ბუჩაში მომხდარი გენოციდის გამო, მოლდოვამ გლოვის დღე გამოაცხადა

ბუჩაში მომხდარი გენოციდის გამო, მოლდოვამ გლოვის დღე გამოაცხადა, ამის შესახებ ქვეყნის პრეზიდენტმა განაცხადა.

"შოკირებული ვართ უკრაინაში მშვიდობიანი მოსახლეობის მიმართ განხორციელებული სისასტიკით. მოლდოვა მკაცრად გმობს კაცობრიობის წინააღმდეგ ჩადენილ ამ დანაშაულებს, ასევე, გმობს უკრაინის წინააღმდეგ მოწყობილ უკანონო და არაპროვოცირებულ ომს. მოლდოვა უკრაინაში დაღუპული ადამიანების ხსოვნისადმი გლოვის დღეს აცხადებს",- წერს მაია სანდუ.