პოლიტიკა • 1786094680

იუსტიციის მინისტრის მოადგილე თამარ ზოდელავა გაერო-ს გლობალური ღონისძიების თემატურ სესიებში მონაწილეობს

საქართველოს იუსტიციის მინისტრის მოადგილე თამარ ზოდელავა გაერო-ს გლობალური გეოსივრცითი ინფორმაციის მართვის ექსპერტთა კომიტეტის (UN-GGIM) მე-16 სესიის ფარგლებში გამართულ თემატურ სესიებსა და დისკუსიებში მონაწილეობს.სესიის ფარგლებში საქართველომ მხარი დაუჭირა ეფექტიანი მიწის ადმინისტრირების ჩარჩოს (Framework for Effective Land Administration – FELA) შემდგომ განვითარებას, ასევე, ეფექტიანი მიწის ადმინისტრირების ჰაბის შექმნის ინიციატივას, რომელიც მიზნად ისახავს ქვეყნებს შორის ცოდნის, გამოცდილებისა და საუკეთესო პრაქტიკის გაზიარებას და მიწის ადმინისტრირების სისტემების გაძლიერებას.მიწის ადმინისტრირებისა და გეოსივრცითი ინფორმაციის მართვის სფეროში დაგროვილი მნიშვნელოვანი გამოცდილებისა და ექსპერტული ცოდნის საფუძველზე, საქართველომ გამოთქვა მზაობა, შეუერთდეს გაერო-ს ახლად შექმნილ მიწის ადმინისტრირებისა და მართვის ექსპერტთა ჯგუფს (Expert Group on Land Administration and Management – EG-LAM), რომელიც გლობალურ დონეზე მიწის ადმინისტრირების პოლიტიკის, ძირითადი მიდგომებისა და განვითარების პრიორიტეტების ჩამოყალიბებაში მონაწილეობს.ჯგუფში საქართველოს ჩართულობა ქმნის შესაძლებლობას, ქვეყნის გამოცდილება და ექსპერტული ცოდნა გამოყენებულ იქნეს გაერო-ს მდგრადი განვითარების მიზნების მიღწევისა და შემდგომი დღის წესრიგის ფორმირების პროცესში.UN-GGIM-ის მე-16 სესიაში საქართველოს მონაწილეობა კიდევ ერთხელ ადასტურებს ქვეყნის მზარდ როლს მიწის ადმინისტრირებისა და გეოსივრცითი ინფორმაციის მართვის საერთაშორისო პროცესებში, ამასთან, ხელს უწყობს საქართველოს ექსპერტული გამოცდილების საერთაშორისო დონეზე გაზიარებისა და თანამშრომლობის შემდგომი გაღრმავებისთვის.

პოლიტიკა • 1786090985

ირაკლი ზარქუა: ლუზერი სააკაშვილი კიდევ ბედავს და 2008 წლის ომზე ხმას იღებს, რუსების ინტერესებს ატარებდა, სტრატეგიული ობიექტები გადასცა, მსოფლიო სავაჭრო ორგანიზაციაში რუსეთის შესვლას მხარი დაუჭირა

