევ გაიტანდა. გაიტანა და ისევ გააგრძელა... და კიდევ გაიტანს...მომავალ მუნდიალზე არგენტინელის ტანგოს ალბათ ვეღარ ვნახავთ... მაგრამ სტადიონები ისევ გაივსება, ახალი ვარსკვლავებიც გამოჩნდებიან... და ჩვენ ყოველთვის ვიტყვით: „იმ ეპოქაში ვცხოვრობდი, როცა მესი თამაშობდა...“

ტაბლოიდი • 1782124740

„თქვენ არ იცით, მე რა ექიმი მყავს...“ - რა შეემთხვა გიორგი ჯაჯანიძეს

ტელეწამყვანი გიორგი ჯაჯანიძე სოციალურ ქსელში ვიდეოს აქვეყნებს, საიდანაც ვიგებთ, რომ მან ფეხი იღრძო. როგორც გიორგი ჯაჯანიძე ვიდეოში ამბობს, მას კარგი ექიმი ჰყავს და ყველაფერს უჯერებს:„თქვენ არ იცით, მე რა ექიმი მყავს, ვერ წარმოიდგენთ, როგორი ადამიანია. რასაც მეუბნება ყველაფერს ვუჯერებ. მკაცრია და ეს სიმკაცრე მომწონს. სასწაული, შთამაგონებელი ექიმია“, - ამბობს ვიდეოში გიორგი ჯაჯანიძე.

ასტროლოგია • 1782039420

„გოგოები ბალიშის ქვეშ შვიდ სხვადასხვა ყვავილს დებენ, რათა სიზმარში მომავალი სიყვარული იხილო...“ - რა უნდა იცოდე „ლიტას ღამეზე“

