სპორტი • 1764509771

ლაშა ბექაური აბუ-დაბის „გრანდ სლემის“ ჩემპიონია

არაბთა გაერთიანებული საამიროების დედაქალაქ აბუ-დაბიში ძიუდოს „გრანდ სლემი“ მიმდინარეობს. ძიუდოისტმა ლაშა ბექაურმა (-90 კგ) ფინალში მოლდოველი მაჰილ ლატისევი დაამარცხა.სპორტის სამინისტროს ინფორმაციით, ფინალურ შეხვედრამდე მან ნიდერლანდელი მარკუს ვან დეიკი, რუსი ეგორ ანდონი და სერბი ისლამ სოგენოვი დაამარცხა. ნახევარფინალში კი სამხრეთ კორეელ ჯომგჰუნ კიმს სძლია.მიმდინარე ტურნირზე ეს საქართველოსთვის მეორე მედალია. გიორგი სარდალაშვილმა (-60 კგ) ბრინჯაოს მედალი მოიპოვა.ქართველი ძიუდოისტები აბუ-დაბის „გრანდ სლემზე“ საქართველოს სპორტის სამინისტროს მხარდაჭერით იმყოფებიან.

მსოფლიო • 1763927340

გერმანიის პოლიციამ გამთენიისას მამაკაცის სახლში ჩხრეკა ჩაატარა მას შემდეგ, რაც მან X-ზე გამოქვეყნებულ პოსტში საჯარო მოხელეებს „პარაზიტები“ უწოდა

გერმანიის პოლიციამ გამთენიისას 45 წლის ჯანდაცვის სფეროს მუშაკის სახლში ჩხრეკა ჩაატარა მას შემდეგ, რაც მან სოციალურ ქსელ X-ში საჯარო მოხელეებს „პარაზიტები“ უწოდა. ინფორმაციას Anadolu Agency ავრცელებს.მამაკაცმა სახელად მ. 29 სექტემბერს სოციალურ ქსელ X-ში პოსტი გამოაქვეყნა, სადაც ქვეყნის საგადასახადო სისტემა და სახელმწიფო საბიუჯეტო დაფინანსებაზე მომუშავე ადამიანები გააკრიტიკა.„არავინ, ვინც სახელმწიფოს მიერ ფინანსდება, არ იხდის სუფთა გადასახადებს. ისინი გადასახადების ხარჯზე ცხოვრობენ - თითოეული სახელმწიფო მოხელე, პოლიტიკოსი, სახელმწიფო საწარმოს თანამშრომელი და ნებისმიერი ადამიანი, ვინც სახელმწიფოს კმაყოფაზეა. არცერთი პარაზიტი გადასახადებს არ იხდის“, - დაწერა მან.როგორც ადგილობრივი მედია იუწყება, 13 ნოემბერს აღნიშნულ მამაკაცთან სახლში, რომელიც ბადენ-ვიუტენბერგის ფედერალურ მიწაზე მდებარეობს, პოლიციის ორი ოფიცერი მივიდა. მათ ჩხრეკის ორდერი და „სიძულვილის გაღვივების“ შესახებ ბრალდება წარუდგინეს. როგორც თავად მამაკაცი ჰყვება, პოლიციელებმა მას შესთავაზეს ორი გამოსავალი: მიეცა მათთვის ტელეფონი და პაროლი, ან ნება დაერთო სახლი გაეჩხრიკათ. მამაკაცი დაემორჩილა სამართალდამცველების მოთხოვნას. ის ქალაქ გოპინგენის პოლიციის განყოფილებაში გადაიყვანეს.ეჭვმიტანილის ადვოკატმა მარკუს პრეტცელმა პოლიციის მოქმედებას „აბსურდული და უკანონო“ უწოდა და აღნიშნა, რომ მას დღემდე არ აქვს წვდომა საქმის მასალებთან. არც სასამართლოს, არც პროკურატურას არ განუმარტავს ზუსტად, თუ რაში მდგომარეობს სიძულვილის გაღვივება.მამაკაცი ამბობს, რომ მას სიტყვა „პარაზიტის“ გამო დევნიან. ადგილობრივი მედია ვარაუდობს, რომ თავის დროზე ნაცისტები სიტყვა „პარაზიტს“ ებრაელების შეურაცხყოფისთვის იყენებდნენ. შესაძლოა, პროკურატურამ მის წინააღმდეგ ამის გამო აღძრა საქმე. თავად ბრალდებული ნეონაცისტებთან კავშირს უარყოფს.