2008 წელს, დაგვჩაგრეს, ტერიტორიები წაგვართვეს, ხალხი დაგვიხოცეს, ამაზე დასავლეთს არც რეაგირება ჰქონია და არც სანქცია დაუწესებია, აქაურებსაც ხმა არ ამოუღიათ, – ამის შესახებ პარლამენტის დიასპორის კომიტეტის თავმჯდომარემ, ირაკლი ზარქუამ განაცხადა.მისი თქმით, მიხეილ სააკაშვილი რუსეთის ინტერესებს ატარებდა.„ლუზერი სააკაშვილი კიდევ რომ ბედავს და 2008 წლის ომზე ხმას იღებს. თავისი პროვოკაციული განცხადებებით და მოქმედებებით ომის ესკალაცია განაპირობა. იცით, ტალიავინის დასკვნაში რაც წერია. ევროპის რეზოლუციას თავადაც დაუჭირეს მხარი. რას არ მიაღწია რუსეთმა? – სტამბოლის ხელშეკრულება არსებობდა, რომლითაც რუსეთს აფხაზეთიდან და ცხინვალიდან თავისი ჯარები და ბაზები უნდა გაეყვანა. ეს პროცესი დაიწყო. სააკაშვილს რუსეთთან ერთად საქართველოს წინააღმდეგ შეთქმულება რომ არ მოეწყო – რა მოჰყვა ამას, რუსეთმა აფხაზეთსა და ე.წ. სამხრეთ ოსეთში პოზიციები უფრო გაიმყარა და კონტინგენტი გაზარდა. რას არ მიაღწია რუსეთმა? – ყველაფერი მიიღო, რაც უნდოდა, ასობით სოფელი და ოკუპაციის ხაზი გაავლო. აბა, ერთი თქვას, დასავლეთიდან რუსეთს სანქცია ვინ დაუწესა საქართველოსთან ომის გამო? – პირიქით, გადატვირთვის პოლიტიკა დაიწყეს, თითქოს რუსეთს საქართველოს ტერიტორიები არ წაუღია, არ ამოუხოცია ჯარისკაცები, არ უქცევია დევნილად ათასობით ადამიანი.2009 წელს ურთიერთობა რუსეთთან გადატვირთეს და ვითომ არაფერი. ახლა ეს საზოგადოება უკრაინაზეა გადართული და პატრიოტობას იქ აწვება. როცა 2008 წელს, დაგვჩაგრეს, ტერიტორიები წაგვართვეს, ხალხი დაგვიხოცეს, ამაზე დასავლეთს არც რეაგირება ჰქონია და არც სანქცია დაუწესებია. აქაურებსაც ხმა არ ამოუღიათ, პირიქით, რუს ტურისტებს საქართველოში ეპატიჟებოდნენ. სააკაშვილი აქ არავის სჭირდებოდა, პირიქით, მისი აქ ყოფნით რუსების ინტერესებს ატარებდა – სტრატეგიული ობიექტები გადასცა, მსოფლიო სავაჭრო ორგანიზაციაში რუსეთის შესვლას მხარი დაუჭირა, მეტი რა უნდოდათ რუსებს, რასაც საქართველოში სააკაშვილი აკეთებდა? – ვიცით, რას წარმოადგენდა სააკაშვილი და მისი ხროვა“, – განაცხადა ზარქუამ.ცნობისთვის, საქართველოს ყოფილმა პრეზიდენტმა, მიხეილ სააკაშვილმა სოციალურ ქსელში დაწერა: „არ მივატოვე ხალხი განსაცდელში, ფეხზე დავაყენე საქართველო, მთელი დემოკრატიული სამყარო და ქვეყანა გადავარჩინეთ იმას, რომ რუსეთმა ვერ მიაღწია იმ ომის ვერცერთ სტრატეგიულ მიზანს“.

პოლიტიკა • 1786090906

ირაკლი ზარქუა: ბარამიძის განცხადება არის ქვეყნის, ჯარის, ხალხის მტრობა, ვფიქრობ, ამაზე შესაბამისი სტრუქტურები რეაგირებას მოახდნენ

