სასწაული

ხმის დამთვლელი აპარატების მწყობრიდან გამოსვლის შანსები მინიმალურია, რასაც საერთაშორისო გამოცდილება ადასტურებს - გიორგი კალანდარიშვილი

საქართველოს ცენტრალური საარჩევნო კომისიის თავმჯდომარემ, გიორგი კალანდარიშვილმა არჩევნების მიმდინარეობის პროცესზე და ახალი სისტემის ტექნიკურ მხარეებზე “დღის კურიერის“ ეთერში ისაუბრა.კალანდარიშვილის განმარტებით, ხმის დამთვლელი აპარატების მწყობრიდან გამოსვლის შანსები მინიმალურია, რასაც საერთაშორისო გამოცდილება ადასტურებს. თუმცა, მისი განმარტებით, თუ საარჩევნო უბანზე ერთი აპარატი გამოვა მწყობრიდან, მუშაობას მეორე განაგრძობს და ხმის მიცემის პროცესში შეფერხება არ იქნება.“ჰიპოთეზური დაშვებები ყველაფერზე შეიძლება, ტექნიკაა და ყველაფერი შეიძლება მწყობრიდან გამოვიდეს. ეს ახალი საოპერაციო სივრცე ამერიკული სტანდარტებით და საერთაშორისო კარგი პრაქტიკის მიხედვით შეიქმნა. ცოტა ხნის წინ ჩვენ გვქონდა ამ სივრცის პრეზენტაცია და იქ მოხდა ამ ტექნოლოგიური საშუალებების გამართვა, ტესტირება, კონფიგურაცია, ინფორმაციის ჩაწერა და გაგზავნამდე კიდევ შემოწმება. თუ სადმე იყო ასეთი შემთხვევები, რა თქმა უნდა გამოსწორდა ან ჩანაცვლება განხორციელდა.ასევე, საერთაშორისო გამოცდილება ამბობს, რომ ასეთი შემთხვევები შეიძლება იყოს ძალიან მინიმალური. მაგრამ, ვთქვათ, რომ თეორიულად აპარატი გამოვიდა მწყობრიდან, ერთ აპარატის გამოსვლის შემთხვევაში, მუშაობას აგრძელებს მეორე, მეორე აპარატის მწყობრიდან გამოსვლის შემთხვევაში მესამე აგრძელებს და თუ რაღაც სასწაული მოხდა და ფორსმაჟორული გარემოებაა, სამივე აპარატი ჩაიხსნება, მოეხსნება ოპტიკური სკანირების აპარატი და ბიულეტენების აპარატში მოთავსება ხელით გაგრძელდება. რაც საბოლოო ჯამში მოგვცემს იმას, რომ ნაცვლად აპარატის დათვლისა, ისევ ხელით დავთვლით“, - განაცხადა გიორგი კალანდარიშვილი.

ისტორიები • 1729664220

სვანეთის ეკლესიაში მომხდარი სასწაული და წყარო, სადაც უამრავი ხატია განბანილი და მაკურნებელი თვისებები აქვს

