ხაჩიძე ზურა

Exclusive: მე ამ ნდობას გავამართლებ. აგერ ნახავთ - ნახეთ, რა მეგა თოქშოუს წაიყვანს ზურა ხაჩიძე "რუსთავი 2"-ზე

ტელეკომპანია "რუსთავი 2" ახალ მეგა თოქშოუს იწყებს. "ღამის პრაიმთაიმი" ასე ჰქვია ახალ სატელევიზიო გადაცემას, რომელსაც ვარსკვლავური ექვსეული წაიყვანს. თოქშოუ სამშაბათობით, 22 საათზე გავა ეთერში.

მათ იცნობს ყველა. ბევრ მათგანს პირველად იხილავთ ტელეწამყვანის ამპლუაში.

ისინი არიან ექვსნი და საუბრობენ ყველა აქტუალურ თემაზე. მსჯელობენ ხმამაღლა, ბჭობენ, არიან ობიექტურნი თუ სუბიექტურნი, მაყურებლამდე მოაქვთ მთავარი თემები.

რითი განვსხვავდებით და რა გვაქვს საერთო? საზოგადოების საპირისპირო მოსაზრებები და ექვსი პიროვნული პოზიცია.

მაშ ასე, ახალი მეგა თოქშოუს წამყვანები არიან: ავთანდილ ცქვიტინიძე, ზურა ხაჩიძე, ანი ჩირაძე, ბაჩო კოლელიშვილი, ნიკოლოზ ხაჩიძე და ნინო ჩხეიძე.

 

დიახ, აი, ასეთი საინტერესოდ მოულოდნელი ექვსეული შეკრიბა "რუსთავი 2"-ის მმართველმა დირექტორმა, თაკო ფხაკაძემ "ღამის პრაიმთაიმის" მთავარ პროდიუსერთან, მაია სტეფნაძესთან ერთად. 

ქასთინგი იყო მნიშვნელოვნად მრავალფეროვანი, მსჯელობებითა და ბევრი კანდიდატურის განხილვით. ახალი გამოწვევა მაცდური და მომხიბვლელი აღმოჩნდა ყველა მათგანისთვის, საბოლოო არჩევანი კი საინტერესო ბექგრაუნდის მქონე ამ ვარკვლავურ ექვსეულზე გაკეთდა.

თუ როგორ დაიყოლიეს თითოეული მათგანი, რა დამოკიდებულებებით მოვიდნენ არხზე და როგორ ხედავენ თავს ახალ ამპლუაში, ამას პირველად "პრაიმტაიმის" მკითხველი გაიგებს.

ახალი თოქშოუს წამყვანების ინტერვიუებს აქ წაიკითხავთ. ასე რომ, თვალი ადევნეთ ჩვენი სააგენტოს მიერ მოწოდებულ ახალ ამბებს.

პირველად ექსკლუზიურად კი ზურა ხაჩიძე მოგვიყვება, როგორ აღმოჩნდა შოუს წამყვანად.

ზურა ხაჩიძე: - როცა ახალ გამოწვევაზე ნაფიქრი მაქვს, სწრაფად ვრეაგირებ. როგორც კი თოქშოუს წამყვანობა შემომთავაზეს, რატომაც არა-მეთქი, ვთქვი. თუმცა თავდაპირველად დავინტერესდი, რა ბარიერის გადალახვა მომიწევდა, რა სირთულეს უნდა შევჭიდებოდი, გავართმევდი თუ არა თავს, რა მევალებოდა და ასე შემდეგ.

შემდეგ უკვე როცა თაკო ფხაკაძემ და მაია სტეფნაძემ მითხრეს, თუ რა ტიპის გადაცემაში მომიაზრეს, მაშინვე დავთანხმდი. ეს არის აპოლიტიკური, არა ყვითელი გადაცემა, რომელიც საზოგადოებაში დაგროვილ კითხვებს გასცემს პასუხებს.

