სასამართლო წყნეთში მომხდარ შემთხვევასთან დაკავშირებით, ბრალდებული პოლიციელის აღმკვეთ ღონისძიებაზე დღეს იმსჯელებს

რა სახის აღმკვეთ ღონისძიებას შეუფარდებს სასამართლო პოლიციელს, რომლის შემთხვევით გასროლილ ტყვიასაც წყნეთში ახალგაზრდა მამაკაცის სიცოცხლე შეეწირა - სხდომა, სადაც მოსამართლემ გადაწყვეტილება უნდა მიიღოს დღეს 11:00 საათზე დაიწყება.

როგორც ადვოკატმა "კურიერთან" საუბრისას განაცხადა, ბრალდებულს სურს სასამართლოზე კონკრეტული განცხადების გაკეთება.

ბრალდების მხარე პატიმრობას ითხოვს.

დეტექტივ ერიკ წურწუმიას სიცოცხლის გაუფრთხილებლობით მოსპობასა და სამსახურეობრივი უფლებამოსილების გადამეტებაში ადანაშაულებენ. მას ბრალი გუშინ წარუდგინეს.