ონის მუნიციპალიტეტში მიმდინარე და დასრულებულ ინფრასტრუქტურულ პროექტებს დავით ლობჟანიძე ადგილზე გაეცნო

ონის მუნიციპალიტეტის მერმა, დავით ლობჟანიძემ, მოადგილე ირმა ჩიხრაძესთან ერთად, მუნიციპალიტეტში მიმდინარე და დასრულებული ინფრასტრუქტურული პროექტები ადგილზე დაათვალიერა და სამუშაოების მიმდინარეობას გაეცნო.

მუნიციპალიტეტში საგზაო ინფრასტრუქტურის მოწესრიგება ერთ-ერთ მთავარ პრიორიტეტად რჩება. ამ დროისთვის, სამუშაოები უკვე წარმატებით დასრულდა შემდეგ სოფლებში: ქვედი, წედისი, წოლა.

მოსახლეობისთვის კომფორტული და უსაფრთხო გადაადგილების უზრუნველსაყოფად, საგზაო ინფრასტრუქტურის მოწყობა ერთდროულად რამდენიმე ლოკაციაზე, ინტენსიურ რეჟიმში გრძელდება. სამუშაოები აქტიურ ფაზაშია სოფლებში: ჟაშქვა, ქორთა-ბოყვა, სომიწო, გომი და უწერა.