მსოფლიო • 1763447862

Bild: დაიშლება თუ არა კოალიცია? გერმანია უმცირესობის მთავრობაზე გადასვლას განიხილავს

გერმანიაში მმართველ კოალიციაში კრიზისი მწვავდება. გერმანული გამოცემა Bild-ის ცნობით, „ქრისტიან-დემოკრატიული კავშირის“ (CDU) და „ქრისტიან-სოციალისტური კავშირის“ (CSU) ალიანსი არ გამორიცხავს უმცირესობის მთავრობის ფორმირებას და დიდი კოალიციის დაშლის შემთხვევაში კონკრეტულ სცენარებს განიხილავს.Bild-ის მიერ მოპოვებული ინფორმაციის თანახმად, კონკრეტული სცენარები ამ კვირაში ბერლინში განიხილეს.როგორც გამოცემა წერს, CDU/CSU ბლოკში შემავალი „სოციალ-დემოკრატიული პარტიის“ (SPD) მიმართ უკმაყოფილება იზრდება. კოალიციური შეთანხმების ფორმირების დროს არაერთი საკამათო თემა მიჩქმალული იყო და ახლა ისინი კონფლიქტის მთავარ საკითხებად იქცა.სამხედრო სამსახურის შესახებ კანონპროექტის დებატების შემდეგ, დაძაბულობა გაიზარდა საპენსიო და საგადასახადო რეფორმებთან დაკავშირებული უთანხმოების ფონზე.გამოცემის წყაროები ირწმუნებიან, რომ CDU/CSU სულ უფრო ხშირად განიხილავს კოალიციის დაშლის შესაძლებლობას. ერთ-ერთი სცენარი ყოფილი კანცლერის ოლაფ შოლცის ხელმძღვანელობით უმცირესობის მთავრობაზე გადასვლაა, რაც შეიძლება განხორციელდეს მომავალი წლის ბიუჯეტის დამტკიცების შემდეგ. ზოგიერთი კონსერვატორი სოციალ-დემოკრატებთან ურთიერთობაში უფრო მკაცრი კურსის გატარებას მოითხოვს.ბლოკის რამდენიმე წევრი ღიად გამოთქვამს ეჭვებს, რომ კოალიციურმა მთავრობამ მორიგ საპარლამენტო არჩევნებამდე გაძლოს.CDU-ს ერთ-ერთმა წარმომადგენელმა განაცხადა: „მე არ მაქვს ფანტაზია წარმოვიდგინო, რომ ეს კოალიცია 2029 წლამდე შეძლებს კარგად ფუნქციონირებას“.თავის მხრივ, CSU-ს ლიდერმა, მარკუს ზოდერმა, უმცირესობის მთავრობის იდეის შესახებ საზოგადოება გააფრთხილა: „ასეთი კაბინეტი სერიოზული შეზღუდვების პირობებში იმუშავებს. სინამდვილეში, თქვენ თითქმის ვერაფერს მიიღებთ“.

პოლიტიკა • 1762523580

ევროკავშირი რუსეთის მოქალაქეებისთვის მულტივიზების გაცემას წყვეტს

ევროკომისიამ მიიღო გადაწყვეტილება რუსეთის მოქალაქეებზე მულტივიზები აღარ გასცეს. ინფორმაციას რუსული მედია ავრცელებს.„ამ მომენტიდან რუსეთის მოქალაქეები მულტივიზებს ვეღარ მიიღებენ. ეს იმას ნიშნავს, რომ რუსეთის მოქალაქეებს მოუწევთ ვიზის აღება ყოველ ჯერზე, როცა ისინი ევროკავშირში გამგზავრებას გადაწყვეტენ“, - ციტირებს მედია ევროკომისიის წარმომადგენელს მარკუს ლამერტს.როგორც რუსული მედია წერს, მულტივიზები, რომლებიც უკვე გაცემულია რუსეთის მოქალაქეებზე, არ გაუქმდება.ევროკომისიაში აგრეთვე განაცხადეს, რომ გამონაკლისის სახით, მულტივიზებს გასცემენ რუსეთის იმ მოქალაქეებზე, რომელთა ოჯახის წევრი ევროკავშირში ცხოვრობს, აგრეთვე სატვირთო ავტომობილების, ავტობუსების მძღოლებზე, მემანქანეებზე, რომლებიც რეგულარულ რეისებს ასრულებენ.

