ისრაელმა ლიბანში, „ჰეზბოლას“ სამეთაურო ცენტრზე საჰაერო იერიში მიიტანა

ჩრდილოეთ ისრაელის მიმართულებით სარაკეტო იერიშის საპასუხოდ, ისრაელმა სამხრეთ ლიბანში, ჰეზბოლას სამეთაურო ცენტრზე საჰაერო იერიში მიიტანა.

ისრაელის თავდაცვის ძალების მიერ გავრცელებული ინფორმაციით, სამხედროებმა მეთულის მახლობლად მდებარე, ტერორისტების ობიექტი გაანადგურეს, საიდანაც ისრაელზე შეტევა იგეგმებოდა.

„ცაჰალის“ ინფორმაციით, ღამის განმავლობაში „ჰეზბოლამ“ ისრაელისკენ 5 რაკეტა და დანაღმული დრონები გაუშვა.