ფუსტობა ჯერ კიდევ 4 ათასი წლის წინ არსებობდა, შუა მდინარულ და ხეთურ სამყაროში, ოღონდ მაშინ ფუსტელები წარმართულ რელიგიას მსახურებდნენ. როგორც კი ქრისტიანული სარწმუნოება დამკვიდრდა, მათ ქრისტიანული ტაძრების დაცვა დაიწყეს.ფუსტი სვანურად უფალს ნიშნავს, ფუსტელი კი არის ადამიანი, რომელიც სიწმინდეებისა და ეკლესიების მფარველი, პატრონი და დამცველია. საქართველოს უამრავი მტერი ჰყავდა და ყოველი მათგანი პირველ რიგში ეკლესიისა და ხატების განადგურებას ცდილობდა. როგორც კი საქართველოს ამა თუ იმ კუთხეს აოხრების საშიშროება დაემუქრებოდა, ფუსტელების მიერ ხდებოდა იმ ადგილიდან სიწმინდეების წაღება და შედარებით დაცულ ადგილზე გადატანა.ერთ-ერთი ასეთი ადგილი გახლდათ სვანეთი, რადგან ის მტრისთვის ძნელად ხელმისაწვდომი იყო. რაჭაში გახლავთ სოფელი ფუტიეთი. ეს სოფელი ასრულებდა ფორპოსტის (შემნახველის) ფუნქციას, საუკუნეების განმავლობაში. ეს გახლავთ საეკლესიო სოფელი, საკათალიკოსო ღირსებით. იქ გახლავთ სამონასტრო კომპლექსი, მას დღემდე სვანურ ეკლესიას ეძახიან. ამ კომპლექსში გაერთიანებულია წმინდა გიორგის სახელობის ტაძარი და რამდენიმე ციხე სიმაგრე. როდესაც ფუსტელებს სიწმინდეები გადაჰქონდათ, სწორედ სოფელ ფუტიეთში ისვენებდნენ და მათაც სწორედ სვანურ ტაძარში ასვენებდნენ. იქვე იყო წყარო, სადაც ხდებოდა ამ სიწმინდეების გავლება. ფაქტობრივად, ეს ნაკურთხი წყარო გახლავთ, რადგან მასში უამრავი სიწმინდეა გავლებული და ამ წყალს მაკურნებელი თვისებებიც აქვს.ცნობილი ფაქტია, რომ სვეტიცხოვლის სიწმინდეების საცავი იყო სოფელი ეცერი, რომელიც სვანეთში მდებარეობს. მშვიდობიანობის ჟამს სიწმინდეები თავდაპირველ სამყოფელს ხშირ შემთხვევაში ალბათ არ უბრუნდებოდა, რადგან სხვადასხვა მტრის ბატონობა წლების განმავლობაში გრძელდებოდა და ამის გამო სიწმინდეები დიდი ხნის განმავლობაში რჩებოდა სვანეთში. სწორედ ეს არის მიზეზი იმისა, რომ საქართველოს ამ კუთხეში აურაცხელი სიმდიდრე იყო თავმოყრილი.გზა, რომელზედაც ამ სიწმინდეებს გაატარებდნენ ხოლმე, გახლავთ საჩხერე-მესტიის გზა, რომელიც დღესდღეობით არ ფუნქციონირებს. წარმოიდგინეთ ის მადლი, რომელიც ამ გზას აქვს. ადიშის ოთხთავი, რომელიც შატბერდში (ახლანდელი თურქეთის ტერიტორია) გახლავთ გადაწერილი, ამ გზაზეა გამოტარებული. ასევე „კორიდეთის ოთხთავი“, რომელიც თურქეთში ჭოროხის ხეობაში პეტრიწის მონასტერში გახლდათ, სწორედ ამ გზაზეა გამოტარებული და მიტანილია სვანეთში.ეს ამბები მე-13 საუკუნეში ხდებოდა და თითქმის წარმოუდგენელია, რომ იმ დროში ფუსტელებმა შეძლეს თურქეთიდან სიწმინდეების გამოტანა და გადარჩენა. სვანებს, როგორც ფუსტის რაინდებს, საეკლესიო სიწმინდეების დაცვის ფუნქცია ჰქონდათ. ამ ფუნქციაში შედიოდა არა მარტო დაცვა, არამედ ეკლესიაში წესრიგის დამყარებაც.საჩხერე-მესტიის გზა დაკეტილი იყო თითქმის 200 წლის განმავლობაში. 1819-1820 წლის საეკლესიო აჯანყების შემდეგ. ალბათ მოგეხსენებათ, რას მოჰყვა საეკლესიო აჯანყება. როგორც კი რუსები საქართველოში შემოვიდნენ, გააუქმეს ავტოკეფალია და დაიწყეს საეკლესიო სიმდიდრის, ხატების, ჯვრების გატანა საქართველოდან. სიწმინდეების გადასარჩენად ამოქმედდა საუკუნეების წინ ჩამოყალიბებული მექანიზმი და ფუსტელებმა სწორედ ამ გზით დაიწყეს სიწმინდეების ევაკუაცია. სვანეთისკენ მიმავალ ფუსტის რაინდებს აედევნა რუსის ჯარი. პირველი შეტაკება მათ შორის მოხდა გურიაში, სოფელ შემოქმედში. მეორე - იმერეთში, სოფელ საზანოში, სადაც 400 ფუსტელი დაიღუპა. შემდეგ მათ გააგრძელეს გზა და რაჭაში, სოფელ ფუტიეთში მოხდა კიდევ ერთი შეტაკება. განაგრძეთ კითხვა

