ვის ეძებდნენ იანვარში ყველაზე ხშირად Google-ში

Google-მა მსოფლიოს მასშტაბით, ახალი წლის პირველი თვის ყველაზე ძებნადი ადამიანები გამოავლინა.

გაირკვა, რომ 2024-ის იანვარში ინტერმეტმომხმარებლები ყველაზე ხშირად ტეილორ სვიფტს ეძებდნენ. ამერიკელ მომღერალზე – 10,751,000-ჯერ ,,დაგუგლეს”.

მეორე ადგილზეა კრიშტიანუ რონალდუ. პორტუგალიელი ფეხბურთელი – 5,062,000-ჯერ მოიძიეს.

სამეულს ლიონელ მესი ხურავს. არგენტინელი ფორვარდი – 4,821,000-ჯერ ,,დასერჩეს”.

ათეულში ასევე მოხვდნენ: შერი (3,846,000)•, ნაპოლეონი (3,708,000), დრეიკი (2,963,000), ჯიფსი-როუზ ბლანჩარდი (2,846,000), ემინემი (2,200,000), ილონ მასკი (2,098,000) და ტრევის კელსი (2,060,000).