ბარამიძე არის შტერი, ამ ადამიანის განცხადებაზე სერიოზულად როგორ უნდა ვისაუბროთ, გონებაშეზღუდულია. სიგიჟე თქვა, იმის ნაცვლად, ამ სისულელის გამო ბოდიში მოეხადა, უფრო უარესი თქვა, ტყვეებს არა მხოლოდ ჯარისკაცები ხვრეტდნენ, არამედ მოსახლეობაცო, – ამის შესახებ პარლამენტის დიასპორის კომიტეტის თავმჯდომარემ, ირაკლი ზარქუამ განაცხადა.მისი თქმით, ამას ქართველ ერზე ამბობს, რომელსაც მსოფლიოსთვის ვაჟკაცობის არაერთი მაგალითი მიუცია.„ეს თქვა სააკაშვილის თავდაცვის მინისტრმა. აი, ასეთი ლაჩრები ჰყავდა და ამ ლაჩრებით ქართველი ხალხის დაჩაგვრა უნდოდა. არ გამოვრიცხავ, ეს შორს მიმავალი განცხადება იყოს, რომ მტრებს საშუალება მისცეს, თუ დასჭირდათ, საერთაშორისო არენაზე, საქართველოს წინააღმდეგ თავდაცვის ყოფილი მინისტრის ეს განცხადება გამოიყენონ. არ ვიცი, მსგავსი სიშლეგე. იმის ნაცვლად, ბოდიში მოეხადა და ეთქვა, სხვა რამეს ვგულისხმობდიო, უარესი თქვა, ტყვეებს მოხალისეებიც არ ინდობდნენო. მისი განცხადება მტრული დამოკიდებულებაა საკუთარი ხალხისა და სახელმწიფოს მიმართ. ახლაც მავნებლობას აგრძელებენ, რომ ქვეყანა გააშავონ და მტერს საშუალება მისცენ, ქვეყნის წინააღმდეგ რაღაც არგუმენტები ჰქონდეთ. სააკაშვილი და მისი გუნდი მეხუთე კოლონაა. ეს ხალხი აგენტურაა, რომელიც საქართველოს წინააღმდეგ ხან ერთ, ხან მეორე სახელმწიფოს ემსახურებოდა. ბარამიძემ საქართველოს „ესენგეში“ შესვლას და იქ დარჩენას მხარი დაუჭირა. ბარამიძე ლაჩარი, რიგითი ქართველია, რომელსაც ქვეყნის წინააღმდეგ არაერთი საქმე ჩაუდენია. სვანეთში მის მიერ დატრიალებული ტრაგედიები გახსოვთ?  რუსებზე აღტაცებული საუბრობს, დისციპლინირებული ხალხი იყვნენ, თურმე, ისინი ტყვეებს კეთილშობილებით ექცეოდნენ და ჩვენ ვხვრეტდით. ეს ნაგვები გამოდიან და ამბობენ, რომ საქართველოს ინტერესებს იცავენ. დარწმუნებული ვარ, ამ განცხადებაზე რეაგირება იქნება, რადგან არ შეიძლება, რეაგირების გარეშე დავტოვოთ. ეს არის მტრობა საკუთარი ქვეყნის, ჯარის, ხალხის. მგონია, რომ ამაზე შესაბამისი სტრუქტურები რეაგირებას მოახდნენ“, – განაცხადა ირაკლი ზარქუამ.

მსოფლიო • 1785430034

„მსოფლიო ჩემპიონატი არ შეიძლება განხილული იყოს, როგორც საინვესტიციო პროდუქტი“ - UEFA-მ მხარი დაუჭირა მომავალი მსოფლიო ჩემპიონატების ბოიკოტირებას, აღნიშნული გადაწყვეტილება მოჰყვა FIFA-ს ინიციატივას, რომლის მიხედვითაც, მის ეგიდით გამართულ შეჯიბრებებში კერძო ინვესტიციების ჩართვა იგეგმება

UEFA-მ, ევროპული ფეხბურთის მმართველმა ორგანომ, ხუთშაბათს მხარი დაუჭირა მომავალი მსოფლიო ჩემპიონატების ბოიკოტირებას როგორც კაცების, ისე ქალების ტურნირებში. აღნიშნული გადაწყვეტილება მოჰყვა FIFA-ს ინიციატივას, რომლის მიხედვითაც, მის ეგიდით გამართულ შეჯიბრებებში კერძო ინვესტიციების ჩართვა იგეგმება.55 წევრი ასოციაციის საგანგებო შეხვედრის შემდეგ გავრცელებულ განცხადებაში UEFA-მ აღნიშნა, რომ მსოფლიო ჩემპიონატი „არ შეიძლება განხილული იყოს, როგორც საინვესტიციო პროდუქტი“.„მსოფლიოს ეროვნული ასოციაციების წინაშე დღეს ულტიმატუმი დგას: ან დათანხმდნენ საფეხბურთო სამყაროს უმნიშვნელოვანესი ჩემპიონატების შეუქცევად მიტაცებას, ან იკისრონ პასუხისმგებლობა მოსალოდნელ შედეგებზე“, - ნათქვამია განცხადებაში.UEFA-მ დასძინა, რომ მისი წევრი ასოციაციების არცერთი ეროვნული ნაკრები არ მიიღებს მონაწილეობას FIFA-ს არცერთ ტურნირში „მანამ, სანამ ეს წინადადებები ძალაში რჩება“, თუ FIFA მთლიანად არ იტყვის უარს ამ გეგმაზე და „არ მოგვაწოდებს სავალდებულო გარანტიებს იმისა, რომ საკუთარ მართვასა თუ ჩემპიონატებს კერძო მფლობელობისთვის აღარასდროს გახსნის“.