ტაბლოიდი • 1729600740

VIDEO: „რა მაგრები ხართ…“ – სოფო ბედიას, ელენე ფოჩხუას და ჯგუფ „იბერიას“ „მეგრული პოპური“

ტელეკომპანია „რუსთავი 2“-ის გადაცემაში „გული მღერის“ სოფო ბედიამ, ელენე ფოჩხუამ და ჯგუფმა „იბერიამ“ მსმენელისთვის ნამდვილი დღესასწაული მოაწყვეს. ენერგიულად შესრულებულ „მეგრულ პოპურს“ მსმენელის დიდი გამოხმაურება და მოწონება მოჰყვა.

ასტროლოგია • 1729546615

რვა ზოდიაქოს ნიშნის ცხოვრებაში ნამდვილი სასწაული მოხდება წლის ბოლომდე

ვერძივერძებისთვის წლის ბოლო ფინანსურ სფეროში სასწაულს მოუტანს. მოულოდნელი ფინანსური შემოსავალი, წარმატებული გარიგება ან დიდი ხნის ნანატრი დაწინაურება — ეს არის ის, რაც მალე შეიძლება მოხდეს. მთავარია, შესაძლებლობებისთვის გახსნილები იყოთ და რისკის არ შეგეშინდეთ, რადგან იღბალი უკვე თქვენს მხარესაა.კუროკუროებს პირად ცხოვრებაში სასწაული ელით. წლის ბოლომდე თქვენს ურთიერთობებში მოულოდნელი შემობრუნება გელოდებათ — შეხვდებით ადამიანს, რომელიც თქვენი ბედი აღმოჩნდება, ან უკვე არსებულ კავშირში გრძნობები განახლდება. მთავარია, არ გაუშვათ შანსები და ენდოთ თქვენს ემოციებს.ტყუპებიტყუპები სასწაულს ჯანმრთელობისა და შინაგანი ბალანსის სფეროში მიიღებენ. თუ დიდი ხანია რომელიმე პრობლემასთან იბრძვით, წლის ბოლომდე მნიშვნელოვან შვებას იგრძნობთ. ეს შეიძლება იყოს როგორც მკურნალობის, ასევე სულიერი ზრდის შედეგი. მოუსმინეთ თქვენს სხეულს და არ დაივიწყოთ მასზე ზრუნვა.კირჩხიბიკირჩხიბებისთვის სასწაული ოჯახური ბედნიერების სახით მოვა. შესაძლოა, სასიხარულო ამბები მოისმინოთ ოჯახში მატებასთან დაკავშირებით ან თქვენი ნათესაური კავშირები განმტკიცდეს. ეს იქნება დრო, როდესაც თქვენი ოჯახური ცხოვრება ახალი ფერებით გაბრწყინდება, და თავს ნამდვილ დაცულად და სიყვარულით გარემოცულად იგრძნობთ.ლომილომებს სასწაული შემოქმედებისა და თვითრეალიზაციის სფეროში ელით. ნახეთ სრულად

მსოფლიო • 1729429514

თვითმფრინავის ეკიპაჟმა მოულოდნელი ზეიმი მოუწყო ბიჭს, რომელმაც მგზავრობის გამო ბაღის გამოსაშვები ღონისძიება გამოტოვა

თვითმფრინავის ეკიპაჟმა მოულოდნელი ზეიმი მოუწყო ბიჭს, რომელმაც მგზავრობის გამო ბაღის გამოსაშვები ღონისძიება გამოტოვა.5 წლის ქსავიემ სულ ახლახან ბაღი დაამთავრა, მაგრამ ოჯახური გეგმებისა და აუცილებელი მგზავრობის გამო გამოსაშვებ ღონისძიებაში მონაწილეობა, სამწუხაროდ, ვერ მოახერხა.სამაგიეროდ, თვითმფრინავის ეკიპაჟმა გადაწყვიტა, ქსავიეს მგზავრობა დღესასწაულად ექცია და ზეიმში მგზავრებიც ჩაერთო. სწორედ ამგვარად, ფლორიდიდან პუერტო-რიკოში მიმავალი რეისი 5 წლის ბიჭისთვის ნამდვილი დღესასწაული გახდა.მშობლებმა მისთვის წინასწარ შეიძინეს გამოსაშვები ფორმა. როდესაც მათ ეკიპაჟს გეგმა გაუმხილეს, პილოტები და გამცილებლებიც შესაბამისად მოემზადნენ და, საბოლოოდ, ქსავიეს გამოსაშვები საღამო მგზავრობისას წარმატებით შედგა. VIDEO

