ფაშინიანი: სომხეთსა და აზერბაიჯანს შორის სამშვიდობო ხელშეკრულება უნდა გაფორმდეს

სომხეთსა და აზერბაიჯანს შორის სამშვიდობო ხელშეკრულება უნდა გაფორმდეს, თუმცა დოკუმენტი მოლაპარაკებების შედეგი უნდა იყოს,- ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.

ინფორმაციას ადგილობრივი მედია ავრცელებს.

„ვფიქრობთ, რომ ეს მოლაპარაკებები უნდა შედგეს. სომხეთი ამისთვის მზად არის. ჩვენ ასევე გვაქვს სამშვიდობო დღის წესრიგი. ჩვენ უნდა გავაგრძელოთ სამშვიდობო ხელშეკრულების ხელმოწერის დღის წესრიგი. მაგრამ რაიმე ხელშეკრულების გაფორმებამდე მოლაპარაკებები უნდა შედგეს. სომხეთი მზად არის მოლაპარაკებებისთვის. ყველა ამ საკითხის განხილვა პრობლემების გადაჭრას ემსახურება“, - აღნიშნა ნიკოლ ფაშინიანმა.