სააპელაციო სასამართლოს მოსამართლე, ირინა ზარქუა გარდაიცვალა

სააპელაციო სასამართლოს მოსამართლე, ირინა ზარქუა გარდაიცვალა. სამწუხარო ინფორმაცია რამდენიმე წუთის წინ გავრცელდა. ირინა ზარქუა 57 წლის იყო.

ირინა ზარქუას სასამართლო სისტემაში მრავალწლიანი გამოცდილება ჰქონდა:
1987-1989 წლებში იყო აფხაზეთის ა.მ. გორკის სახელობის სახელმწიფო უნივერსიტეტის, სახელმწიფოსა და სამართლის თეორიის კათედრის მასწავლებელი.

1989-2007 წლებში მუშაობდა თბილისის სახელმწიფო უნივერსიტეტის სოხუმის ფილიალის სამართლის თეორიისა და სახელმწიფო სამართლის კათედრაზე მასწავლებლად.

2007 წლიდან დღემდე არის სსიპ სოხუმის სახელმწიფო უნივერსიტეტის იურიდიული ფაკულტეტის მოწვეული მასწავლებელი.

1999-2005 წლებში იყო აფხაზეთის უმაღლესი სასამართლოს მოსამართლე.

2005-2006 წლებში იყო აფხაზეთის სააპელაციო სასამართლოს მოსამართლე.

2006-2009 წლებში იყო ოჩამჩირის რაიონული და ტყვარჩელის საქალაქო სასამართლოებს მოსამართლე.

2009-2013 წლებში მუშაობდა აფხაზეთის ა/რ ეკონომიკის სამინისტროში, იურიდიული სამსახურის უფროსის, შიდა აუდიტის სამსახურის უფროსის თანამდებობაზე.

2014-2015 წლებში იყო აფხაზეთის ა/რ ფინანსთა და ეკონომიკის სამინისტროს იურიდიულ და საკადრო საკითხთა სამმართველოს უფროსის მოადგილე.

2015 წლის მაისიდან იყო სოხუმისა და გაგრა-გუდაუთის რაიონული სასამართლოს მოსამართლე.

2017 წლის ივნისიდან მივლინების საფუძველზე მოსამართლის უფლებამოსილებას ახორციელებდა თბილისის საქალაქო სასამართლოს სამოქალაქო საქმეთა კოლეგიაში.

2018-2020 წლებში იყო თბილისის საქალაქო სასამართლოს სამოქალაქო საქმეთა კოლეგიის მოსამართლე.

2018 წლის თებერვლიდან თანამდებობაზე გამწესებულია უვადოდ, კანონით დადგენილი ასაკის მიღწევამდე.

2019-2020 წლებში მივლინების საფუძველზე მოსამართლის უფლებამოსილებას ახორციელებდა სოხუმისა და გაგრა-გუდაუთის რაიონულ სასამართლოში.

2020-2021 წლებში იყო თბილისის სააპელაციო სასამართლოს სამოქალაქო საქმეთა პალატის მოსამართლე.

2021 წლის სექტემბრიდან არის თბილისის სააპელაციო სასამართლოს ადმინისტრაციულ საქმეთა პალატის მოსამართლე.