რეგიონი • 1729410645

ლენტეხის მუნიციპალიტეტში ტრადიციული სახალხო დღესასწაული „ლენტეხობა“ აღნიშნეს

ლენტეხის მუნიციპალიტეტში ლენტეხობა აღნიშნეს. მთავარ მოედანზე კულტურული და შემეცნებითი ღონისძიებები გაიმართა. ადგილობრივების წინაშე ქართული შოუბიზნესის ვარსკვლავები წარსდგნენ. ღონისძიება დღის ბოლოს საპატიო მოქალაქეების დაჯილდოვებით დასრულდა.ორგანიზატორებმა საპატიო ლენტეხელის ტიტული თეა წულუკიანს, ვარლამ ლიპარტელიანს, პაპუნა მარგველიძეს და რამდენიმე ადამიანს გადასცეს.

პოლიტიკა • 1729237645

არჩევნები არის დემოკრატიის დღესასწაული, თითოეული ქართველის გადასაწყვეტია, როგორი მომავალი სურთ საკუთარი ქვეყნისთვის, გთხოვთ, წადით და მიეცით ხმა - პაველ ჰერჩინსკი

არჩევნები არის დემოკრატიის დღესასწაული. ხალხს ექნება უფლება და მოქალაქეობრივი ვალდებულება, წავიდეს არჩევნებზე და ხმა მისცეს, გამოხატოს საკუთარი მოსაზრება, – ამის შესახებ ევროკავშირის ელჩმა, პაველ ჰერჩინსკიმ ჟურნალისტებს განუცხადა.როგორც ელჩმა აღნიშნა, თითოეული ქართველის გადასაწყვეტია, როგორი მომავალი სურთ საკუთარი ქვეყნისთვის.ამასთან, მან საქართველოს მოქალაქეებს არჩევნებზე წასვლისკენ მოუწოდა.„ჩვენი მხრიდან, როგორც საქართველოს შემთხვევაში, ისე ნებისმიერი სხვა ქვეყნის შემთხვევაში დაჟინებით ვითხოვთ, რომ არჩევნები უნდა ჩატარდეს თავისუფალ და სამართლიან გარემოში, ყველა პოლიტიკურ პარტიას შეეძლოს წარმოადგინოს პროგრამა, შეეძლოს სხვებთან კონკურენცია. არჩევნები უნდა იყოს კონკურენტული, გამჭვირვალე, ინკლუზიური. არჩევნები არის წმინდა და თითოეული ქართველის გადასაწყვეტია, როგორი მომავალი სურთ მათ საკუთარი ქვეყნისთვის. მე გულწფელად მაქვს იმედი, რომ ხალხის მივა არჩევნებზე და ხმას მისცემს, აქტივობა იქნება ისტორიულად მაღალი, რადგანაც ეს არჩევნები არის სასიცოცხლოდ მნიშვნელოვანი საქართველოსთვის. გთხოვთ, წადით არჩევნებზე და მიეცით ხმა. ეს არის თქვენი უფლება და მოვალეობა, ეს არის თქვენი არჩევანი. თქვენ გაქვთ ძალაუფლება, გადაწყვიტოთ საქართველოს მომავალი, თქვენთვის და თქვენი ბავშვებისთვის“, – განაცხადა ჰერჩინსკიმ.ამასთან, ჰერჩინსკის თქმით, ევროკავშირი მზად არის, საქართველო გახდეს ევროკავშირის წევრი, მაგრამ ეს უნდა მოხდეს წესებისა და პრინციპების საფუძველზე.„ათ დღეზე ნაკლებ დროში გაიმართება არჩევნები, ფაქტობრივად, ერთ კვირაში. ასე რომ, თქვენზე, ქართველებზე იქნება დამოკიდებული თქვენი ქვეყნის მომავლის გადაწყვეტა. თქვენ გაქვთ ძალაუფლება, გადაწყვიტოთ, როგორი მომავალი გსურთ საკუთარი თავისთვის და თქვენი შვილებისთვის. არავინ სხვა არ უნდა წყვეტდეს, მხოლოდ თქვენ. ეს არჩევნები ფარულია. თითოეულ თქვენგანს ექნება შანსი, გადაწყვიტოს, გსურთ თუ არა, საქართველო წინ წავიდეს და გახდეს ევროკავშირის წევრი. ლიდერები იყვნენ მკაფიო. ჩვენ მზად ვართ, მიგიღოთ, მზად ვართ, საქართველო გახდეს ევროკავშირის წევრი, მაგრამ ეს უნდა მოხდეს იმ წესებისა და პრინციპების საფუძველზე, რომლებიც ვრცელდება ყველა ჩვენგანზე – ევროკავშირის ამჟამინდელ 27 წევრ სახელმწიფოზე და ყველა ქვეყანაზე, რომელსაც სურს, შეუერთდეს კავშირს. ეს წესები ძალიან ნათელია: თავისუფლება, დემოკრატია, კანონის უზენაესობა, ადამიანის უფლებები. ეს წესები აღნიშნულია ევროკავშირის ხელშეკრულებებში და ისინი არ ექვემდებარება მოლაპარაკებას“, – განაცხადა პაველ ჰერჩინსკიმ.