პირველივე გასაუბრებაზე, როგორც კი "ყური" გამიკეთეს და ჩაირთო კამერები,  თანამწყვანების გარემოცვაში, მოცემულ თემებზე საუბრის დროს, როგორც თევზი წყალში, ისე ვიგრძენი თავი. საცდელი გადაცემის ჩაწერისას, ყურში თაკო ფხაკაძის ხმა გაისმა, გადაწყვეტილია, შენ გიპოვეთ როგორც წამყვანიო. ამ სიტყვებმა დიდი სტიმული მომცა. მე მას ამ მოლოდინს არ გავუწბილებ. აგერ ნახავთ. ჩემს შედეგს დავდებ.

"ღამის პრაიმთაიმი" ეს იქნება გადაცემა საზოგადოებაში დასმული კითხვების აქტუალურობაზე. დიდი ხანია მაწუხებს ეს სათქმელი. საზოგადოებაში დასმულ ყველა ლეგიტიმურ კითხვებზე, პასუხი უნდა მივიღოთ. ეს გადაცემა არც ერთ სხვა გადაცემას არ დაემსგავსება.

 

საკმაოდ კარგი ექვსეული ვართ შეკრებილი. ყველა სფეროზე და სეგმენტზე გასული წამყვნები შეიკრიბა. 

მე ჩემს ძირითად სამსახურში აუცილებლად ვიქნები, იცით, რომ საჯარო მოხელე ვარ. პროდიუსერებმა მითხრეს, რომ ხელს შემიწყობენ. იმ პასუხისმგებლობას, რომელიც სამცხე-ჯავახეთის რეგიონში მაქვს აღებული, არ გავურბივარ, არც ვტოვებ. ამ ინტერვიუთი პირველად გაიგებენ ჩემს ამ ახალ ამპლუაზე.

ეს გადაცემა ჩემს რეგიონსაც წაადგება ბევრ საკითხში. გავაჟღერებ პრობლემებს, როგორც საჯარო მოხელე, საზოგადოებაში დასმულ კითხვებს პასუხს გავცემ. არ გავექცევი, პირიქით. 

ძალიან დიდი მადლობა თაკო ფხაკაძეს და მაია სტეფნაძეს იმისთვის, რომ ასეთი ნდობა გამომიცხადეს. ამ ნდობას გავამართლებ.

მე მაქსიმალისტი ვარ. საქმეში მეორეობა არ მიყვარს და ამას, თანაწამყვანებთან ერთად, გადაცემის რეიტინგში ავსახავ. ჩემს შრომას მაქსიმალურად ჩავდებ და ეს გადაცემა თავის სათქმელს აუცილებლად იტყვის. 

"ღამის პრაიმ ტაიმი" მნიშვნელოვანი ხიდი იქნება ტელევიზიასა და საზოგადოებას შორის. 

მთავარი სიახლეები

ომი უკრაინაში

სოციალური თემა

puli

1651821060

300-ლარიანი ვაუჩერი მთავრობისგან საჩუქრად - ნახეთ სად, როდის და როგორ შეძლებთ მის აღებას

პრემიერ-მინისტრ ირაკლი ღარიბაშვილის ინიციატივით, იწყება სასოფლო-სამეურნეო დანიშნულების მიწის ნაკვეთების სუბსიდიის პროგრამა, რომელიც ფერმერების წახალისებას ითვალისწინებს.ფერმერებს ყოველ 1 ჰექტარ მიწაზე დაერიცხოთ 300 ლარი (ქულების სახით) და ამით 300 000-მდე ფერმერი ისარგებლებს.„პრაიმტაიმის“ ინფორმაციით, აგრობარათების გამოყენება და „ლიბერთი ბანკიდან“ გაცემა 10 მაისიდან დაიწყება.ვის, როდის და სად დაერიცხება ქულებიქულები აგრობარათებზე ირიცხება. ქულების დარიცხვა და ამით სარგებლობა იმავე პრინციპით მოხდება, როგორც წინა წლებში იყო.პროგრამაში კვლავ „ლიბერთი ბანკი“ იქნება ჩართული. ქულები დაერიცხებათ აგრობარათის მფლობელებს. ხოლო ისინი, ვისაც აგრობარათი არ აქვთ, მაგრამ აქვთ შესაბამისი მიწის ნაკვეთი, 26 აპრილიდან შეძლებენ ბანკში ბარათის აღებას.სუბსიდიას მიიღებენ 0.25 ჰექტრიდან 1.25 ჰექტრამდე ჩათვლით მიწის მესაკუთრეები, თანამესაკუთრეები.როდის დაიწყება ქულების დარიცხვააგრობარათებზე ქულების დარიცხვა 10 მაისიდან დაიწყება და განაღდება წლის ბოლომდე იქნება შესაძლებელი.ბარათით სარგებლობის ვადააგრობარათებზე დარიცხული ქულებით სარგებლობის ბოლო ვადაა 2022 წლის 30 ნოემბერი.რის შეძენას შეძლებენ ფერმერებიბარათზე დარიცხული ქულების გამოყენება შესაძლებელი იქნება შემდეგი საქონლის შესაძენად: სასუქები და მცენარეთა დაცვის ქიმიური/ბიოლოგიური საშუალებები; მცენარეთა მოვლის ქიმიური/ბიოლოგიური საშუალებები; სათესლე და სარგავი მასალები.

