9-დღიანი ძებნის შემდეგ ტატო ზანანაშვილი გარდაცვლილი იპოვეს
1726917432
რუსთავში, წყალმომარაგების სისტემის რეაბილიტაციის მიზნით მიმდინარე პროექტის მორიგი ეტაპი დასრულდა. კომპანია GWP გაგარინის ქუჩაზე წყალსადენის ახალ ქსელზე ბოლო გადაერთებით სამუშაოებს ატარებს. რუსთავის მერიის პრესსამსახურის ცნობით, პროექტის მიმდინარეობას, კომპანია GWP-ის წარმომადგენლებთან ერთად, მონიტორინგის მიზნით, ადგილზე გაეცნო რუსთავის მერი ნინო ლაცაბიძე.
,,რუსთავის წყალმომარაგების გასაუმჯობესებლად ძალიან მნიშვნელოვანი პროექტები ხორციელდება. რუსთავი მერიის გუნდი ყოველდღიურ მონიტორინგს ვუწევთ და ამ პროცესში აქტიურად ვართ ჩართული. დღეს, გაგარინის ქუჩაზე ახალი მაგისტრალური მილსადენის თითქმის ორკილომეტრიანი მონაკვეთის გადაერთება ხდება, რის გამოც სამწუხაროდ გარკვეული დროით ქალაქში წყალმომარაგება შეიზღუდება, თუმცა მთავარი არის ის, რომ ეს შეზღუდვა ახალ სისტემაზე გადართვასა და დღეს არსებული პრობლემის დაძლევას ემსახურება”, - განაცხადა ლაცაბიძემ.
პროექტის ფარგლებში, სრულად განახლდა 1.9 კმ-მდე სიგრძის წყალსადენის ქსელი, დამონტაჟდა 17 ერთეული ჩამკეტ-მარეგულირებელი ურდული და მოეწყო 15 ერთეული საკვანძო ჭა. GWP-იმ გაგარინის ქუჩაზე შესრულებულ პროექტში 3,6 მლნ ლარის ინვესტიცია განახორციელა.
„გაგარინის ქუჩის განახლებული ქსელის ექსპლუატაციაში შესვლის მიზნით, კომპანიის მიერ ტექნიკური სამუშაოების მიმდინარეობისას, მაგისტრალური ქსელი წყლისგან დაიცლება, რის გამოც, 2 სექტემბერს დღის 15:00 საათიდან, 3 სექტემბრის დღის 13:00 საათამდე, რუსთავის მოსახლეობის ნაწილს, წყალმომარაგება შეეზღუდება”, - აღნიშნა GWP-ის რუსთავის საოპერაციო ცენტრის მენეჯერმა მიხეილ ცირდავამ.
რუსთავის წყალმომარაგების გაუმჯობესების მიზნით, აღნიშნული გრძელვადიანი პროექტი, უკვე მე-3 წელია რაც მიმდინარეობს. ინვესტიციის საერთო რაოდენობა 60 მილიონ ლარს შეადგენს.