ასტროლოგია • 1729191775

ზოდიაქოს 8 ნიშნის ცხოვრება წლის ბოლომდე რადიკალურად შეიცვლება

ვერძივერძებისთვის წლის ბოლო ფინანსურ სფეროში სასწაულს მოუტანს. მოულოდნელი ფინანსური შემოსავალი, წარმატებული გარიგება ან დიდი ხნის ნანატრი დაწინაურება — ეს არის ის, რაც მალე შეიძლება მოხდეს. მთავარია, შესაძლებლობებისთვის გახსნილები იყოთ და რისკის არ შეგეშინდეთ, რადგან იღბალი უკვე თქვენს მხარესაა.კუროკუროებს პირად ცხოვრებაში სასწაული ელით. წლის ბოლომდე თქვენს ურთიერთობებში მოულოდნელი შემობრუნება გელოდებათ — შეხვდებით ადამიანს, რომელიც თქვენი ბედი აღმოჩნდება, ან უკვე არსებულ კავშირში გრძნობები განახლდება. მთავარია, არ გაუშვათ შანსები და ენდოთ თქვენს ემოციებს.ტყუპებიტყუპები სასწაულს ჯანმრთელობისა და შინაგანი ბალანსის სფეროში მიიღებენ. თუ დიდი ხანია რომელიმე პრობლემასთან იბრძვით, წლის ბოლომდე მნიშვნელოვან შვებას იგრძნობთ. ეს შეიძლება იყოს როგორც მკურნალობის, ასევე სულიერი ზრდის შედეგი. მოუსმინეთ თქვენს სხეულს და არ დაივიწყოთ მასზე ზრუნვა. კირჩხიბიკირჩხიბებისთვის სასწაული ოჯახური ბედნიერების სახით მოვა. შესაძლოა, სასიხარულო ამბები მოისმინოთ ოჯახში მატებასთან დაკავშირებით ან თქვენი ნათესაური კავშირები განმტკიცდეს. ეს იქნება დრო, როდესაც თქვენი ოჯახური ცხოვრება ახალი ფერებით გაბრწყინდება, და თავს ნამდვილ დაცულად და სიყვარულით გარემოცულად იგრძნობთ.ლომილომებს სასწაული შემოქმედებისა და თვითრეალიზაციის სფეროში ელით. წლის ბოლომდე თქვენ წინ გაიხსნება კარი, რომელზეც ოცნებაც კი არ შეგეძლოთ. შესაძლოა, ეს წარმატებული პროექტი იყოს ან თქვენი ნიჭის აღიარება. გწამდეთ საკუთარი თავის და სამყარო თქვენ გიპასუხებთ.ქალწულიქალწულებს კარიერულ სფეროში სასწაული ელით. ის წარმატება, რომელსაც დიდი ხანია ელოდით, საბოლოოდ რეალობად იქცევა. შესაძლოა, ეს იყოს მოულოდნელი შემოთავაზება, რომელიც პროფესიულ დონეზე ახალ საფეხურზე აგიყვანთ, ან წარმატება უკვე დაწყებულ საქმეში. მთავარი — არ დაკარგოთ რწმენა თქვენს ძალებში. ნახეთ სრულად