მინეროლოგი და ეზოტერიკოსი, თამარ იოსელიანი სოციალურ ქსელში საინტერესო ინფორმაციას ავრცელებს. „ზაფხული მოვიდა და მასთან ერთად წლის ბორბლის ყველაზე ნათელი დღესასწაული. 21 ივნისი, დაახლოებით 12:24 საათზე, მზე თავის უმაღლეს წერტილს მიაღწევს და ზაფხულის მზებუდობა დადგება. სწორედ ამიტომ ლიტას ღამე - „დიდი ზაფხულის ღამე“ - შაბათიდან კვირის ღამეს აღინიშნება.ეს არის ასტრონომიული ზაფხულის დასაწყისი და ბუნების ძალების, სიცოცხლის ენერგიისა და ადამიანური ემოციების კულმინაციის მომენტი.სხვადასხვა ევროპულ კულტურაში ამ დღეს სხვადასხვანაირად უწოდებენ - ლიტა, ლიგო, კუპაილო, მიდსომარი, ალბან ჰეფინი , მაგრამ არსი ერთია: ეს არის სინათლის, სიცოცხლისა და ბუნების აყვავების ზეიმი. ითვლებოდა, რომ ამ ღამით ბუნების სულები ადამიანებს განსაკუთრებულ საჩუქრებს უგზავნიან, თუ მათთან ჰარმონიაში ცხოვრობ.ამ ღამეს ოთხი სტიქია - ცეცხლი, წყალი, ჰაერი და მიწა - ერთიანდება. მათი კავშირიდან კი იბადება მეხუთე ელემენტი - ლეგენდარული გვიმრის ყვავილი, რომელიც სიბრძნის, სიყვარულისა და შინაგანი ჰარმონიის სიმბოლოდ ითვლება. ევროპის თითქმის ყველა ქვეყანაში სჯეროდათ, რომ ამ ღამით მცენარეები განსაკუთრებულ ძალას იძენენ. ყველაზე ხშირად მოიხსენიებდნენ: რუტას ვარდს კრაზანას ვერბენას სალბსსკანდინავიურ ქვეყნებში გოგონები დღემდე დებენ ბალიშის ქვეშ შვიდ სხვადასხვა ყვავილს, რათა სიზმარში მომავალი სიყვარული იხილონ. ამ დღეს შეგროვებულ მცენარეებს განსაკუთრებული მნიშვნელობა ენიჭებოდა, რადგან მათი ზრდა უკვე დასრულებულია და მათში დაგროვილია მთელი სეზონის ძალა. ზაფხულის ამ დღესასწაულის მთავარი იდეა ცეცხლისა და წყლის ქორწილია.ცეცხლი - მზის, ცის, აქტიური და შემოქმედებითი საწყისი.წყალი - მიწის, სიცოცხლის, მიღებისა და ნაყოფიერების სიმბოლო.მათი ერთიანობა სიცოცხლის გაგრძელებას, ნაყოფიერებასა და სამყაროს წონასწორობას გამოხატავს. მაგრამ მზებუდობას კიდევ ერთი ღრმა მნიშვნელობა აქვს.ეს არის მომენტი, როცა სინათლე თავის უმაღლეს წერტილს აღწევს. სწორედ ამ დროს იწყება მისი უკუსვლაც.ამიტომ მზებუდობა გვახსენებს, რომ ყოველი მწვერვალი ახალი ციკლის დასაწყისია. სიცოცხლე მუდმივ მოძრაობაშია , დასრულება ყოველთვის ახალი დასაწყისის კარს ხსნის. ამიტომ ეს დღე საუკეთესო დროა: ძალების აღსადგენად მიზნების გადასახედად ნამდვილი მოტივაციის გასაცნობიერებლად ბუნებასთან დასაკავშირებლად სიყვარულის გამოსახატავად მადლიერებისთვის უთხარით სიყვარულის სიტყვები მათ, ვინც გიყვართ. მიიღეთ სიყვარულით ნათქვამი სიტყვები მათგან, ვისაც თქვენ უყვარხართ. იყავით გულწრფელები და ღია. ტრადიციულად ამ ღამით ანთებდნენ კოცონებს და ცეცხლის მეშვეობით განწმენდას ახდენდნენ.თუ ბუნებაში გასვლა არ შეგიძლიათ, დაანთეთ სახლში ყვითელი, ოქროსფერი, ნარინჯისფერი, წითელი ან მწვანე სანთელი და წარმოიდგინეთ, როგორ წვავს ცეცხლი ყველაფერს, რაც აღარ გჭირდებათ.მაგრამ ყველაზე მნიშვნელოვანი ცეცხლი გარეთ კი არა, შიგნით უნდა ენთოს — გულში. ის ცეცხლი, რომელიც შთაგაგონებთ ახალი საქმეების დაწყებას. ის ცეცხლი, რომელიც გაძლევთ ძალას სიკეთისთვის, სიყვარულისთვის და საკუთარი გზის გასავლელად. დაე, ამ მზებუდობის დღეებში თქვენს გულშიც აყვავდეს ლეგენდარული გვიმრის ყვავილი , როგორც ახალი შესაძლებლობების, ნიჭების, შთაგონებისა და ბედნიერი ცვლილებების სიმბოლო. ამ დღეების მთავარი გზავნილი მარტივია:იცხოვრეთ სრულად.იგრძენით ყოველი წუთი.შეამჩნიეთ ყოველი სუნთქვა.იხარეთ სიცოცხლით.რადგან სწორედ ამას გვასწავლის მზებუდობა - ცხოვრება გრძელდება, და სანამ გვიყვარს, ვგრძნობთ და ვოცნებობთ, სინათლე ყოველთვის ჩვენთან რჩება. მოკლე განწყობის ტექსტი დღისთვის„მე ჩემს სივრცეს სინათლით ვავსებ.ჩემს გარშემო ოქროსფერი წრე იქმნება.საკუთარ ძალას, სიბრძნესა და სიმშვიდეს ვუერთდები.ჩემი ფიქრები ნათელია, ჩემი გზა - გასაგები.სიჩუმეში ვაგროვებ ძალას,ჰარმონიაში ვქმნი ჩემს ცხოვრებას.დაე, ყველაფერი, რაც ჩემთვის არის განკუთვნილი,სიყვარულით, სიმშვიდით და სიხარულით მოვიდეს ჩემს ცხოვრებაში.ასეა. ამინ",- წერს იოსელიანი.

