ვარკეთილში ხანძარს ახალგაზრდა კაცი ემსხვერპლა
1735239348
საქართველოში ამინდი უარესდება - მოსალოდნელია ქარბუქი, ზვავსაშიშროება და ზღვაზე შესაძლოა 3-4-ბალიანი შტორმული ღელვა
გარემოს ეროვნული სააგენტო მოსალოდნელი ამინდის შესახებ მოსახლეობას აფრთხილებს.
როგორც სააგენტოს ინფორმაციაშია აღნიშნული, 9-11 იანვარს საქართველოში მოსალოდნელია ნალექი, მთაში და მაღალ მთაში თოვლი, ზოგან – ძლიერი (10-11 იანვარს შესაძლებელია, თოვლი აღმოსავლეთ საქართველოს ბარშიც აღინიშნოს), ნისლი, ქარბუქი, გზებზე ლიპყინული და ზვავსაშიშროება. ზღვაზე შესაძლებელია 3-4-ბალიანი შტორმული ღელვა.
„დიდთოვლობის, ხილვადობის გაუარესების, ქარბუქის, ლიპყინულისა და ზვავსაშიშროების გამო საავტომობილო გზების ცალკეულ მონაკვეთებზე შესაძლებელია, შეიზღუდოს ტრანსპორტის მოძრაობა.
მოსალოდნელმა ნალექებმა დასავლეთ საქართველოს მდინარეებზე შესაძლებელია, წყლის დონეების მნიშვნელოვანი მატება, ხოლო გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს“, – აღნიშნულია გარემოს ეროვნული სააგენტოს ინფორმაციაში.
ასევე ნახეთ:
როგორი იქნება იანვრის სასიყვარულო ჰოროსკოპი ზოდიაქოს ნიშნებისთვის
„დღეს მაგნიტური ქარიშხალი 3 ბალს მიაღწევს“ - ვისზე იმოქმედებს ის ყველაზე მეტად
