სომხეთის პარლამენტმა ევროკავშირში გაწევრიანების პროცესის დაწყების კანონპროექტს მხარი დაუჭირა

სომხეთის პარლამენტმა ევროკავშირში გაწევრიანების პროცესის დაწყების კანონპროექტს მხარი დაუჭირა.

კანონპროექტის მომხრე 63 დეპუტატი იყო, შვიდი კი წინააღმდეგ წავიდა.

კანონპროექტის ინიციატორი არის სამოქალაქო ინიციატივა „დემოკრატიული ძალების პლატფორმა“, რომელმაც ორ თვეში 60 ათასი ხელმოწერა შეაგროვა. ეს ხელმოწერები აუცილებელი იყო ეროვნულ ასამბლეაში განსახილველად პროექტის წარდგენისთვის. 2024 წლის 9 იანვარს პროექტი დაამტკიცა სომხეთის რესპუბლიკის მთავრობამ.