სპორტი • 1781776827

მუნდიალი 2026 - პატარა ქვეყნები დიდი ოცნებით

სპორტი, რომელიც გამარჯვების სიხარულს საერთო დღესასწაულად აქცევს. სპორტი, რომელიც მილიონობით ადამიანს ერთი ოცნების გარშემო აერთიანებს - ეს ფეხბურთია!მწვანე მინდორზე დაწერილი ისტორია, ოცნების დევნა 90 წუთის განმავლობაში, ხან გამარჯვების გზა, ხან კი მარცხით განცდილი სევდა. აქ ერთი წამიც საკმარისია, რომ უცნობი სპორტსმენი ლეგენდად იქცეს. ერთი შეხებაც კი საკმარისია, რომ მთელი სტადიონი საერთო ტალღამ მოიცვას და ყველას გული ერთ რიტმში აძგერდეს.სწორედ ასეთი დღესასწაული დაიწყო. ის, რასაც ყველა გულშემატკივარი 4 წელში ერთხელ ყველაზე დიდი სიხარულით ელის - მსოფლიო ჩემპიონატი 2026. მიმდინარე მუნდიალმა, კი ყველაზე უკეთ დაგვანახა, რომ პატარა ქვეყნებისთვის მსოფლიო ჩემპიონატი არა მხოლოდ ტურნირი, არამედ ისტორიის დაწერის შანსია.ახალი საფეხბურთო წესები და რუკათუკი "რუსთავი 2"-ზე საფეხბურთო დღესასწაულს თვალს ადევნებთ, შეამჩნევდით, რომ წლევანდელი ჩემპიონატი განსხვავებული წესებით ტარდება. მუნდიალმა მოედნის კარი ფართოდ გახსნა, რაც იმას ნიშნავს, რომ 2026 წელს ოცნების ახდენის მეტი შანსიც გაჩნდა.სპორტულ ენაზე რომ ვთქვათ: მაშინ, როცა ათწლეულების განმავლობაში, მსოფლიო ჩემპიონატზე, პირველობისთვის მხოლოდ 32 ნაკრები იბრძოდა, ახლა 48 ქვეყანა მონაწილეობს, რაც ტურნირის ისტორიაში პირველად ხდება.გაიზარდა მატჩების რაოდენობაც. პირველად ხდება ისიც, რომ მსოფლიო ჩემპიონატს სამი ქვეყანა მასპინძლობს - ამერიკის შეერთებული შტატები, კანადა და მექსიკა. რადგან მატჩები მაღალი ტემპერატურისა და ტენიანობის ფონზე ტარდება, ალბათ ეგრეთ წოდებული წყლის შესვენებებიც თვალში მოგხვდებოდათ, საფეხბურთო სანახაობა რომ ოდნავ კალათბურთს დაამსგავსა."cooling breaks" - ბოლო წლებში აქტიურად გამოიყენება. წელს კი გულშემატკივრებში განსაკუთრებული ვნებათაღელვაც გამოიწვია, რასაც მწვრთნელებზე ვერ ვიტყვით. რადგან ამ მცირე დროს, მენტორები საკუთარი ფეხბურთელებისთვის ახალი დავალებების მისაცემად და ტაქტიკის გადასამეორებლად მშვენივრად იყენებენ.თემა სადაოა, თუმცა ალბათ მაინც, არავინ დაობს იმაზე, რომ ფეხბურთელი ჯერ ადამიანია და შემდეგ სპორტსმენი.2026 წლის მსოფლიო ჩემპიონატისთვის ე.წ. წყლის შესვენება განსაკუთრებით აქტუალურია, ტემპერატურიდან გამომდინარე. წესის მიხედვით, მსაჯს შეუძლია თითო ტაიმში დანიშნოს მოკლე შესვენება, 1-3 წუთიანი, იმისთვის, რომ ფეხბურთელებმა წყალი დალიონ და გადაიტვირთონ. წყალი დასჭირდათ მათაც, ვისთვისაც ჩემპიონატის მასშტაბმაც დიდი გაოცება გამოიწვია.2026 წლის მუნდიალი წინა ტურნირებისგან მხოლოდ მონაწილეთა რაოდენობით არ განსხვავდება. მან ფეხბურთის გეოგრაფია შეცვალა და მსოფლიოს უდიდესი ტიტული ხელმისაწვდომი იმ ქვეყნებისთვისაც გახადა, რომლებიც წარსულში ამ ოცნებას შორიდან უყურებდნენ. საფეხბურთო რუკაზე გამოჩდნენ ისეთი ქვეყნები, რომელთა სახელები მუნდიალთან თითქმის არასდროს ასოცირდებოდა. და სწორედ აქ იწყება ყველაზე საინტერესო ამბებიც... სრულად

საზოგადოება • 1781767560

„იცით, რას ნიშნავს თქვენ მიერ ნათქვამი - „მარხვას ვერ შევინახავ?“ - ნაწყვეტი სასულიერო პირის ქადაგებიდან

