მივმართავთ სრულიად ევროპისა და მსოფლიოს პარლამენტებს, მთავრობებს, შეაჩერეთ ბირთვული მანიაკი! - რადას თავმჯდომარე

უკრაინის რადას თავმჯდომარე რუსლან სტეფანჩუკი  ევროპასა და მთელ მსოფლიოს მიმართავს, რომ „ბირთვული მანიაკი“ შეაჩერონ.

"უკრაინის უმაღლესი რადას სახელით, მივმართავთ სრულიად ევროპისა და მსოფლიოს პარლამენტებს, მთავრობებსა და მოქალაქეებს. რუსეთმა ევროპა და მსოფლიო ბირთვული არმაგედონის ზღვარზე დააყენა. რუსეთის საოკუპაციო ჯარები განზრახ ბომბავენ ზაპოროჟიეს ატომურ ელექტროსადგურს. ეს არის მიზანმიმართული დაბომბვა, რომელიც მიზნად ისახავს გლობალური მასშტაბის კატასტროფის გამოწვევას.

პუტინის დანაშაულებმა გლობალურ მასშტაბებს მიაღწია და საფრთხეს უქმნის ევროპის არსებობას და შესაძლოა, კაცობრიობას. ეს დანაშაული ნათლად მეტყველებს უკრაინის თავზე აკრძალული საფრენი ზონის მალე დაწესების აუცილებლობაზე, რათა დავიცვათ არა მხოლოდ უკრაინა, არამედ ევროპა და მსოფლიო. შეაჩერეთ ბირთვული მანიაკი!", - აღნიშნა მან.