სირიული მედიის ცნობით, ისრაელის სამხედრო ავიაციის მიერ თავდასხმას სირიაში ექვსი ადამიანი ემსხვერპლა, 12 კი დაშავდა

ისრაელის სამხედრო ავიაციის მიერ თავდასხმას სირიაში ექვსი ადამიანი ემსხვერპლა. თავდასხმის შედეგად 12 ადამიანი დაშავდა, მათ შორის ბავშვები.

სირიის სამთავრობო მედიის ინფორმაციით, ისრაელის სამხედრო თვითმფრინავებმა ჰომსის რეგიონში სირიასა და ლიბანს შორის არსებული სასაზღვრო გადასასვლელები დაბომბეს. სირიის მედია წერს, რომ დაღუპულთა შორის ორი ჯარისკაცი და „სირიის არაბული წითელი ნახევარმთვარის ორგანიზაციის“ მოხალისე არიან.

გავრცელებული ინფორმაციით, ისრაელის სამხედრო ავიაციამ იერიში განახორციელა ლიბანის ტერიტორიის მიმართულებიდან. თავდასხმის შედეგად დაზიანდა „სირიის არაბული წითელი ნახევარმთვარის ორგანიზაციის“ ავტომობილები და სამუშაო პუნქტები.