მართლმადიდებელი მრევლისთვის ახლა პეტრე-პავლობის დღესასწაულის წინა მარხვაა. მარხვის ხანგრძლივობა აღდგომის თარიღზეა დამოკიდებული და წელს 35 დღე გრძელდება.განსაკუთრებული ძალა აქვს ამ პერიოდში ლოცვას, მარხვა არის ლოცვის და მოწყალების პერიოდი, ასევე ჯანმრთელობის, სავედრებელ-სამადლობელი.პეტრე-პავლობის მარხვა თევზით ხსნილია. სასულიერო პირების შეფასებით, თევზით ხსნილობა მარხვას ამსუბუქებს. ამიტომ რეკომენდაციაა, მივიდნენ თავიანთ მოძღვართან და აიღონ კურთხევა.ამონარიდი დეკანოზ გიორგი თევდორაშვილის ქადაგებიდან:„დღეს ერთ-ორ ადამიანს ვუთხარი, არ გაზიარებ-მეთქი? იმიტომ კი არა, რომ არ მიყვარხარ, არამედ იმიტომ, რომ არ გესმის კარგად რა არის მარხვა-მეთქი.მარხვისგან თავისუფალი არავინაა - არც მეძუძური, არც ფეხმძიმე, არც აბიტურიენტი, არც - მოხუცი. მიდი მამაოსთან და უთხარი, მამაო, შემიმსუბუქე მარხვათქო და შეგიმსუბუქებს, შე დალოცვილო.როგორ შეიძლება თქვა, მარხვას ვერ შევინახავო? იცით, რას ნიშნავს თქვენ მიერ ნათქვამი „მარხვას ვერ შევინახავ“? მე ვერ დავიცავ ჩემს სარწმუნოებას! მარხვა ნიშნავს დაცვას. სამარხში ჩვენი წინაპრები არიან დამარხულნი; მარხვა ნიშნავს - მე ვიცავ ჩემს რწმენას, დოქტრინას, აღმსარებლობას. რისგან? სიშიშვლისგან, სიბრიყვისგან, ვნებებისგან, უბრალოდ საკვებსაც მოვიკლებ. ზოგს გასაგებია, რომ ექიმმა უთხრა, ხორცი მიიღეო, მაგრამ ოსპი ჭამე, ჩემო კარგო, ლობიო ჭამე. გამოდი ცოტა ხანი ინტერნეტიდან, შვიდი საათის ნაცვლად ორი საათი ისარგებლე, დანარჩენი დრო იმარხულე. ლუდი რომ გიყვარს და არ დალევ მარხვაში, ეგ არის მარხვა, ჩემო კარგებო. არსად არ წერია, ლუდი არ დალიოო, მაგრამ სიამოვნებაზე უარს რომ ამბობ, ეგ არის მარხვა. მე მარხვას არ შევინახავ, ეს არ შეიძლება, ჩემო კარგებო. შეძლებისდაგვარად უნდა შევინახოთ მარხვა“- ამბობს მოძღვარი.

სპორტი • 1781636820

VIDEO: „რატომ აძლევთ თქვენ თავს უფლებას... სასწაული ვერსიები მოვისმინე“ - მერაბ დვალიშვილი მიმართვას ავრცელებს

ილია თოფურიას წაგებასთან დაკავშირებულ მიმოხილვასა და გამოხმაურებებს UFC-ის ჩემპიონი მერაბ დვალიშვილი ეხმიანება და ქართველ გულშემატკივრებს აკრიტიკებს.„რამდენჯერაც შემოვედი „ფეისბუკზე“ და „ინსტაგრამზე“ ყველა ილია თოფურიას ბრძოლას განიხილავს და სასწაული ვერსიები მოვისმინე. საიდან ამდენი ფანტაზია, ყველა პროფესორი როგორ გახდა... განიხილავენ სხვადასხვა სისულელე მიზეზს, არ ჩამოვთვლი. მიკვირს, ამდენი ნეგატიური აზრი, ამდენი ეჭვიანობა, ამდენი აბსურდული ანალიზი... ჩვენ მებრძოლები ვართ, როგორც მოგებისთვის ვართ მზად, ისე ვიცით, რომ შეიძლება, დავმარცხდეთ. რატომ აძლევთ თქვენ თავს უფლებას, ამდენი ცუდი აზრი გაავრცელოთ?! მე ვამაყობ ილიათი, მან არაფრისგან ბევრი შეძლო. ღმერთის წყალობით მალე დაბრუნდება,“ - ამბობს დვალიშვილი.ვრცლად ↓