მსოფლიო • 1756137768

მეცნიერები, უახლოეს წლებში, დიდ ვულკანურ ამოფრქვევას ელოდებიან

იელოუსტოუნის სუპერვულკანი, შესაძლოა, ამოიფრქვას, - ამის შესახებ ნათქვამია აშშ-ის გეოლოგიური სამსახურის (USGS) მიერ ჟურნალ Nature- ში გამოქვეყნებულ კვლევაში. Daily Galaxy-ის ცნობით, ანალიზის დროს მეცნიერებმა ელექტრომაგნიტური გამოსახულების ტექნიკა გამოიყენეს იელოუსტოუნის კალდერას ქვეშ არსებული ქანის ელექტროგამტარობის გასაზომად. კვლევის შედეგებმა აჩვენა, რომ იელოუსტოუნის მაგმატური სისტემა არ არის მონოლითური, არამედ შედგება ჰეტეროგენული დნობის ღრუებისგან, რომლებიც ძირითადად გამყარებულ ქერქშია ჩასმული. ბოლო 2.1 მილიონი წლის განმავლობაში იელოუსტოუნზე სამი ძირითადი ამოფრქვევა მოხდა. ამ ამოფრქვევებს შორის საშუალო ინტერვალი დაახლოებით 735 000 წელია. ეს ინტერვალი ხშირად შეცდომით განიმარტება, როგორც პროგნოზირებადი ციკლი. სინამდვილეში, ვულკანის ამოფრქვევის დრო აციკლურია და მცირე ნიმუშის ზომა ზღუდავს სტატისტიკურ სიმძლავრეს. ამავდროულად, კლიმატის მეცნიერი მარკუს სტოფელი და მასთან დაკავშირებული რისკების მკვლევრები 2100 წლამდე მსოფლიოს ნებისმიერ წერტილში VEI 7 ან უფრო მაღალი ამოფრქვევის ალბათობას დაახლოებით 16%-ს აფასებენ.იელოუსტოუნის გარდა, სუპერამოფრქვევის პოტენციალის მქონე სხვა ვულკანურ სისტემებს შორისაა ფლეგრეის კამპი (იტალია) და ტობას (ინდონეზია), რომლებიც ამჟამად გაზრდილ აქტივობას ავლენენ.მეცნიერები თვლიან, რომ იელოუსტოუნის სუპერამოფრქვევა, შესაძლოა, მრავალფაზიანი ამოფრქვევის ციკლის ფარგლებში მოხდეს. წარსული მოვლენები მიუთითებს, რომ მთავარ ამოფრქვევამდე შეიძლება მოხდეს უფრო მცირე წინამორბედი ამოფრქვევები, რომლებიც შეიძლება წლების ან ათწლეულების განმავლობაში გაგრძელდეს.აღსანიშნავია, რომ გლობალური ვულკანური რისკების მართვა პოტენციური საფრთხის მასშტაბებთან შედარებით განუვითარებელია. მიუხედავად იმისა, რომ იელოუსტოუნში სუპერამოფრქვევა გარდაუვალი არ არის, მისი შედეგები მთელ მსოფლიოში საშიში იქნება. ასეთმა კატაკლიზმამ, შესაძლოა, გავლენა მოახდინოს კლიმატზე, სოფლის მეურნეობაზე, ინფრასტრუქტურასა და ადამიანის უსაფრთხოებაზე.

სპორტი • 1755194923

„ვნანობ, რომ ხვიჩა კვარაცხელია არ ავიყვანეთ“ - „ინტერის“ სპორტული დირექტორი

ხვიჩა კვარაცხელიას დამატების შანსით ვერ ვისარგებლეთ და ამას ვნანობ, – ამის შესახებ „ინტერის“ სპორტულმა დირექტორმა, პიერო აუსილიომ La Gazzetta dello Sport-თან ინტერვიუში განაცხადა.50 წლის პიერო აუსილიო „ინტერში“ 1998 წლიდან სხვადასხვა პოზიციაზე მუშაობს, მათ შორის ათ წელზე მეტი ხნის განმავლობაში – სპორტული დირექტორის პოსტზე.„ყველაზე მეტად ვამაყობ მატეო კოვაჩიჩისა და მარსელო ბროზოვიჩის ტრანსფერებით, რომლებიც მარკო ბრანკას ყოფნის დროს ავირჩიეთ. ასევე, ანდრე ონანას გარიგებით, რომელიც უფასოდ დავიმატეთ და ერთი წლის შემდეგ 55 მილიონ ევროდ გავყიდეთ. რა თქმა უნდა, ამ სიაში დავასახელებ ლაუტარო მარტინესს, იან ბისეკს და მარკუს ტურამს.მაგრამ, გარკვეული სინანული მაინც დამრჩა ფეხბურთელზე, რომელმაც თავისი კვალი უკვე დატოვა „ნაპოლისა“ და „პარი სენ-ჟერმენში“. კვარაცხელია იტალიის ბევრ დიდ კლუბს შესთავაზეს, ასე რომ, ეს მხოლოდ ჩემი შეცდომა არ იყო.რატომ გახდა მისი აყვანა პრობლემა? ჩვენ 3-5-2 სქემით ვთამაშობდით, ხოლო ის 4-3-3 სქემაზე იყო მორგებული, ამიტომ ვერ გავბედეთ. მე კი გუნდის ჩამოყალიბებისას მწვრთნელის იდეებს პატივს ვცემ“, – განაცხადა „ინტერის“ სპორტულმა დირექტორმა.1TVSPORT 