მსოფლიო • 1785308442

აშშ-ის სენატმა პროცედურულ კენჭისყრაზე რუსეთისა და ირანის წინააღმდეგ სანქციების შემოღებას მხარი დაუჭირა

აშშ-ის სენატმა იშვიათი ორპარტიული მხარდაჭერით მხარი დაუჭირა კანონპროექტს, რომელიც რუსეთისა და რუსული ნავთობისა და გაზის მყიდველების წინააღმდეგ უფრო მკაცრი სანქციების დაწესებას, ასევე ირანის მიმართ უკვე არსებული სანქციების გაფართოებას ითვალისწინებს. ინფორმაციას The Hill-ი ავრცელებს.გამოცემის ცნობით, ინიციატივის მიზანია, მიმდინარე სამხედრო კონფლიქტების ფონზე, ეკონომიკური ზეწოლა გააძლიეროს ორივე ქვეყანაზე.კანონპროექტი მისი თანაავტორის, გარდაცვლილი რესპუბლიკელი სენატორის ლინდსი გრემის სახელს ატარებს. დოკუმენტი უკვე წელიწადზე მეტია ორივე პარტიის წარმომადგენლების ფართო მხარდაჭერით სარგებლობს, როგორც უკრაინაში ომის გამო რუსეთის დამატებით სადამსჯელო მექანიზმი.როგორც გამოცემა იუწყება, აშშ-ის პრეზიდენტმა დონალდ ტრამპმა კანონპროექტის ერთ-ერთ ვერსიას მხოლოდ ცოტა ხნის წინ დაუჭირა მხარი და მოითხოვა, რომ მასში ირანის წინააღმდეგ სანქციების გამკაცრებაც შესულიყო.პროცედურულ კენჭისყრაზე კანონპროექტს მხარი 86-მა სენატორმა დაუჭირა, წინააღმდეგ კი 12 წავიდა.კანონპროექტის მიხედვით, სანქციები შეეხება რუსეთის ოფიციალურ პირებს, ოლიგარქებს, მათი ოჯახის წევრებს, უკრაინის წინააღმდეგ რუსეთის მოქმედებების მხარდამჭერ სხვა პირებს, ასევე ბანკებს, საფინანსო ინსტიტუტებსა და რუსეთის ე.წ. ჩრდილოვან ფლოტს - გემების ფარულ ქსელს, რომელსაც მოსკოვი ნედლი ნავთობის გადასაზიდად და სანქციებისთვის გვერდის ასავლელად იყენებს.დოკუმენტი ასევე პრეზიდენტ დონალდ ტრამპს უფლებას აძლევს მიზნობრივი ტარიფები დააწესოს იმ ხუთი უმსხვილესი ქვეყნის იმპორტზე, რომლებიც რუსული ნავთობისა და გაზის ყველაზე დიდი მყიდველები არიან, მათ შორის ჩინეთზე, ასევე იმ ხუთი ქვეყნის მიმართ, რომლებიც რუსეთს ნავთობის სანქციებისთვის გვერდის ავლაში ეხმარებიან.კანონპროექტში დამატებული ახალი დებულება ირანის საფინანსო და შეიარაღების ინდუსტრიის წინააღმდეგ სანქციების მოქმედებასაც ახანგრძლივებს. აღნიშნული სასანქციო მექანიზმი 1996 წელს ამოქმედდა და მისი ვადა მიმდინარე წლის ბოლოს იწურებოდა.