საზოგადოება • 1781384192

„ტრაგედიამდე რამდენიმე დღით ადრე მეგობრებმა უღალატეს...“ - 13 რიცხვი დედისთვის და შვილისთვის ერთნაირად უბედური აღმოჩნდა – ცნობილი ტრაგედიის უცნობი დეტალები

2015 წლის 13 ივნისს მდინარე ვერეს ადიდებამ და ბეთანიის გზაზე წარმოქმნილმა მეწყერმა 21 ადამიანის სიცოცხლე შეიწირა.მოვარდნილმა წყლის ნაკადმა მთლიანად დატბორა სვანიძის ქუჩა, სანახევროდ დაინგრა ვაკე-საბურთალოს დამაკავშირებელი ესტაკადა, გმირთა მოედანი, „მზიურის“ პარკი და ზოოპარკი.გარდაცვლილთა შორის იყვნენ ხობელი დები, ინდირა და ლიზა ზარანდიები. მათი თანმხლები 27 წლის მამაკაცი, სერგო კაპანაძე უგზო-უკვლოდ დაიკარგა. ასევე დაკარგულია ბექა ბუთურიშვილიც.„პრაიმტაიმი“ 2020 წელს სერგო კაპანაძის აღმზრდელ ბებიას, ნინო თევდორაძეს ესაუბრა, რომელსაც სჯერა, რომ სერგო ცოცხალია და ოდესღაც აუცილებლად გამოჩნდება.„პრაიმტაიმთან“ ის პირველად ალაპარაკდა იმ თემებზე, რომელზეც წლების განმავლობაში დუმდა.„არასოდეს მომიყოლია ეს ამბები. ძალიან სენსიტიური თემაა და ვერიდებოდი, მაგრამ გულში აღარ მეტევა“, – გვითხრა მან.– სერგი კაპანაძის აღმზრდელი მე ვარ, 6 წლიდან გავზარდე. შვილებთან ერთად გავზარდე და შვილივით მიყვარს. მე ვარ სერგოს ბებიას (დედის დედა) და. ჩემი და ჩემზე 20 წლით უფროსი იყო და მე და სერგოს დედა, ანა ერთად გაგვზარდა, ფაქტობრივად.დედასავით მიყვარდა ჩემი და, ასევე მისი შვილებიც ძალიან მიყვარს, რადგან და-ძმებივით გავიზარდეთ. სერგოს დედა, ანა ულამაზესი გოგო იყო. ერთი პერიოდი მოსკოვშიც სწავლობდა. შემდეგ ჩამოვიდა, აქ გაიცნო ახალგაზრდა მამაკაცი და შეუყვარდა.ჩემს დას ჰქონდა ბინა ქუთაისში, თეატრთან. ის ბინა შვილსა და სიძეს მისცა. ახალგაზრდები იქ ცხოვრობდნენ, მალე სერგო შეეძინათ, თუმცა სიძემ ოჯახს გული ვერ დაუდო და ცოლ-შვილი მიატოვა, მაშინ სერგო ერთი წლისაც კი არ იყო.ანა ძალიან განიცდიდა ამ ამბავს. გულჩათხრობილი გახდა. სოფელში წავედით, იქიდან ურეკში მივდიოდით დასასვენებლად და არ მოგვყვებოდა, რადგან ფიქრობდა, რომ ქმარი მოაკითხავდა და სახლის დატოვება არ უნდოდა.იჯდა ფანჯარასთან და ჭიშკარს უყურებდა. ელოდა, რომ შემოაღებდა კარს და ოჯახს დაუბრუნდებოდა.დიდი ხვეწნის მერე წამოვიდა ურეკში. იქიდან 2 დღის დაბრუნებულები ვიყავით, როცა შეხვდა ყოფილ ქმარს, სამსახურში.ამ შეხვედრიდან იმ სახლში წავიდა, სადაც ერთად ცხოვრობდნენ. ალბათ ფიქრობდა, რომ ქმარყოფილი იქ მივიდოდა, მაგრამ არ მისულა. რომ არ გამოჩნდა, დავიწყეთ ანას ძებნა. მივაკითხეთ სახლში.მეზობელი მახლდა, ის ავიდა ზემოთ, ცოტა ხნის მერე ჩამოვიდა და მითხრა, – ანა სახლშია და მალე ჩამოვაო…გულმა ცუდი მიგრძნო, ავირბინე ზევით და სულთმობრძავი ანა ვნახე, რომელსაც წერილი დაუწერია, „კარნიზზე“ თოკი ჩამოება და თავი ჩამოეხრჩო.ჩემს ხელში დალია სული. ან როგორ გაუძლო ამ 2-მეტრიანი გოგოს სიმძიმეს, რატომ არ ჩამოინგრა, ხომ გადარჩებოდა ჩემი გოგო. საშინელ დღეში აღმოვჩნდით. სერგი 1 წლის და 2 თვის იყო, უდედოდ რომ დარჩა.წერილში გვწერდა, რომ ბავშვი მამისთვის არ გაგვეტანებინა და ჩვენ გაგვეზარდა.