მოქალაქე ზურა კენჭიაშვილს, რომელიც სოციალურ ქსელში, საჯარო სივრცეში მოქალაქეებს შეურაცხყოფას გამუდმებით აყენებდა, 20-დღიანი ადმინისტრაციული პატიმრობა მიესაჯა

სამართალდამცველებმა, მოქალაქე ზურაბ კენჭიაშვილი, რომელიც სოციალური ქსელ „ტიკტოკის“ მეშვეობით შეურაცხყოფას აყენებდა მოქალაქეებს, მათ შორის არასრულწლოვანს ადმინისტრაციულ სამართალდარღვევათა კოდექსის 166-ე მუხლით გათვალისწინებული წვრილმანი ხულიგნობის ფაქტზე დააკავეს და თბილისის საქალაქო სასამართლოში გადაიყვანეს.

ადმინისტრაციული სამართალდარღვევის ოქმი და მასალები შემდგომი რეაგირების და განსჯადობის გათვალისწინებით წარედგინა სასამართლოს. მოსამართლის გადაწყვეტილებით ზურაბ კენჭიაშვილს მიესაჯა ადმინისტრაციული პატიმრობა 20 დღის ვადით.