გაეროში აშშ-ის ელჩი: აშკარაა, რომ ვლადიმერ პუტინს უკრაინის განადგურებისა და დატერორების გეგმა აქვს

გაეროში აშშ-ის ელჩმა, ლინდა თომას-გრინფილდმა განაცხადა, რომ აშკარაა, რომ ვლადიმერ პუტინს უკრაინის განადგურებისა და დატერორების გეგმა აქვს.

ლინდა თომას-გრინფილდის თქმით, აშშ შეშფოთებულია იმის გამო, რომ მსოფლიო უნდა მოემზადოს წინ ძალიან გრძელი და ძალიან რთული გზისთვის.

ლინდა თომას-გრინფილდმა ასევე განაცხადა, რომ პუტინი აშკარად მზად არის, გასწიროს ათასობით რუსი ჯარისკაცის სიცოცხლე თავისი პირადი ამბიციების მისაღწევად.

„თუ ბოლო ორმა კვირამ რაღაც გვაჩვენა, ეს ისაა, რომ უკრაინელი ხალხი არ აპირებს დანებებას. ბევრ რუს ხალხს, მათ შორის ბევრ რუს ჯარისკაცს, არ სურს ეს ომი.

კვირების განმავლობაში ვაფრთხილებდით მოსკოვს, რომ ამ ომის წამოწყებისთვის რუსეთი საბოლოოდ უფრო სუსტი გახდება და არა ძლიერი. ეს უკვე მტკიცდება“, - განაცხადა მან.