საქალაქო სასამართლოში ზვიად ცეცხლაძისა და კიდევ 7 პირის პირველი არსებითი სასამართლო სხდომა მიმდინარეობს

თბილისის საქალაქო სასამართლოში, პარლამენტთან მიმდინარე საპროტესტო აქციების დროს, ჯგუფური ძალადობის ორგანიზების ბრალდებით დაკავებული ზვიად ცეცხლაძისა და კიდევ 7 პირის პირველი არსებითი სასამართლო სხდომა მიმდინარეობს. პროცესზე მხარეები შესავალ სიტყვას იტყვიან.

დაკავებულებიდან სამს ჯგუფური ძალადობის ორგანიზებასა და ხელმძღვანელობას ედავებიან, ხუთს კი ჯგუფურ ძალადობაში მონაწილეობას. მათ 4-დან 6 წლამდე პატიმრობა ემუქრებათ.

"ჩვენ ვიმყოფებით შესავალი სიტყვების ეტაპზე. ასე რომ, ჩვენ ჩვენს პოზიციას დავაფიქსირებთ აღნიშნულ 14 დღესთან დაკავშირებით და დარბაზთან დაკავშირებით. დანარჩენი არსებითი შუამდგომლობები ამ ეტაპზე ჩვენ და სხვა ადვოკატებსაც არ ექნებათ", - აცხადებს ადვოკატი  ელგუჯა ავსაჯანიშვილი.