სხვა სიახლეები

ფიროსმანი

საზოგადოება 1652809024

საფრანგეთში საქართველოს საელჩო ნიკო ფიროსმანის „რუს-ქართველ“ მხატვრად მოხსენიებას აპროტესტებს

საფრანგეთში საქართველოს საელჩო ეხმიანება პარიზის რუსული მართლმადიდებელი და სასულიერო კულტურის ცენტრის ოფიციალურ საიტსა და „ინსტაგრამ“ გვერდზე გამოქვეყნებულ  ნიკო ფიროსმანის დაბადების 160 წლისთავთან დაკავშირებულ ინფორმაციას, რომელშიც ნიკო ფიროსმანი მოხსენიებულია „რუს-ქართველ" მხატვრად.„გამორჩეული ქართველი პრიმიტივისტის, მსოფლიო ნაივური ხელოვნების უდიდესი წარმომადგენლის, ნიკო ფიროსმანის  მემკვიდრეობის მსოფლიო მნიშვნელობის გათვალისწინებით, ჩვენთვის გასაგებია, მისი 160 წლის საიუბილეო თარიღთან დაკავშირებით საერთაშორისო გამოხმაურებები.  ამავდროულად, სრულიად გაუგებარი და  მიუღებელია ქართველი მხატვრის მოხსენიება ტერმინით „რუს-ქართველი".საელჩო შეახსენებს, რომ ნიკო ფიროსმანი  არის ქართველი მხატვარი, ქართული კულტურის განუყოფელი ნაწილი, რომელიც განუმეორებელი ნიჭით  დაჯილდოებული ხატავდა იმდროინდელი საქართველოს ცხოვრების სცენებს.ჩვენთვის სრულიად მიუღებელია რუსული მართლმადიდებელი და სასულიერო კულტურის ცენტრის მიერ ნიკო ფიროსმანის "რუს-ქართველ" მხატვრად წარმოჩენა, რაც  კულტურული რევიზიონიზმის უხეშ ფორმას წარმოადგენს. "- ნათქვამია საელჩოს განცხადებაში.             

სიმონიანი კანდელაკი

ომი უკრაინაში 1652807658

მარგარიტა სიმონიანი რამზან კადიროვს მადლობას უხდის - თინა კანდელაკს „კონკურენტი“ გამოუჩნდა

მადლობა მინდა გადავუხადო ჩეჩენ ხალხს და რამზანს, რომელთანაც, მოგეხსენებათ, სხვადასხვა დროს სხვადასხვანაირი ურთიერთობა მაქვს, მათ შორის - საჯაროდ. მაგრამ ახლა, რა თქმა უნდა, ეს ყველაფერი მთლიანად განულდა, რადგან ის, რასაც ეს ხალხი აკეთებს, იმსახურებს პატივისცემასა და აღფრთოვანებას.არანაირი ანტიუკრაინიზმი არ გვქონია და არც გვაქვს. რუსეთში ვერსად ვხედავ, რომ სიძულვილი და ამ სიძულვილში ეთნიკური კომპონენტი. დიახ, არსებობს ცალკეული სტრუქტურები - აზოვის ხალხი, რომლებიც არიან „აზოვსტალში“ და უკრაინის შეიარაღებული ძალები... მაგრამ ზოგადად, რუსეთში ანტიუკრაინული განწყობები, რა თქმა უნდა, არ არსებობს.ნახეთ ვიდეოს სრული ვერსია RUTUBE-ზე