მსოფლიო • 1785227812

გაერო-ს უშიშროების საბჭოს სესიაზე საფრანგეთის წარმომადგენლის სიტყვით გამოსვლისას, აშშ-ის დელეგაციამ პროტესტის ნიშნად დარბაზი დატოვა

შეერთებული შტატების დელეგაციამ გაერო-ს უშიშროების საბჭოს სესია პროტესტის ნიშნად იმ დროს დატოვა, როდესაც სიტყვით საფრანგეთის წარმომადგენელი გამოდიოდა. აშშ-ის პროტესტი უკავშირდება ფრანგი დიპლომატების გამონათქვამებს, რომლებმაც შეერთებული შტატები ადამიანის უფლებებთან დაკავშირებულ საკითხების გამო გააკრიტიკეს. ამის შესახებ ინფორმაციას „ესოშიეთიდ პრესი“ ავრცელებს.მედიის ინფორმაციით, დიპლომატების მიერ კრიტიკული მოსაზრებების გაცვლა გაერო-ს ადამიანის უფლებათა უმაღლეს კომისრად ვოლკერ ტურკის ხელახალ დანიშვნას მოჰყვა.ცნობისთვის, 24 ივლისს გაერო-ს გენერალურმა ასამბლეამ ტურკი ოთხწლიანი ვადით ხელახალ დანიშვნას მხარი დაუჭირა. ტურკს წევრი ქვეყნების უმრავლესობის, მათ შორის საფრანგეთის მხარდაჭერა ჰქონდა, თუმცა შეერთებული შტატები ამ გადაწყვეტილებას ეწინააღმდეგებოდა. კენჭისყრის შემდეგ გაერო-ში საფრანგეთის წარმომადგენლობამ სოციალურ ქსელ X-ში გამოაქვეყნა განცხადება, რომელშიც ვაშინგტონის პოზიცია გააკრიტიკა.„აშშ ოდესღაც ადამიანის უფლებების დაცვის შუქურა იყო. ახლა ასე აღარ არის. დღესამერიკა ჩრდილოეთ კორეის, ნიკარაგუის, მალისა და რუსეთის გვერდით აღმოჩნდა იზოლაციაში და მსოფლიო მას აღარ უსმენს“, – ნათქვამია განცხადებაში.საპასუხოდ გაერო-ში აშშ-ის ელჩმა, მაიკ უოლცმა განაცხადა, რომ საფრანგეთი მხარს უჭერს „ადამიანის უფლებების ყველაზე მძიმე დამრღვევებს“ და ხმას აძლევს ადამიანს, რომელიც თავისუფალ და სუვერენულ დემოკრატიებს, მათ შორის შეერთებულ შტატებს, დიდ ბრიტანეთსა და ისრაელს „ლექციებს უკითხავს“.

საზოგადოება • 1785007656

გერმანია ევროკავშირში ერთსულოვნების პრინციპის გაუქმებას ითხოვს, რათა გადაწყვეტილებების მიღების „ჩიხი“ დასრულდეს