შვილის დარდს გადაჰყვა ჩემი დაც და მალე ისიც გამოგვეცალა ხელიდან.6 წლის იყო სერგო, როცა დარჩა დედის, მამისა და ბებიას გარეშე. წამოვიყვანე ჩემთან და მას მერე ვზრდიდი.არც არასოდეს მითქვამს, რომ დედამისმა მამამისის გამო მოიკლა თავი. მამის სიძულვილს არ ვუნერგავდი.სერგო რომ წამოიზარდა, მამასთან ურთიერთობა დაიწყო. 17 წლისა თბილისში გადავიდა და გარკვეული პერიოდი მამასთან ცხოვრობდა, რომელსაც სხვა ცოლ-შვილი ჰყავდა.დიდხანს ვერ გაძლო და შემდეგ მეგობართან გადავიდა საცხოვრებლად.სერგო 27 წლის იყო, როცა 13 ივნისის ტრაგედია მოხდა.დები ზარანდიები, რომლებიც ასევე წყალდიდობაში დაიღუპნენ, ახალი გაცნობილი ჰყავდა – 20 მაისს გაუცნია მეგობრის დაბადების დღეზე.ბოლო პერიოდში აჩემებული ჰქონდა ცოლი უნდა მოვიყვანოო, ძალიან მოსწონდა ჟღალთმიანი გოგონები.„ფეისბუქი“ გაავსო წითელთმიანი მანდილოსნების ფოტოებით.როგორც ჩანს, ერთმანეთს შეხვდნენ და იმ გზაზე მოხვდნენ წყალდიდობის დროს. ძალიან კარგი გოგონა იყო, ეს ტრაგედია რომ არ მომხდარიყო, ალბათ ყველაფერი ქორწილით დასრულდებოდა.ეკლესიური ვარ, მაგრამ სერგო რომ ვერ ვიპოვეთ, ფოთში ერთ ცნობილ ნათელმხილველთან წავედი. მან ახსენა წყალი და დღის მეორე ნახევარი. – სამნი იყვნენ, ორნი დარჩნენ და ორივე სხვადასხვა ნაპირზე გავიდაო.მე ვიგულისხმე, რომ სამნი იყვნენ დები ზარანდიები და სერგო და ორნი დარჩნენ – ჩემი სერგო და მეორე დაკარგული, ბექა ბუთურიშვილი. შემდეგ წყნეთში, დედა ანასთანაც ვიყავი და იმანაც იგივე მითხრა – ცოცხალიაო.მოვძებნე ბექას დედა და ვუთხარი, გიჟად არ ჩამთვალოთ, მაგრამ ასე მითხრეს, რომ ცოცხლები არიან ჩვენი ბიჭები-მეთქი. მეც ასე მითხრესო.შემდეგ დედა თამართანაც ვიყავი და იმან მითხრა – ეს ის ბიჭი არაა, თავგზაარეული რომ დადისო? ხომ იცით, რაც გინდა, რომ მოხდეს, იმას იჯერებ.შემდეგ მამა ნაომისთან ვიყავი, ყინწვისში. მან ლოცვა რომ დაიწყო, ის გზა გაიარა, რაც სერგომ, იმ ღამეს. კაცი იხრჩობოდა, ბუყბუყებდა და ბოლოს თქვა, ძლივს დავიხრჩეო.არსებობს რამაზ ჩხიკვაძის გადაღებული კადრები, სადაც ჩანს, ზარანდიები და სერგო გზაზე მოდიან, გამყოფ ზოლზე, შემდეგ სერგო რაღაც დიდ მანქანასთან ჩერდება.არ ვიცი, ეხმარება მძღოლს თუ რამეს ეუბნება, ისმის გოგონების ხმა, რომ, ეძახიან და მერე კადრი ჩერდება. ეგებ უშველა თავს? ეგებ მოხდა სასწაული და გადარჩა? ერთი და მზიურში ნახეს გარდაცვლილი, მეორე – ზოოპარკში და მე ისიც არ ვიცოდი, სად უნდა მეძებნა. – როგორ ფიქრობთ, რატომ არ ბრუნდება სერგო, თუ ცოცხალია?– საქმე ის გახლავთ, რომ მან ტრაგედიამდე რამდენიმე ხნით ადრე ბიზნესი წამოიწყო მეგობრებთან ერთად, მაგრამ შემდეგ მეგობრებმა უღალატეს და სერგოს ვალი დაედო. ვფიქრობ, რომ ალბათ ვალის გამო არ ბრუნდება, რადგან არც ისე პატარა თანხაზე იყო ლაპარაკი.იურიდიულად გარდაცვლილად ცნეს სერგო. ჯერჯერობით არც მკვდარი ჩანს და არც ცოცხალი. მისი ტანისამოსი შენახული მაქვს, მისი წინდები და სიგარეტის კოლოფი, რომელშიც ერთი ღერი სიგარეტია.ასევე შენახული მაქვს ანას დღიურები და ბოლო წერილი. მისი დღიური 13 რიცხვიდან იწყება. 13 რიცხვი დედისთვის და შვილისთვის ერთნაირად უბედური აღმოჩნდა.