აზოვსტალი

ომი უკრაინაში 1652804964

რას ამბობს „კურიერთან“ დონეცკის ოლქის გუბერნატორი „აზოვსტალიდან" ევაკუაციაზე

„კურიერმა" დონეცკის ოლქის გუბერნატორს ესაუბრა. პავლო კირილენკო ქალაქის მცველების გადარჩენის ოპერაციაზე საუბრობს და აცხადებს, რომ საბოლოო მიზანი სამხედროების უკრაინის მიერ კონტროლირებად ტერიტორიაზე გადმოყვანაა.„ჩვენ ყველაფერს ვაკეთებთ, რომ მებრძოლები უკრაინის კონტროლირებად ტერიტორიაზე გადმოვიყვანოთ. როგორც კი ეს მოხდება, შეგატყობინებთ. მაღალი დონის მოლაპარაკებებია, სახელმწიფოებს შორის. მე როგორც ოლქის ხელმძღვანელი,  ჩართული ვარ პროცესში. პროცედურა და მოლაპარაკება მათ გაცვლაზე მიმდინარეობს. სახელმწიფო მაქსიმალურს არ იშურებს, მაგრამ მნიშვნელოვანია მათი ჯანმრთელობა. ყველასთვის აუცილებელია საერთო მიზნის მიღწევა, ერთობლივი ძალისხმევით.რაც შეეხება მშვიდობიან მოქალაქეებს, ფაქტია რომ ჰუმანიტარული კორიდორები ვერ შედგა. ასი ათასამდე ადამიანი მარიუპოლშია. ეს დაახლოებითი ციფრებია ჩვენი გამოთვლებით. მარიუპოლში უამრავი ადამიანი დაიღუპა. რა ხდება სასაფლაოებზე ხედავთ, ეს დანაშაული კაცობრიობის წინააღმდეგ, რომელზეც რუსეთი პასუხს აუცილებლად აგებს", - განაცხადა პავლო კირილენკომ.ამასთან, ოფიციალური კიევი ყველაფერს აკეთებს, რათა მოახერხოს "აზოვსტალის" განბლოკვა, ვინაიდან ეს ქარხანაში ჩარჩენილი ჯარისკაცების დახსნის ერთადერთი გზაა.„მთავარ თემად, მარიუპოლის დამცველების გადარჩენის საკითხს განვიხილავთ. განვაცხადეთ, რომ იქნებოდა ერთობლივი ოპერაცია, რომელშიც ჩაერთვებოდნენ თავდაცვითი სტრუქტურები, როგორიცაა სადაზვერვო, უკრაინის შეიარაღებული ძალების, საზღვრის კონტროლის უწყებები, ამ სტრუქტურებმა უკვე დაიწყეს ერთობლივი ოპერაცია და გუშინ პირველი ეტაპი ჩატარდა, როდესაც 53 დაჭრილი ჯარისკაცის ევაკუაცია მოვახერხეთ. ასევე 211 ადამიანისაც, რომელთა მდგომარეობაც დამაკმაყოფილებელია. ეს ოპერაცია გაგრძელდება, სანამ ეს ხალხი უკრაინის კონტროლირებად ტერიტორიაზე გადავა. ვმუშაობთ "აზოვსტალში" ჩარჩენილი ჯარისკაცებისთვის, რომ მოვახერხოთ განბლოკვა, რადგან სხვა გზით შეუძლებელია მათი იქიდან გამოყვანა", - განაქცხადა უკრაინის თავდაცვის მინისტრის მოადგილე, ანა მალიარიმ.წყარო: რუსთავი 2

თავისუფლების მოედანი

საზოგადოება 1652804952

პირველი რესპუბლიკისა და თავისუფლების მოედნებზე სატრანსპორტო მოძრაობა დროებით შეიზღუდება - ნახეთ, დეტალურად

