ნიდერლანდებმა უკრაინას Patriot-ის ტიპის სამი ჰაერსაწინააღმდეგო სისტემა გადასცა

ნიდერლანდების მთავრობამ უკრაინას Patriot-ის ტიპის სამი ერთეული ჰაერსაწინააღმდეგო სისტემა გადასცა, - დაწერა ნიდერლანდების თავდაცვის მინისტრმა რუბენ ბრეკელმანსმა სოციალურ ქსელ X-ში.

"უკრაინელები მძიმე ზამთრის პირისპირ აღმოჩნდნენ, ვინაიდან დამანგრეველი ავიაიერიშები გრძელდება. ზუსტად ამიტომ, ჩვენ Patriot-ის ტიპის სამი გამშვები დანადგარის გადაცემის გადაწყვეტილება მივიღეთ. ეს სიცოცხლეს გადაარჩენს და სასიცოცხლოდ მნიშვნელოვან ინფრასტრუქტურას დაიცავს", - დაწერა მან.

ბრეკელმანსის თქმით, რუსული აგრესიის შეჩერება არის და რჩება ორივე ქვეყნის საერთო ინტერესად.

Oekraïners gaan een zware winter tegemoet, want de verwoestende luchtaanvallen gaan maar door.

Daarom leverden we 3 Patriot-lanceerbuizen. Dit redt mensenlevens en beschermt vitale infrastructuur.

Het is en blijft in ons gezamenlijk belang de Russische agressie tegen te houden. pic.twitter.com/J5yEcq3V11

— Ruben Brekelmans (@DefensieMin) November 28, 2024