რუსთავის მერიამ თბილისის მიმართულებით მუნიციპალური ავტობუსის კიდევ ერთი ხაზი აამოქმედა

რუსთავის მერიამ თბილისის მიმართულებით მუნიციპალური ავტობუსის კიდევ ერთი ხაზი აამოქმედა. მეხუთე მარშრუტზე მუნიციპალური ტრანსპორტი ჭყონდიდელის უბნიდან თბილისის რკინიგზის სადგურამდე იმოძრავებს.

მგზავრობის საფასურის გადახდა "რუსთავი ქარდით", "საქართველოს" ან "თიბისი ბანკების" ბარათებითაა შესაძლებელი.

გათვალისწინებულია საშეღავათო პაკეტი სტუდენტებისთვის. მგზავრობა უფასოა შშმ პირებისთვის.