ტაბლოიდი • 1729068772

ორსული ელენე ეპიტაშვილი სანაპიროზე გადაღებულ კადრებს გვიზიარებს

„სილამაზე “, „საოცარი გოგო ხარ “, „სასწაული სილამაზე “, – აღნიშნული კომენტარები საქართველოს ეროვნული ნაკრების მეკარის გიორგი მამარდაშვილის მეუღლემ ელენე ეპიტაშვილმა დაიმსახურა.ელენე ეპიტაშვილმა სანაპიროზე გადაღებული ვიდეო „ინსტაგრამზე“ გაგვიზიარა. View this post on Instagram A post shared by @elenneepp

საზოგადოება • 1729024921

„რომ ავიხედე, ბერდიამ საჭეს ხელი ჩამოარტყა და მანქანა გვერდზე გადაიწია... მძღოლს გული გაუჩერდა..." - თეონა ჭინჭარაული უმძიმეს ტრაგედიას 14 წლის შემდეგ იხსენებს

2010 წელს გელა დაიაურის ოჯახში მომხდარმა ტრაგედიამ მთელი საქართველო შეძრა. მუცოს ხეობაში მანქანა, რომელშიც 10 ადამიანი, მათ შორის, მცირეწლოვანი ბავშვები ისხდნენ, ხევში გადავარდა და 7 მგზავრი დაიღუპა. ტრაგედიას სასწაულებრივად გადაურჩნენ გელა დაიაური, მისი ცოლისძმა და გელას დეიდაშვილი, თეონა ჭინჭარაული, რომელმაც გადაცემაში "როგორ გადავრჩი" ტრაგედიის დღე გაიხსენა:2010 წელი იყო. ჩვენთან, ხევსურეთში დღესასწაული, ათენგენობა იწყებოდა. გელა დაიაური თავისი ოჯახით და მძღოლი ასევე თავისი ოჯახით ამოვიდნენ. მცირეწლოვანი, 4 თვის პატარა ჰყავდათ. მეორე დღეს წავედით ზემოთ, სოფელში, სადაც დღესასწაული იწყებოდა. მოსალოცად მივდიოდით. შატილიდან 22-24 კილომეტრშია. დღესასწაული ჩატარდა და უკან როდესაც ვბრუნდებოდით, ეს უბედური შემთხვევა მაშინ მოხდა. საღამოს 4-5 საათი იქნებოდა. მძღოლი ჩვეულებრივი სიჩქარით მიდიოდა. თუმცა, გზა ცუდი იყო, შესახვევი ადგილებით. ტრაგედია სიჩქარის გამო არ მომხდარა. იმ მომენტში რაც დამამახსოვრდა, იყო ის, რომ თავიდან ბერდოს მეუღლემ, სოფომ მომაწოდა ბავშვი. ბავშვის ჩანთაში რაღაც ნივთს ეძებდა და ვერ პოულობდა. მე მძღოლის უკან ვიჯექი. ჩემს გვერდზე იჯდა თეო, თეოს გვერდზე კი მისი და. მათ ბავშვები ჰყავდათ. სოფომ პატარა მე მომაწოდა. ნივთს რომ ეძებდა, ბავშვი მე მეკავა. სამივე ტიროდა და მე ბავშვს დავყურებდი. უცებ, ხმა შემომესმა: "ბერდო, რას აკეთებ?!" რომ ავიხედე, ბერდიამ საჭეს ხელი ჩამოარტყა და მანქანა გვერდზე გადაიწია. შემდეგში როცა ვიხსენებდი, მას გული გაუჩერდა. ჩვეულებრივ გზაზე მიდიოდა, მაგრამ ბერდიას გადავარდნა მეხსიერებაში დამრჩა. საჭეს ხელი ჩამოარტყა და გადაიწია. მანქანაც ხევში, მდინარეში ჩავარდა. იქამდე ჩვეულებრივ მივდიოდით, ვსაუბრობდით, არანაირი დაძაბულობა, არც შიში. ამ ამბის მერე გავიგეთ, რომ მძღოლს გულზე პრობლემები ჰქონდა და ოპერაციას აპირებდა კიდეც.