Euronews-ის ინფორმაციით, ბერლინში, კონრად ადენაუერის ფონდის ღონისძიებაზე გამართული პროგრამული გამოსვლისას, გერმანიის საგარეო საქმეთა მინისტრმა იოჰან ვადეფულმა განაცხადა, რომ ევროკავშირში მოქმედი ერთსულოვნების პრინციპი უნდა გაუქმდეს. მისი თქმით, მნიშვნელოვანი გადაწყვეტილებების მისაღებად საკმარისი უნდა იყოს კვალიფიციური უმრავლესობა.ეს ცვლილება ფაქტობრივად გააუქმებს ვეტოს უფლებას, რომელიც ამჟამად ევროკავშირის 27 წევრი სახელმწიფოდან თითოეულს აძლევს შესაძლებლობას, მნიშვნელოვანი გადაწყვეტილება დაბლოკოს. თუმცა, ვადეფულის თქმით, ერთსულოვნება კვლავ სასურველ მიზნად დარჩება.მისი განცხადებით, კვალიფიციური უმრავლესობის პრინციპი „ევროკავშირს შესაძლებლობას მისცემს, იმ სფეროებშიც იმოქმედოს, სადაც დღეს გადაწყვეტილებების მიღება ჩიხშია შესული.“„ჩვენი ხელმძღვანელობით უკვე 12 წევრი სახელმწიფო გაერთიანდა, რათა ეს ცვლილება განხორციელდეს,“ - განაცხადა ვადეფულმა.ბოლო თვეებში ფართო განხილვის საგანი გახდა უნგრეთის მიერ უკრაინისთვის განკუთვნილი 90 მილიარდი ევროს ოდენობის სესხის დაბლოკვა.  ვიქტორ ორბანმა, რომელმაც თავდაპირველად სესხს მხარი დაუჭირა, მოგვიანებით მისი დამტკიცება შეაჩერა მას შემდეგ, რაც „დრუჟბას“ მილსადენზე დაზიანებამ უნგრეთსა და სლოვაკეთში რუსული ნავთობის მიწოდება დროებით შეაფერხა.მოგვიანებით, 12 აპრილის არჩევნებში პეტერ მაგიართან დამარცხების შემდეგ, ორბანმა პოზიცია შეცვალა და სესხის დამტკიცებას მხარი დაუჭირა.„ეს გასულ კვირასაც დავინახეთ, როდესაც თანხები საბოლოოდ გამოიყო,“ — განაცხადა ვადეფულმა ბერლინში. „საკმარისია, ერთმა ან რამდენიმე წევრმა ქვეყანამ საერთო პოზიციას გადაუხვიოს, რომ მთელი ევროკავშირის მოქმედება შეფერხდეს.“Euronews-ის მიერ მოპოვებული პოლიტიკის დოკუმენტის თანახმად, ალიანსი ევროკომისიის პრეზიდენტ ურსულა ფონ დერ ლაიენს მოუწოდებს, ევროკავშირი უფრო მოქნილი და ეფექტიანი გახადოს.ევროკავშირის გაფართოებაზე საუბრისას ვადეფულმა განაცხადა, რომ მომავალში ახალი წევრების მიღება ეტაპობრივად უნდა განხორციელდეს და არა ერთბაშად.მისი თქმით, ასეთი ეტაპობრივი მიდგომა შესაძლოა დაეხმაროს იმ წინააღმდეგობის დაძლევას, რომელიც ზოგიერთი კანდიდატი ქვეყნის, განსაკუთრებით კი დასავლეთ ბალკანეთის სახელმწიფოების მიმართ არსებობს.ვადეფულს უკრაინა პირდაპირ არ უხსენებია, თუმცა ბოლო წლებში არაერთხელ განიხილებოდა წინადადება, რომლის მიხედვითაც კიევს ევროკავშირში სრულფასოვან გაწევრიანებამდე შეზღუდული ან ნაწილობრივი წევრობის ფორმა შეიძლება შესთავაზონ.

მსოფლიო • 1784829743

აშშ-ის წარმომადგენელთა პალატამ დონალდ ტრამპს ირანთან ომის შეწყვეტისკენ მეორედ მოუწოდა

აშშ-ის წარმომადგენელთა პალატამ უკვე მეორედ მიიღო რეზოლუცია, რომელიც პრეზიდენტ დონალდ ტრამპს ირანის წინააღმდეგ სამხედრო მოქმედებების შეწყვეტისკენ მოუწოდებს. ინფორმაციას ამის შესახებ „ბლუმბერგი“ ავრცელებს.როგორც „ბლუმბერგი“ წერს, რეზოლუციას მხარი რამდენიმე რესპუბლიკელმა კონგრესმენმა დაუჭირა.სააგენტოს ცნობით, რეზოლუციას სიმბოლური მნიშვნელობა აქვს, თუმცა ის ნათლად აჩვენებს, რომ ირანთან კონფლიქტი საზოგადოებაში არაპოპულარულია.სტატიის მიხედვით, რესპუბლიკელი კანონმდებლების ნაწილი შიშობს, რომ კონგრესის შუალედურ არჩევნებზე, რომლებიც ნოემბერში გაიმართება, სპარსეთის ყურეში ომის საკითხის გამო ამომრჩევლებს უარყოფით რეაქცია ექნებათ.წარმომადგენელთა პალატაში რეზოლუცია 214 ხმით 208-ის წინააღმდეგ მიიღეს.ცნობისთვის, ივნისში წარმომადგენელთა პალატამ ანალოგიური რეზოლუცია მიიღო. მაშინაც მას მხარი დაუჭირა იმავე ოთხმა რესპუბლიკელმა კონგრესმენმა: თომას მასიმ, უორენ დევიდსონმა, ბრაიან ფიცპატრიკმა და ტომ ბარეტმა.ირანთან ომის საწინააღმდეგო რეზოლუციას ასევე კენჭს უყრიან სენატშიც.