საქართველოს დამოუკიდებლობის დღისადმი მიძღვნილ ღონისძიებებთან დაკავშირებით, 18 მაისს, 00:00 საათიდან პირველი რესპუბლიკისა და თავისუფლების მოედნებზე სატრანსპორტო მოძრაობა დროებით შეიზღუდება. შეზღუდვა 26 მაისის ჩათვლით იმოქმედებს, - ინფორმაციას ამის შესახებ თბილისის მერია ავრცელებს.მათივე ცნობით, საზოგადოებრივი ტრანსპორტისთვის ცვლილება განხორციელდება ჯავახიშვილის ქუჩიდან პირველი რესპუბლიკის მოედნის მიმართულებით მოძრავ ავტობუსებზე: N308, N359 და მიკროავტობუსზე: N457.„რესპუბლიკის მოედანზე შემხვევ სატრანსპორტო საშუალებებს რუსთაველის გამზირისკენ მოძრაობისას გადაადგილება მხოლოდ მ. ჯავახიშვილის ქუჩიდან მ. კოსტავას ქუჩის გავლით შეეზღუდებათ, ხოლო რუსთაველის გამზირიდან პირველი რესპუბლიკის მოედანზე გადაადგილება უცვლელი დარჩება. სატრანსპორტო საშუალებებისთვის მ. კოსტავას ქუჩიდან პირველი რესპუბლიკის მოედანზე მოხვედრა შესაძლებელი იქნება მ. კოსტავას ქუჩისა და რუსთაველის გამზირის გამოყენებით.თავისუფლების მოედანზე წრე შეიზღუდება ერთი სამოძრაო ზოლით, ხოლო სატრანსპორტო გადაადგილების მიმართულებები უცვლელი დარჩება.საზოგადოებრივი ტრანსპორტისთვის ცვლილება განხორციელდება ჯავახიშვილის ქუჩიდან პირველი რესპუბლიკის მოედნის მიმართულებით მოძრავ ავტობუსებზე: N308, N359 და მიკროავტობუსზე: N457.აღნიშნული საზოგადოებრივი ტრანსპორტი მოძრაობას კოსტავას ქუჩის მიმართულებით განაგრძობს და თბილისის საკონცერტო დარბაზთან დატრიალდება, “- აღნიშნულია ინფორმაციაში.

ირაკლი ღარიბაშვილი

პოლიტიკა 1652804930

ირაკლი ღარიბაშვილი ევროპარლამენტის პრეზიდენტს შეხვდა

საქართველოს პრემიერ-მინისტრი ბრიუსელში სამუშაო ვიზიტის ფარგლებში, ევროპარლამენტის პრეზიდენტს რობერტა მეცოლას შეხვდა. შეხვედრაზე მთავარი განსახილველი თემა იყო ევროკავშირის კანდიდატი ქვეყნის სტატუსის მიღების პერსპექტივები.პრემიერის თქმით, ქვეყანა აფასებს ევროპარლამენტისა და ევროკავშირის ინსტიტუტების ურყევ მხარდაჭერას ევროპული ინტეგრაციის გზაზე, განსაკუთრებით კი საქართველოსთვის ისეთ მნიშვნელოვან დროს, როდესაც ქვეყანა ევროკომისიის შეფასების და საბჭოს შესაბამისი გადაწყვეტილების მოლოდინშია.„შეხვედრაზე აღინიშნა რეგიონში უსაფრთხოების კუთხით არსებული ვითარება. პრემიერმა კიდევ ერთხელ გამოხატა საქართველოს სოლიდარობა უკრაინელების მიმართ, ასევე, აღნიშნა რომ ამ დროისთვის უკრაინელი ხალხის დასახმარებლად საქართველოდან საჰაერო და სახმელეთო გზებით უკრაინაში 500 ტონაზე მეტი ჰუმანიტარული ტვირთი გაიგზავნა. გაფართოებული შეხვედრის შემდეგ კი პრემიერ-მინისტრმა და ევროპარლამენტის პრეზიდენტმა პირისპირ შეხვედრა გამართეს. ირაკლი ღარიბაშვილმა ევროპარლამენტის საპატიო სტუმართა წიგნში სამახსოვრო ჩანაწერი გააკეთა. საქართველოს პრემიერ-მინისტრმა ევროპარლამენტის პრეზიდენტს ევროპარლამენტის მხრიდან ევროკავშირში საქართველოს გაწევრიანების პროცესში უწყვეტი მხარდაჭერისთვის მადლობა გადაუხადა," - ნათქვამია მთავრობის ადმინისტრაციის მიერ გავრცელებულ ინფორმაციაში.