მსოფლიო • 1750863282

ირანულმა რაკეტამ ბენ გურიონის უნივერსიტეტის ექვსი კვლევითი ლაბორატორია გაანადგურა, ცხრა კი დააზიანა

ბენ გურიონის უნივერსიტეტის ექვსი კვლევითი ლაბორატორია განადგურდა და ცხრა დაზიანდა 19 ივნისს სოროკას უნივერსიტეტის სამედიცინო ცენტრის კამპუსზე ირანული რაკეტიდან დარტყმის შედეგად.უნივერსიტეტის განცხადების თანახმად, შედეგად მედიცინისა და ბიოლოგიის სხვადასხვა კვლევით პროექტზე წლების განმავლობაში ჩატარებული შრომა განადგურდა.ისრაელის მედიის ინფორმაციით, მნიშვნელოვნად დაზიანდა აუდიტორიები, სასწავლო ლაბორატორიები და ჯანდაცვის მეცნიერებათა ფაკულტეტის სადეზინფექციო ოთახი, ასევე, ბენ გურიონის უნივერსიტეტის მთავარ კამპუსში, „მარკუსის ოჯახის კამპუსში“ მდებარე 30 შენობა. უნივერსიტეტი, რომელიც ჯერ კიდევ აფასებს ზარალს, ვარაუდობს, რომ ეს ათობით და შესაძლოა, ასობით მილიონი შეკელიც კი იყოს. 

მსოფლიო • 1748979908

რეალითი შოუს ვარსკვლავი, რომელიც 6 თვის ორსული იყო, ყოფილმა პარტნიორმა მოკლა - რუმინეთში მომხდარი სასტიკი დანაშაულის დეტალები

რუმინეთში, ქალაქ ბუქარესტში მომხდარი სასტიკი მკვლელობის შესახებ, ახალი დეტალები ხდება ცნობილი.dailymail-ის ინფორმაციით, რეალითი შოუს 23 წლის ვარსკვლავი ქუჩაში მოკლეს. ახალგაზრდა ქალს მაშინ ესროლეს, როდესაც ის მცირეწლოვან ქალიშვილთან და ბიძაშვილთან ერთად სეირნობდა. თეოდორა მარკუსი საავადმყოფოში გადაიყვანეს, თუმცა ექიმებმა მის გადარჩენა ვერ შეძლეს. მედიის ცნობით, მკვლელი მისი ყოფილი პარტნიორი, 49 წლის რობერტ ლუპუა, რომელმაც მოგვიანებით თავი მოიკლა. თეოდორამ და მისმა ახალმა პარტნიორმა ალექს მარკუმ აპრილში განაცხადეს, რომ ვაჟს ელოდებოდნენ. გოგონა მეორე შვილზე 6 თვის ორსული იყო.თეოდორა მარკუსი, 2022 წელს, „სიყვარულის კუნძულის“ რუმინულ ვერსიაში მონაწილეობით გახდა ცნობილი.

მსოფლიო • 1748979865

რუმინეთში, რეალითი შოუს ვარსკვლავი შვილის თვალწინ მოკლეს

რუმინეთში, ქალაქ ბუქარესტში რეალითი შოუს 23 წლის ვარსკვლავი, მცირეწლოვანი ქალიშვილის თვალწინ მოკლეს.ინფორმაციას dailymail-ი ავრცელებს.მედიის ცნობით, თეოდორა მარკუს მაშინ ესროლეს, როდესაც ის პატარა შვილთან და ბიძაშვილთან ერთად სეირნობდა.ახალგაზრდა ორსულ ქალს მკვლელმა 4-ჯერ ესროლა. მედიის ცნობით, მკვლელი მისი ყოფილი პარტნიორი, 49 წლის რობერტ ლუპუა. მკვლელობის მომენტში ქალი 26 კვირის ორსული იყო.თეოდორა მარკუსი საავადმყოფოში გადაიყვანეს, თუმცა ექიმებმა მის გადარჩენა ვერ შეძლეს. თვითმხილველების თქმით, მამაკაცი წყნარად მიუახლოვდა ქალს და ახლო მანძილიდან რამდენჯერმე ესროლა. მედიის ინფორმაციით, მოგვიანებით მამაკაცმა თავი მოიკლა. 