რჩევები • 1781270880

რატომ უნდა მოათავსოთ კბილის პასტა საყინულეში - ექსპერტის რჩევა

ვინ იფიქრებდა, რომ კბილის პასტა, რომელიც ასე ნაცნობია, შეიძლება გახდეს ნამდვილი ხსნა ყოველდღიურ ცხოვრებაში? აღმოჩნდა, რომ ამ პროდუქტს შეუძლია მრავალი საყოფაცხოვრებო პრობლემის გადაჭრა, მათ შორის სამზარეულოში დასუფთავების დროსაა განსაკუთრებით ეფექტური. ამისთვის მხოლოდ კბილის პასტა და ყინულის კუბიკები გჭირდებათ.როგორ გარდაიქმნება გაყინული კბილის პასტა სასწაულებრივ გამწმენდ ტაბლეტებად?მოათავსეთ კბილის პასტა ყინულის კუბიკების გასაკეთებელ მოწყობილობაში და მოათავსეთ საყინულეში. რამდენიმე საათის შემდეგ, პასტა გადაიქცევა მყარ კუბებად, რომლებიც შეიძლება გამოიყენოთ სხვადასხვა ამოცანებისთვის. საკმარისია საყინულეში 4-5 საათით დატოვება და გამოსაყენებლად მზადაა.მას შემდეგ, რაც პასტა გაიყინება, ეს კუბურები გახდება თქვენი სამზარეულოს სრულყოფილი დასუფთავების საშუალება. ისინი განსაკუთრებით სასარგებლოა საჭრელი დაფების გასაწმენდად, რომლებიც ხშირად ხდება მრავალი ბაქტერიის „შეგროვების ადგილი“. კუბიკის ფორმიდან ამოსაღებად, უბრალოდ მსუბუქად დააწექით ან დაასხით ცხელი წყალი და პასტა ადვილად ამოვა.როგორ მოვაშოროთ სუნი და მიკრობები სამზარეულოდან?მძაფრსუნიანი საკვები, როგორიცაა თევზი ან ხახვი, კვალს ტოვებს საჭრელ დაფაზე. უბრალოდ, წაუსვით დაფის ზედაპირზე გაყინული პასტის კუბი და მას შემდეგ, რაც ცხელი წყლით ჩამორეცხავთ, სუნი გაქრება და მიკრობები განადგურდება.გაყინული კბილის პასტის მრავალფეროვნება არ შემოიფარგლება მხოლოდ სამზარეულოთი - მაგალითად, დაგეხმარებათ, გაათეთროთ თქვენი სპორტული ფეხსაცმელი ან მისი ძირები, რომლებიც დროთა განმავლობაში შეიძლება გაყვითლდეს. უბრალოდ შეაზილეთ მათ პასტის კუბი და ჩამორეცხეთ. შედეგი სასიამოვნოდ გაგაოცებთ.მოხერხებულობისთვის, ყოველთვის შეგიძლიათ შეინახოთ კბილის პასტა საყინულეში ისე, რომ ის ხელმისაწვდომი იყოს ყოველდღიური საჭიროებისთვის. ეს „სასწაული ტაბლეტები“ ასევე შესანიშნავად ასუფთავებს სანტექნიკას და შეიძლება სასარგებლო იყოს სხვა საყოფაცხოვრებო საჭიროებებისთვის. ასე რომ, შემდეგ ჯერზე, როცა მოგიწევთ არეულობის სწრაფად და ეფექტურად მოგვარება, უბრალოდ გახსენით საყინულე და გექნებათ შესანიშნავი საწმენდი ხსნარი.კბილის პასტა საყინულეში არის მარტივი, მაგრამ ძალიან სასარგებლო, რომელიც დაზოგავს თქვენს დროსა და ენერგიას ყოველდღიურ საქმიანობაში.

