„დედა დარიასთან მოულოდნელი შეხვედრა, უთუოდ, ნიშანი იყო... ვიდექით და ერთად ვტიროდით...“ - რას გვიყვება გია ჯაჯანიძე ამერიკაში გაცნობილ მონაზონზე

გია ჯაჯანიძე ამერიკიდან მოფრინავს, სადაც ემიგრანტების მიერ გამართული თბილისობის მუდმივი სტუმარია. თბილისში გამოსაფრენად, ვარშავაში გადაჯდა და "პრაიმტაიმისთვის" გაიხსენა, როგორ გაიცნო თანამემამულე, ჭიათურელი დედა დარია პენსილვანიაში.

გიორგი ჯაჯანიძე: ყოველ წელს ვსტუმრობ ნიუ იორკს, სადაც ემიგრანტები 15 ოქტომბერს თბილისობას აღნიშნავენ და მეპატიჟებიან. ამჯერად, წინა დღეს, 14-ში, პენსილვანიაში, პოკონოში დავით აღმაშენებლის სახელობის მონასტერში ქართველებმა აღნიშნეს სვეტიცხოვლობა. მივედი და შევხვდი ემიგრანტებს. იქ შევნიშნე დედაო, რომელიც მიღიმოდა; მეც ვუღიმოდი... ღონისძიების შემდეგ მოვიდა და გამეცნო. მითხრა, მეც ჭიათურელი ვარო. ვაიმეე... ჩემი მშობლიური კუთხე რომ მიხსენა, უცებ გავაანალიზე, ამ სიშორეზეა წამოსული და მსახურობს... ცრემლებმა ლამის დამახრჩო.

მომიყვა, როგორ ცხოვრობდა ჭიათურაში, როგორ გადაწყვიტა თავი მიეძღვნა ღმერთისთვის. და აგერ უკვე 30 წელია მონაზონია. მსახურობდა სხვადასხვა მონასტერში, მათ შორის, სამთავროს დედათა მონასტერში. ახლა ჩრდილოეთ ამერიკის ეპარქიაში, დავით აღმაშენებლის სახელობის მონასტერში მსახურობს.

თბილი, საყვარელი ადამიანია; თავისი ხელით მოქსოვილი სამაჯური მაჩუქა. დამლოცა. ვიდექით და ერთად ვტიროდით...

ჩვენ, ერში, ვერ ვხვდებით, ვერ ვიგებთ თუ რატომ ირჩევენ უფლის გზას ადამიანები. 

აი, ასე ვიპოვე ოკეანის გადაღმა დედა დარია...

რომ წამოვედი, ვფიქრობდი და მთელი გზა ცრემლებს ვერ ვიკავებდი... ეს უთუოდ რაღაც ნიშანი იყო. მეგობრებიც ვნახე ამერიკაში, კლასელებიც, მაგრამ დედა დარიასთან მოულოდნელი შეხვედრა მართლა უცნაური იყო; ვიგრძენი, რომ რაღაც ნიშანი მომეცა. ახლა ვერ ვიტყვი, მაგრამ ამ ნიშნის შესახებ არაერთხელ მიფიქრია. ამ თემაზე საჯაროდ საუბარი არ მინდა. მიჭირს... საერთოდ, ღია ადამიანი ვარ, მაგრამ სულიერებაზე საუბარი მიჭირს და არასოდეს ამ მეტად ინტიმურ თემაზე საჯაროდ არ ვსაუბრობ. თუმცა ისევ და ისევ აღვნიშნავ, რომ ამ მონაზონთან შეხვედრა ნამდვილად ნიშანი იყო...

ასევე დაგაინტერესებთ: 

„ინგა მატარებლის ბაქანზე დამხვდა. ორივე დაბნეულები ვიყავით...“ - რას იხსენებს ნიკა ნიკვაშვილი ინგა ფერაძეზე

"ხუთ მანეთიანების შეკვრა მიუცია მამასთვის და უთქვამს: პირობა მომეცი, ერთი თვე არ იტაქსავებო" - უცნობი ისტორია დოდო აბაშიძეზე

"ჩვენი სცენა იმდენად რომანტიკული და ამაღელვებელი გამოვიდა, რომ ცრემლი ბუნებრივად წამომივიდა..." - "ლიმონაზე" "პრაიმტაიმს" ნუნუ ექიმი უყვება