შსს ავრცელებს იმ პირის დაკავების კადრებს, რომელიც თაბაშირისგან დამზადებულ ტელეფონის მსგავს საგნებს ალომბარდებდა

თაღლითობის ბრალდებით დააკავეს პირი, რომელიც თაბაშირისგან დამზადებულ ტელეფონის მსგავს საგნებს ალომბარდებდა

„სამართალდამცველებმა ბრალდებული თბილისის ერთ-ერთ ლომბარდში იმ დროს დააკავეს, როდესაც ის ყალბი კოდის მქონე მობილური ტელეფონის დალომბარდებას ცდილობდა. ნივთმტკიცებად ამოღებული ყუთის გახსნისას აღმოჩნდა, რომ ყუთში რეალური ტელეფონის ნაცვლად თაბაშირისგან დამზადებული ტელეფონის მსგავსი საგანი იდო.გამოძიებით ასევე დგინდება, რომ ბრალდებულმა თანამზრახველთან ერთად, სხვადასხვა ლომბარდში მობილური ტელეფონების მსგავსი, ექვსი იმიტირებული ნივთი დაალომბარდა, რითაც კომპანიებს მნიშვნელოვანი ფინანსური ზიანი მიაყენა“, - აცხადებენ შსს-ში