მსოფლიო • 1781258220

ნიკოლ ფაშინიანი ვლადიმერ პუტინს რუსეთის დღეს ულოცავს - დარწმუნებული ვარ, სომხეთის და რუსეთის ხალხებს შორის გაღრმავდება თანამშრომლობა და ჩვენი ქვეყნები შესაძლებლობების სრულ სპექტრს გამოიყენებენ

სომხეთის პრემიერ-მინისტრი ნიკოლ ფაშინიანი რუსეთის პრეზიდენტს, ვლადიმერ პუტინს რუსეთის დღეს ულოცავს. ინფორმაციას ამის შესახებ სომხური მედია ავრცელებს.„ეს მნიშვნელოვანი დღესასწაული განასახიერებს რუსეთის მოქალაქეების პასუხისმგებლობას თავიანთი ქვეყნის მომავლისთვის, ასევე მეგობარი რუსი ხალხის სურვილს, დამოუკიდებლად აირჩიონ ეროვნული განვითარების გზა. დარწმუნებული ვარ, რომ სომხეთის რესპუბლიკისა და რუსეთის ფედერაციის ხალხებს შორის მრავალმხრივი კავშირები, ჩვენი ორმხრივი ერთგულება ღია და კონსტრუქციული დიალოგისადმი, რომელიც დაფუძნებულია ერთმანეთის სუვერენიტეტისა და ეროვნული ინტერესების პატივისცემაზე, გააგრძელებს თანამშრომლობის გაღრმავებას და ჩვენს ქვეყნებს შორის თანამშრომლობის შესაძლებლობების სრულ სპექტრს გამოიყენებს“, – წერს ფაშინიანი ვლადიმერ პუტინისთვის გაგზავნილ მისალოც წერილში.ცნობისთვის, 1994 წელს რუსეთში 12 ივნისი სახელმწიფო დღესასწაულად გამოცხადდა, 2002 წლიდან კი მას ოფიციალურად ეწოდება რუსეთის დღე.

პოლიტიკა • 1781174301

საქართველოს გაქრისტიანებიდან 1700 წლის იუბილესთან დაკავშირებით, შალვა პაპუაშვილი პარლამენტის წევრებთან ერთად სამცხე-ჯავახეთში იმყოფება

საქართველოს პარლამენტის თავმჯდომარე შალვა პაპუაშვილი, პარლამენტის წევრებთან ერთად, საქართველოს გაქრისტიანებიდან 1700 წლის იუბილესთან დაკავშირებული ღონისძიებების ფარგლებში, სამცხე-ჯავახეთში იმყოფება.შალვა პაპუაშვილმა ფოკის წმინდა ნინოს სახელობის დედათა მონასტერი დეპუტატებთან ერთად დაათვალიერა და საქართველოს ქრისტიანული მემკვიდრეობის მნიშვნელობაზე ისაუბრა.საპარლამენტო დელეგაცია იმყოფებოდა ნინოწმინდაში, ჰაიოს და ქართლოსის სკვერში, სადაც ადგილობრივ მოსახლეობასა შეხვდა.შეხვედრაზე საუბარი შეეხო რეგიონის განვითარების საკითხებს, მიმდინარე პროექტებსა და ადგილობრივი მოსახლეობის საჭიროებებს.ქრისტიანობის სახელმწიფო რელიგიად გამოცხადების 1700 წლის იუბილესთან დაკავშირებული ღონისძიებები, სვეტიცხოვლობის დღესასწაულის ჩათვლით გაგრძელდება და მოიცავს, როგორც კულტურულ-საგანმანათლებლო პროგრამებს, ისე სამეცნიერო კონფერენციებსა და სტუდენტურ ექსპედიციებს. ღონისძიებები საქართველოს მთავრობისა და საპატრიარქოს კოორდინაციით ხორციელდება.