რომის პაპი მარტში ვატიკანის გუბერნატორის თანამდებობაზე ქალს დანიშნავს

რომის პაპი ფრანცისკე ვატიკანის გუბერნატორის თანამდებობაზე მონაზონს რაფაელა პეტრინის დანიშნავს. ამის შესახებ პაპმა ტოკ-შოუ "Che tempo che fa"-ს ეთერში განაცხადა. ინფორმაციას Deutche welle ავრცელებს.

2021 წლიდან პეტრინი ვატიკანის გუბერნატორობის გენერალური მდივნის თანამდებობას იკავებს. ქალაქი-სახელმწიფოს მთავრობის ხელმძღვანელის პოსტზე ის არქიეპისკოპოსს ვერგეს ალსაგუს შეცვლის. მიმდინარე წლის მარტში ვატიკანის მოქმედი გუბერნატორი 80 წლის ხდება.