დღეს თბილისს 12 965 ტაქსი ემსახურება, პროფესიულ დღეს ვულოცავ ყველას, ვინც ამ სფეროშია ჩართული - კალაძე

დედაქალაქის მერი კახა კალაძე ტაქსის მძღოლებს პროფესიულ დღეს ულოცავს.

„პროფესიულ დღეს ვულოცავ ყველა იმ ადამიანს, რომელიც ტაქსით მომსახურების სფეროშია ჩართული. ვისურვებდი, რომ ტაქსის ნიშანი გახდეს უსაფრთხოდ მგზავრობის, ხარისხისა და პროფესიონალიზმის სიმბოლო. ტაქსების რეფორმა, რომელიც 2019 წელს დავიწყეთ, სწორედ ამ მიზანს დაეფუძნა.

დღეს თბილისს 12 965 ტაქსი ემსახურება. რეფორმა გრძელდება, რაც თბილისში ტაქსით მომსახურების სფეროს განვითარებას ემსახურება. გილოცავთ და გისურვებთ მშვიდობიან მგზავრობას!“, - წერს კალაძე.