პოლიტიკა • 1728906298

მთელი ჩვენი ქვეყნისთვის უზარმაზარი დღესასწაულია უზარმაზარი მნიშვნელობის - მიხეილ სარჯველაძე მთავრობის წევრებთან ერთად სვეტიცხოველში საზეიმო წირვას დაესწრო

საქართველოს მართლმადიდებლური ეკლესია სვეტიცხოვლობას აღნიშნავს. ტაძრებში წირვა-ლოცვა დილიდან შესრულდა. განსაკუთრებული ხალხმრავლობა იყო მცხეთაში.სვეტიცხოვლის დიდ საკათედრო ტაძარში საზეიმო ლიტურგია პატრიარქის მოსაყდრემ აღავლინა. მიტროპოლიტმა შიომ მრევლს ქადაგებითაც მიმართა.სვეტიცხოველში იმყოფებოდნენ პრემიერ-მინისტრი, პრეზიდენტი და სხვა პოლიტიკოსები.წირვა-ლოცვის დასრულების შემდგომ პრემიერ-მინისტრმა სვეტიცხოვლის ტაძრის ეზოში სიმბოლურად ნეკერჩხლის ხე დარგო."მთელ საქართველოს ვულოცავ ამ დიდ დღესასწაულს, მთელი ჩვენი ქვეყნისთვის უზარმაზარი დღესასწაულია უზარმაზარი მნიშვნელობის და მინდა, რომ ყველაფერი საუკეთესო ვუსურვო დღევანდელ დღეს ჩვენს ქვეყანას, მთელ საქართველოს. წარმატების მომტანი ყოფილიყოს დღევანდელი დღის მადლი ჩვენი ქვეყნისთვის და გვფარავდეს უფალი", - აცხადებს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე.

ისტორიები • 1728893577

„ბავშვი მდინარეში გადავარდა და დედაც თან გადაჰყვა...“ - სასწაული, რომელიც სვეტიცხოვლობას უკავშირდება

