უკრაინის პრეზიდენტის პასუხი ტრამპს - ზელენსკი აცხადებს, რომ უკრაინას მშვიდობა სურს და ამ პროცესში ისევ აშშ-ის მხარდაჭერის იმედი აქვს

უკრაინის პრეზიდენტი ამბობს, რომ უკრაინას მშვიდობა სურს და ამ პროცესში ისევ ამერიკის შეერთებული შტატების მხარდაჭერის იმედი აქვს.

ვოლოდიმირ ზელენსკი ვიდეომიმართვაში განმარტავს, რომ უკრაინას უსაფრთხოების გარანტიები არ ჰქონდა, ამიტომ რუსეთმა ყირიმის ოკუპაცია შეძლო, დაიწყო ომი დონბასში და, საბოლოოდ, სრულმასშტაბიანი შეჭრა განახორციელა.

ცნობისთვის, ტრამპმა სოციალურ ქსელში დაწერა: ამ კაცს [ვოლოდიმირ ზელენსკის] არ სურს მშვიდობა, ვიდრე მას ამერიკის მხარდაჭერა აქვს. ამერიკა ამას დიდხანს აღარ აიტანს.