ზელენსკი ევროპის ლიდერების სამიტს დაესწრება, რომელსაც დიდი ბრიტანეთი კვირას უმასპინძლებს

უკრაინის პრეზიდენტი ვოლოდიმირ ზელენსკი ევროპის ლიდერების სამიტს დაესწრება, რომელსაც დიდი ბრიტანეთი კვირას უმასპინძლებს, - წერს უკრაინული მედია.

განხილვის მთავარი თემა უკრაინაში მიმდინარე ომის დასრულების პერსპექტივა, თავდაცვისა და უსაფრთხოების საკითხები იქნება. სამიტის ორგანიზატორი დიდი-ბრიტანეთის პრემიერ-მინისტრი კირ სტარმერია.

სტარმერის განცხადებით, ის ესაუბრა აშშ-ს და უკრაინის პრეზიდენტებს თეთრ სახლში გამართული მათი შეხვედრის შემდეგ. სტარმერის განცხადებით, მან „უკრაინას ურყევი თანადგომა“ გამოუცხადა.