საქართველოს მართლმადიდებელი ეკლესია სვეტიცხოვლობას აღნიშნავს. დღესასწაულთან დაკავშირებით, საზეიმო წირვა სვეტიცხოვლის საკათედრო ტაძარში ტარდება.სვეტიცხოველს არაერთი სასწაული უკავშირდება, რომლის ნაწილი საზოგადოებამ დღემდე არ იცის.X საუკუნის 30-იანი წლები იდგა. კონსტანტინოპოლში, ვლაქერნის ღვთისმშობლის ტაძარში, ღამისთევის ლოცვაზე უამრავი ხალხი შეკრებილიყო. პირველი ოქტომბერი, კვირადღე თენდებოდა. ღამის ოთხ საათზე ქრისტესთვის სულელმა წმინდა ანდრიამ აღაპყრო ზეცად თვალნი და იხილა მზეებრ ბრწყინვალე ყოვლადწმინდა ღვთისმშობელი, რომელიც ლოცულობდა და თავისი ომოფორით დაჰფარვიდა იქ მყოფთ. "ხედავ, შვილო, დედოფალს და ჩვენს უფალს, ყოვლადწმინდა ღვთისმშობელს, მთელი სამყაროსთვის მლოცველს?" - ჰკითხა წმინდა მამამ სულიერ შვილს ეპიფანეს. "ვხედავ, მამაო, და შევძრწუნდები", - უპასუხა მან. წმინდა ანდრიას ამ ხილვის აღსანიშნავად ეკლესიაში დღესასწაული დაწესდა. ალბათ არცთუ შემთხვევით, იმავე დღეს საქართველოს მართლმადიდებელი ეკლესია საუფლო კვართისა და ღმრთივბრწყინვალე სვეტის დღესასწაულს ვზეიმობთ. "ზეითგამოქსოილი" უფლის კვართი დამალავს "შიშვლოებასა სულისა ჩვენისა ცოდვისა მიერ". საუფლო კვართიც ხომ მცველად და მფარველად მოენიჭა, გადაეფარა ქართველ ერს, საქართველოს მართლმადიდებელ ეკლესიას. ნეტარება ჩვენ, ქართველებს, ამდენი სიწმინდის პატრონთ. აღმოსავლეთ საქართველოში უფლის კვართი და მისი ხელთუქმნელი ხატია დაბრძანებული, დასავლეთ საქართველოში - ღვთისმშობლის კვართი და სარტყელის ნაწილი. უფრო მეტი სასოებით რომ მივუახლოვდეთ უფლის კვართს და "ვიხილოთ და შევძრწუნდეთ" მისი სიწმინდით, ამისთვის კიდევ ერთხელ გავიხსენოთ სვეტიცხოვლის მიერ მოხდენილი სასწაულები.მას შემდეგ, რაც წმინდა სიდონიამ იერუსალიმიდან ძმის მიერ ჩამოტანილი საჩუქარი გულზე მიირქვა, გარდაიცვალა და კვართიანად დაკრძალეს, საუფლო კვართი არავის უხილავს. მისი მოძებნა სცადა მეფე არმაზელმა, მაგრამ საფლავის მთხრელთ თვალთ დაუბრმავდა. დროთა განმავლობაში დაიკარგა სიდონიას საფლავი და დაიკარგა უფლის კვართის სამყოფელიც. მაგრამ მასზე ამოსულმა კვიპაროსმა და ამავე ხისგან გამოთლილმა სვეტმა ცხოველმა დაარწმუნა ქართველები, რომ საუფლო კვართი იქვე არის დაკრძალული. ხის სვეტმა თავისი სიცოცხლე ხომ უფლის კვართისგან შეიძინა.როცა ცამდე ამაღლებული, მერე თავისით მიწამდე ჩამოშვებული "ჰაერთა ზედა საკვირველად დამოკიდებული" სვეტის ამბავი შეიტყვეს, მთელი მცხეთა და გარეშემო სოფლების მოსახლენი დაიძრნენ არაგვისა და მტკვრის შესართავისკენ, მეფის ბაღისკენ, იქით, სადაც ეს სასწაული ხდებოდა. მათ შორის იყო ერთი ურია დედაკაცი, წარმართი კერპთმსახური კაცის ცოლი, რომელსაც თან თავისი ოთხი წლის მხოლოდშობილი ძე მიჰყავდა. ხიდზე გადასვლისას იმდენი ხალხი შეიკრიბა, რომ ამ ჭყლეტაში ბავშვი მდინარეში გადავარდა, საცოდავი დედაც თან გადაჰყვა შვილს. ატყდა ერთი ვაი და ვიში. მაგრამ საკვირველ არიან საქმენი შენნი, ღმერთო! ადიდებული მდინარის წყლის ორმა ნაკადმა დედა-შვილი შეაერთა, გამძვინვარებულმა არაგვმა ჩამოიყვანა მეფის ბაღამდე და ნაპირზე გამორიყა. ვიდრე წყალი გამორიყავდა, დედა-შვილს თავზე ნათელი ედგათ, რომელიც იცავდა მათ კლდეებზე მიხეთქებისგან. შემოეხვია ხალხი. ეკითხებოდნენ, როგორ გადარჩითო. ქალი ტირილით ჰყვებოდა: "წყალში რომ აღმოვჩნდი, საკვირველი ნათელი ვიხილე ცეცხლის სვეტის სახით, რომელიც გამოდიოდა ამ ბაღიდან, იმ ადგილიდან, სადაც სვეტია აღმართული. ამ სვეტმა მე და ჩემი შვილი შეგვაერთა და ის გულში ჩავიკარი. უვნებლად გამოვცურეთ. სვეტი, როგორც ნავს საჭე, ისე გვმართავდა. არც ღელვა შეგვეხებოდა და არც კლდესთან მიგვიშვებდა. გამოგვიყვანა აქამდე და ის ნათელი ისევ სვეტში შევიდა, საიდანაც პირველად გამოვიდა, "რამეთუ სვეტსა ამას ცეცხლისასა (სვეტიცხოველი იმ დროს "ცეცხლისა სახედ იყო შეცვალებული") შეერთებულ არს სვეტი იგი ნათლისა, წიაღმყვანებელი ჩვენიო".