მსოფლიო • 1743495320

ირანი აშშ-ს და ისრაელს აფრთხილებს, რომ აგრესიის ნებისმიერ აქტს სწრაფი და გადამწყვეტი პასუხი მოჰყვება

ირანმა გაერო-ს უსაფრთხოების საბჭოში ოფიციალური პროტესტი გამოაცხადა აშშ-ის პრეზიდენტის, დონალდ ტრამპის მუქარის გამო, რომ განახორციელებს სამხედრო დარტყმებს ირანის წინააღმდეგ.გაერო-ში ირანის მუდმივმა წარმომადგენელმა და ელჩმა, ამირ საიდ ირავანმა წერილით მიმართა უსაფრთხოების საბჭოს პრეზიდენტს, კრისტინა მარკუს ლასენსა და გაერო-ს გენერალურ მდივანს, ანტონიო გუტერეშს, რომ შეერთებული შტატები სრულად იქნება პასუხისმგებელი ისლამური რესპუბლიკის წინააღმდეგ ნებისმიერი მტრული ქმედების მძიმე შედეგებზე.„უსაფრთხოების საბჭო და საერთაშორისო თანამეგობრობა არ შეიძლება, გაჩუმდეს ასეთი ომის მოსურნე პროვოკაციების წინაშე. უმოქმედობა იწვევს კატასტროფულ შედეგებს არა მხოლოდ რეგიონისთვის, არამედ საერთაშორისო მშვიდობისა და უსაფრთხოებისთვის“, – აღნიშნულია ირანელი დიპლომატის განცხადებაში.

შემთხვევა • 1739450660

ტრაგედია მიუნხენში - ხალხში ავტომობილის შევარდნის შედეგად დაშავებულთა რაოდენობა 28-მდე გაიზარდა

მიუნხენში ხალხში ავტომობილის შევარდნის შედეგად დაშავებულთა რაოდენობა 28-მდე გაიზარდა. დაშავებულთა შორის ორის მდგომარეობა მძიმეა.რეგიონული ხელისუფლება აცხადებს, რომ მომხდარი, სავარაუდოდ, თავდასხმა იყო. ეჭვმიტანილი 24 წლის ავღანელი თავშესაფრის მაძიებელია. ის შემთხვევის ადგილზევე დააკავეს. გავრცელებული ცნობით, ეჭვმიტანილი პოლიციისთვის ცნობილი იყო ქურდობისა და ნაროტიკებთან დაკავშირებული სამართალდარღვევებისთვის.როგორც ბავარიის პრემიერ-მინისტრმა, მარკუს ზედერმა განაცხადა, „ეს თავდასხმა აჩვნებს, რომ გერმანიაში საჭიროა რაღაცის შეცვლა და ეს სწრაფად უნდა მოხდეს“.ადგილობრივი მედიის ცნობით, შემთხვევა ერთ-ერთი პროფკავშირის მიერ ორგანიზებული დემონსტრაციის დროს მოხდა და ავტომობილი აქციის მონაწილეებს შეეჯახა.

პოლიტიკა • 1739359980

ესტონეთის საგარეო საქმეთა მინისტრი საქართველოს სანქციების გამკაცრებითა და უვიზო მიმოსვლის გაუქმებით ემუქრება

ესტონეთის საგარეო საქმეთა მინისტრი მარკუს ცაჰკნა საქართველოს სანქციების გამკაცრებითა და უვიზო მიმოსვლის გაუქმებით ემუქრება. მიზეზი მითითებების შეუსრულებლობაა.„ნათელია, რომ საქართველო ვერ გაწევრიანდება ევროკავშირში ახლანდელი კურსით და ხალხს რომელიც დე ფაქტო ხელისუფლებაშია, საქართველოში ლეგიტიმაცია არ გააჩნია. ჩვენ ვთქვით, რომ ახალი არჩევნების ჩატარება ამ კრიზისიდან გამოსვლის და ნდობის აღდგენის გზაა. ხელისუფლება თუ გააგრძელებს ძალადობის გამოყენებას, ჩვენ მზად ვართ გავაგრძელოთ სანქციების გამკაცრება, მათ შორის გავაუქმოთ უვიზო მიმოსვლა“, - აღნიშნავს ცაჰკნა.