მსოფლიო • 1784821380

აშშ-ის წარმომადგენელთა პალატამ მიიღო ომის უფლებამოსილების შესახებ რეზოლუცია, რომელიც ტრამპს ავალდებულებს, ამერიკელი სამხედროები ირანში კონფლიქტის ზონიდან გამოიყვანოს

წარმომადგენლთა პალატის წევრებმა ხუთშაბათს კიდევ ერთხელ გააკრიტიკეს პრეზიდენტ დონალდ ტრამპის პოლიტიკა ირანის კონფლიქტთან დაკავშირებით მაშინ, როდესაც ახლო აღმოსავლეთში საომარი მოქმედებები კვლავ ძლიერდება, - წერს გამოცემა POLITICO.ოთხმა „რესპუბლიკელმა“ კონგრესმენმა პარტიულ ხაზს გადაუხვია და „დემოკრატების“ მიერ ინიცირებულ ომის უფლებამოსილების რეზოლუციას მხარი დაუჭირა, რის შედეგადაც დოკუმენტმა კენჭისყრაზე 214 ხმა 208-ის წინააღმდეგ მიიღო.ეს იყო მეორე შემთხვევა, როდესაც წარმომადგენლთა პალატამ მჭიდრო უმრავლესობით უარყო განახლებული საომარი მოქმედებები.აღნიშნული რეზოლუციები სამართლებრივი პრაქტიკით ჯერ გამოცდილი არ არის და ძირითადად სიმბოლურ ხასიათს ატარებს. წარმომადგენლთა პალატის ეს ინიციატივა პრეზიდენტ დონალდ ტრამპს ხელმოსაწერად არ გადაეცემა, თუმცა პრეზიდენტი თითქმის დანამდვილებით ვეტოს დაადებდა ნებისმიერ სავალდებულო კანონმდებლობას, რომელიც მის უფლებამოსილებას შეზღუდავდა.თუმცა ეს კენჭისყრა იმის მორიგი ნიშანია, რომ კანონმდებლები კონფლიქტით სულ უფრო უკმაყოფილონი არიან. სამშვიდობო მოლაპარაკებები ჩიხშია შესული, ბოლო კვირებში კი მხარეებმა საომარი მოქმედებები მკვეთრად გააძლიერეს, რასაც შაბათ-კვირას ახლო აღმოსავლეთში ოთხი ამერიკელი სამხედრო მოსამსახურის სიცოცხლე შეეწირა.

მსოფლიო • 1784712338

Bloomberg: პუტინმა უკრაინასთან დაკავშირებით რიტორიკა გაამკაცრა მას შემდეგ, რაც ტრამპთან მოლაპარაკებები ჩაიშალა

რუსეთის პრეზიდენტი ვლადიმერ პუტინი სამშვიდობო შეთანხმების ფარგლებში უკრაინისთვის ოკუპირებული ტერიტორიების ნაწილის დაბრუნების სცენარს აღარ განიხილავს. ინფორმაციას Bloomberg-ი ავრცელებს.როგორც სააგენტოს კრემლიდან წყაროებმა განუცხადეს, პუტინი ფიქრობს, რომ 2025 წლის აგვისტოში აშშ-ის პრეზიდენტთან დონალდ ტრამპთან ალასკაზე გამართული შეხვედრა უშედეგოდ დასრულდა.პუტინმა თეთრი სახლის ლიდერთან უკრაინასთან დაკავშირებით სასურველ შედეგს ვერ მიაღწია. ზუსტად ამიტომ რუსეთის ლიდერმა საკუთარი მიდგომა მკვეთრად შეცვალა და ტერიტორიულ „დათმობებზე“ უარი თქვა. მანამდე პუტინი ამბობდა, რომ ის ვაშინგტონსა და კიევთან აღნიშნულ საკითხზე მსჯელობისთვის მზად იყო.„ვლადიმერ პუტინს უკრაინის მთლიან დონეცკის ოლქზე ძალისმიერი კონტროლის დამყარება სურს. მას აგრეთვე სურს შეინარჩუნოს სუმისა და ხარკოვის ოლქების საზღვრისპირა რაიონები ბუფერული ზონების სახით“, - წერს Bloomberg-ი.სტატიაში აგრეთვე აღნიშნულია, რომ პუტინმა პოზიცია გაამკაცრა მას შემდეგ, რაც უკრაინული დრონები რუსეთის სიღრმეში აღწევენ და მათ შორის მოსკოვს ბომბავენ.რიტორიკის გამკაცრების კიდევ ერთ მნიშვნელოვან ფაქტორად სახელდება ის, რომ ტრამპმა მხარი დაუჭირა რუსეთის წინააღმდეგ სანქციებს, რომლებიც აწ გარდაცვლილი სენატორის ლინდსი გრემის მიერ იყო შემუშავებული.ამის მიუხედავად, პუტინი მოლაპარაკებების მაგიდასთან დაჯდომას არ აპირებს.„რუსეთი მზადაა დაუბრუნდეს მოლაპარაკებებს მხოლოდ მას შემდეგ, რაც პუტინი მთელ დონეცკის ოლქს დაიპყრობს“, - ციტირებს სააგენტო წყაროს კრემლიდან.

