"ტემპერატურა +22 გრადუსამდეც კი აიწევს... ქარი გაძლიერდება..." - თებერვლის ამინდის პროგნოზი ქალაქების მიხედვით

ამინდის გრძელვადიანი პროგნოზების განყოფილების უფროსი, ხათუნა ქოქოსაძე, „პრაიმტაიმთან“ თებერვლის თვის პროგნოზზე საუბრობს: 

მისი თქმით, თებერვლის ბოლომდე, დასავლეთ საქართველოში, ჰაერის საშუალო ტემპერატურა, 7-8 გრადუსია მოსალოდნელი. 

„ცალკეულ დღეებში, დასავლეთ საქართველოში, მოსალოდნელია ტემპერატურის დაკლება - 3 გრადუსამდე. კოლხეთის დაბლობზე, -5 გრადუსამდე. 

ასევე ცალკეულ დღეებში, მოსალოდნელია ტემპერატურის მომატება +22 გრადუსამდე. მთიან რაიონებში, მოსალოდნელია +3 +4 გრადუსი, ხოლო მაღალმთიან რაიონებში +1. ცალკეულ დღეებში, კი -16 გრადუსამდე დაიწევს ტემპერატურა. 

დასავლეთში, ნალექები მოსალოდნელია ნორმასთან ახლოს და ნორმაზე ნაკლები. 

რაც შეეხება აღმოსავლეთ საქართველოს, ჰაერის საშუალო ტემპერატურა, მოსალოდნელია +2, +5 გრადუსი ქართლშიც და კახეთშიც. ცალკეულ დღეებში, მოსალოდნელია ტემპერატურის დაკლება -7, -8 გრადუსამდე, მთაში მოსალოდნელია საშუალო ტემპერატურა +2 გრადუსი. ცალკეულ დღეებში, ბარში, + 19 გრადუსამდე დათბება.

ნალექებს რაც შეეხება, აღმოსავლეთ საქართველოში მთლიანად, ნორმაზე ნაკლებია. 

ცალკეულ დღეებს რაც შეეხება, 14 თებერვალს, მოსალოდნელია ნალექი და ცოტა ქარი. 15-16-ში უნალექო ამინდია მოსალოდნელი. 

17 თებერვლიდან - 19 თებერვლამდე კვლავ ნალექიანი ამინდია მოსალოდნელი. 

ქარს რაც შეეხება - 14 თებერვალს გაძლიერდება და 20 მ/წმ სიჩქარის ქარი იქნება. ასევე 17-ში, დღის ბოლოდან 19-მდე მოსალოდნელია ქარის გაძლიერება“,- თქვა ხათუნა ქოქოსაძემ.