პოლიტიკა • 1784695371

საფრანგეთის პარლამენტმა 15 წლამდე მოზარდებისთვის სოციალური ქსელების გამოყენებას მხარი დაუჭირა

საფრანგეთის პარლამენტმა 15 წლამდე მოზარდებისთვის სოციალური ქსელების გამოყენებას მხარი დაუჭირა. საფრანგეთი ევროკავშირში პირველი ქვეყანაა, რომელიც ასეთ რადიკალურ ზომას მიმართა.კანონპროექტი ეროვნულმა ასამბლეამ და სენატმა უკვე დაამტკიცეს. ინიციატივას აქტიურად ემხრობა ემანუელ მაკრონი - პრეზიდენტი აცხადებს, რომ ქვეყანა ბავშვთა უსაფრთხოების დაცვაში ლიდერი ხდება.დეპუტატების უმრავლესობა TikTok-ის, Snapchat-ისა და Instagram-ის მავნე გავლენებზე მიუთითებს. ოპონენტები კი პერსონალური მონაცემების გაჟონვისა და პირად ცხოვრებაში ჩარევის რისკებზე საუბრობენ.

მსოფლიო • 1784664658

საფრანგეთის პარლამენტმა 15 წლამდე ასაკის პირებისთვის სოციალური ქსელებით სარგებლობის აკრძალვას მხარი დაუჭირა

საფრანგეთის პარლამენტმა 15 წლამდე ასაკის პირებისთვის სოციალური ქსელებით სარგებლობის აკრძალვას მხარი დაუჭირა. საფრანგეთი გახდება ევროკავშირის პირველი სახელმწიფო, რომელიც მსგავს ზომას საკანონმდებლო დონეზე დანერგავს.როგორც სააგენტო AFP იუწყება, კანონპროექტს ეროვნული ასამბლეის 279 დეპუტატმა დაუჭირა მხარი, 81 კი წინააღმდეგი იყო. კანონპროექტი მანამდე სენატმაც დაამტკიცა.პრეზიდენტმა ემანუელ მაკრონმა, რომელიც აქტიურად უჭერს მხარს ამ ინიციატივას, სოციალურ ქსელებში დაწერა, რომ საფრანგეთი ევროპაში წამყვანი ძალაა ბავშვებისა და მოზარდების დაცვის საკითხებში.მან მადლობა გადაუხადა პარლამენტს და აღნიშნა, რომ გადაწყვეტილება საკონსტიტუციო საბჭომაც უნდა დაამტკიცოს. ადრე მაკრონი გამოთქვამდა იმედს, რომ აკრძალვა ძალაში სექტემბრისთვის შევიდოდა.პოლიტიკური ძალების უმრავლესობამ მხარი დაუჭირა აკრძალვას და ხაზი გაუსვა ბავშვების ჯანმრთელობისა და უსაფრთხოების რისკებს ისეთ სოციალურ ქსელებში, როგორიცაა TikTok, Snapchat ან Instagram.კანონპროექტის მოწინააღმდეგეები ძირითადად გამოთქვამდნენ შიშებს ხელისუფლების მხრიდან პირად ცხოვრებაში შესაძლო ჩარევისა და პერსონალური მონაცემების გაჟონვის გამო - სოციალურ ქსელებზე წვდომის მისაღებად მომხმარებლებს მოუწევთ იმის მტკიცებულების წარდგენა, რომ ისინი უკვე 15 წლის არიან.